السلام عليكم أعضاء منتدانا الغالى أنا ياية أقولكم أخبارى لأنى من زمان عنكم الحمداللة يارب كبرت قموررة و من كثر الدلع والدلال ذابحتنى تبى الشى لالالالالازم تاخذة وبجججججى وتدرون اذا أقولها لأ تقط نفسها على الارض جدام الناس بالسوق وأحاول أشيلها تيبس عمرها واذا أبى أمشطلها وووووووى بجى ونواح وتقول مانى مانى يعنى مابى مابى بس تصدقون ساعات تنرفزنى واللة أطقها واللة تيننى وعقب ما أطقها تل شعرى أو تطقنى وتبجى ما أدرى شلون أتعامل معاها بس أرد و أقول الحمداللة يارب واللة يرزقنى واياكم الذرية الصالحة يارب وهذا يديدى ويا بنتى شرايكم.
وهذى قصتى حق اللى ما قراها أو نساها واللة العظيم يوم قريتها اليوم وذكرتنى باللى صار كلة بجيت الحمداللة الحمداللة
رد: لايأس مع الحياة ولا حياة مع اليأس (مشوارى وصراعى مع الحياة)
--------------------------------------------------------------------------------
السلام عليكم أود أن أعرض قصتى لكل اليائسيين من الحياة ولكن قصتى طويلة جدا جدا وكل مرة بكتبلكم جزء من القصة لغاية ما ألاقى التفاعل معاى وراح أكمل وأللة أقسم باللة ان هذى قصتى وهذا اللى صار معاى بالحرف الواحد بالبداية أول شى يوم تزوجت فى 1-1-99 وسويت عرس وكل شى تمام والحمد اللة وبعد مرور 6 شهور من الزواج بدأت معاناتى كلة نزيف وكلة بالمستشفى نايمة اسبوع يحاولون يوققون النزيف بس أطلع من المستشفى ويرد النزيف مرة ثانية ليما وصل دمى والحديد بالارض قامو ينقلولى دم وبنسبة كبيرة وليما وقف الدم طبعا بعد تقريبا عشر مرات وانا ادش المستشفى وأطلع قرروا يسوولى عملية فتح يطن يقولولى احتمال من التليف هالنزيف وانا طبعا من التعب وافقت بس أبى أرتاح من الالم والنزيف وتخيلوا وانا عروس دشيت المستشفى وسويت عملية مثل القيصرية ولكن أكبر وشالوا التليف الموجود ولكن بعد ما صحيت من البنج صدمنى الدكتور قالى هذا مو تليف عادى هذا داش مع جدار الرجم وانا شلت جزء من جدار الرحم قلت الحمداللة على كل حال والحمداللة تحسنت وطلعت من المستشفى ورديت شقتى ولا اتعشى أنا وريلى وعفب العشا ويحوشنى ضيق بالنفس وترجبع واختناق واحس فى شى حار يمشى على ريولى ولا تفريبا ربع عمليتى انفتحت و مو قادرة اتنفس ريلى من الخرعة ما درى شنو يسوى دق على الاسعاف وعبال مايت أنا فى غيبوبة ودونى مستشفى مبارك وسيدة على العناية المركزة طيعا هذا كلام ريلى المهم عقب جم يوم بديت احس خفيف كانوا اييبولى ابر ويغزونى بكل مكان بس احس كلش خفيف المهم الحمداللة صحيت وعدت على خير وقالولى كان فى ماى على الرئة وهذا اللى سبببلج الاختناق والحمداللة مع العلاج الطبيعى تخسنت الحالة وتخيلوا وانا عروس وللحين اقول الحمداللة وعقب تقريبا مر على زواجنا سنة ونص وكل من قام يسأل ليش ما احملت وانتوا تعرفون الحنة وأعتقد كل من مجربها بدينا رحلة العلاج ما خليت جميع مستشفيات الكويت وغير الدكاترة اللى فى العبادات الخاصة انتى مايصير تحملين الا أطفال انابييب؟؟؟؟؟ ليش قالولى الدكتور اللى مسوبيج العملية مو مسويها عدل وخرب وايد أشياء لازم مابجيسهم وسوا التصاقات بالحوض وتخيلوا لقوا صديد داحل العملية أقسم باللة ومن كثر الصديد اطريت انى أسوى عملية ثانية؟؟؟؟؟اذا تبونى أكمل الفصة شجعونى لأن قصتى وايد طويلة اكملكم القصة
وعقب ما قالى الدكتور لازم نفتح البطن ونسوى تنظيف حق منطقة الحوض وننفخ الانابييب ونحاول نصلح الالتصاقات رديت بعد فتح بطن لا مابى و فى مرة قريت فى بروفيسور زائر ياى مستشفى خاص رحتلة وقتلة مشكلتى وقالى تعالى ديرتى وانا اسويها لج بدون فتح ولكن عن طريق منظار البطن ورحت وسويتها وقالى من كثر الصديد أثر على الانابييب عندج وطريت استأصل واحد منهم لانة ماينفع ومنطقة الحوض وايد ملتهبة المهم الحمداللة تحسنت وبديت مشوار أطفال الانابييب ما خليت مستشفى بالكويت ماسويت فى ومانجحت ولا مرة مدحولى يمصر ورحت وسويت تقريبا 5 مرات بمصر ولكن مانجحت وتدروون اذا ماتنجح العملية أتأزم نفسيا وأبجى وأنوح واستغفر اللة جنة عندى عزا وعقب ما مليت قلت حق ريلى خلاص انا تعبت وماراح اسوى بعد روح اتزوج وانت من حقك يكون عندك ذرية واهوا مارشا وزعل بس قبلها كان يلمح لى بالموضوع والشرع حلل اربع والواحد لازم يكون عادل المهم انا مادرى اشصار فينى فجأة وأقوم أرحع وما تدش لقمة بحلجى الا أنا مرجعتها وتميت على الحال ليما سويت تحليل حمل وانا ادرى ان ماكو شى لان الدكتور قالى مايصير حمال طبيعى لان ماكو أنابييب المهم سويت منظار معدة ولقوا ثقب كبييير بالنعدة وخافوا على وقالوا هذى شلون تاكل ودخلونى المستشفى وانا احس انى تعبانة بدون اكل بس درب وذاك اليوم اشتهى كيكة وانا ماحسيت بعمرى الا وانا ماكلة شوية منها وقمت ارجع وارجع وعلى طول دخلونى العناية المركزة وتميت فيها تقريبا شهر ونص ونزلت أكثر من 30 كيلوا وبعدين سويت العملية والحمداللة صرت أحسن وقدرت أكل واستغرقت مدة العملية 7 ساعات وطيعا خذيت وقت لغاية ما تشافيت عدل وقلت يلة الحين برجع أسوى انا أطفال أنابييب مرة ثانية و بدت أراجع المستشفى وقالولى لازم منظار عشان انشوف الرحم قلت ميخالف وسوالى المنظار وقالى لا انتى الرحم فية جرح داخل الجدار مايصيير أى عملية أطفال أنابييب شلون هذول مايخافون ربهم بس ياخذون فلوس وطلعت من عند الدكتور وانا ابجى كلشى مصكر بويهى ومرت تقريبا سنتين وانا ما سويت أى عملية أطفال أنابيب بس كلة أحس ان فينى شى صوب قلبى ساعات نغزات وساعات أحس دقات سريعة شوى وتروح وقامت تتطور الحالة ليما يتلى اغماءة قام ريلى يقولى شنو فيج اشصايرلج ابطل عيونى وانا مو حاسة بشي صار وقام يقولى انت غشيتى واقعد أفكر أنا لا المهم ودانى الطبييب وبعد الفحوصات اكتشفت ان عندى عييب خلقى بالقلب وفى تسريب بنسبة 90% وضعف فى عضلة القلب وفتحة بالقلب وتضخم البطين أأأأأأة أقولها من قلبى ياربى الحمداللة على كل حال المهم قالولى لازم عملية ضرورى والحمال خطر عليج ويؤدى الى وفاتج لاتسويين أطفال أنابييب ويمكن تحمليين وترى الحمال مشكلة بالنسبة الى حالتك قلت بتوكل على اللة ومانى رادة عليهم بس عطونى أدوية حق تهدئة القلب انة ما يدق بسرعة وماتيينى اغمائة وفعلا خذيت الدوا وتحسنت حالتى بس ناصحينى بعدم الحمل المهم قلت ابى أبتدى أسوى أطفال أنابييب ورحت سافرت برة مع ريلى وقالى ترا على مسؤؤليتنا لايصيير فيج شى قلت توكل على اللة المهم خذينا قرض ورحت أمريكا وسوييت حقن مجهرى وعرفوا حالتى عدل والمفاجأة مبرووووووووك حامل الارض ما شالتنى من الفرحة وبجى وسجدت شكر حق اللة ودقينا على الكويت وبشرناهم وكل ماكبر بطنى اتعب أزيد وذاك ليوم تعب قلبى وحطونى من شدة التعب بالعناية المركزة وبعد اسبوع الحمداللة طلعت وصرت أحسن وكل شهر أسوى سونار وأشوف الياهل يتكون وأحمد اللة وأشكرة وقالولى انة ولد وحمد اللة وفى أخر مراجعة كانت تقريبا أخر يوم بالخامس قلت حق الدكتور أحس فى مغص ببطنى قالى عادى قتلة فية شى غرييب ما أحس انى مرتاحة قالى عادى اخذى
حبة بندول وسوالى سونار الياهل زين ويتحرك وكل شى قالى روحى البيت ريحى المهم رحت البيت ونمت وقمت وانا اسوأ من الصبح وكل شوى أدش الحمام وانتوا بكرامة احس فينى شى بطنى يعورنى بس ماكو شى بس أضغط تعبانة وأول مرة ما أعرف شنو هذا وؤيلى نايم وأرجع السرير وأحس أبى أروح الحمام رحت ماكو شى ووانا قاعدة اغسل ولا احس بسى مثل مادرى شنو وأروح بسرعة أنسدح وأقعد ريلى وأقولة أنا أحس بشى وفجأة يزيد الالم وقمت أعض على المخدة واللة جنة اللى اتشوفونة بالافلام وديرة غربة وما نعرف أحد وريلى ما يعرف انجليزى يقولى دقى على الاسعاف انا وين ما أقدر ويقولى حاولى وأمسك التليقون واتصل 911 وأشرحلها العنوان وهيا بكل برود تحاجينى وانا بموت أصرح وأقولها المكان تقولى مو موجود على الخريطة المهم ليما يت الاسعاف وشالتنى وانا بالطريج أقول حق ريلى فى شى قاعد يطلع اصارخ مايرد على مصدوم بس يبجى اصارخ من العوار واللة حتى الممرضيين عندهم عادى ولا فجأة شى ينبط وأغرق الاسعاف دم وحسيت بالياهل بملابسى تحتى أقسم باللة ولا تحرك الممرض أقوله مايبيبى ومايرد المهم نسيت أقولكم انى انا كنت أخذ ابر سيولة عشان القلب واللة لايوريكم الدم اللى نزل منى يمكن اقول بحر ما أدرى وصلت الطبييب وقتلهم ماى بييبى وشالوة وقالولى سورى بيبى ديد ( مات ) حلم عمرى وحياتى مات وصرت مثل المينونة ما أدرى أبجى ولا أصرخ المهم قامت الدكتورة تجيك على ونومتنى عطتنى ابرة مهدئة وريلى نفس الشى وطلعت من المتشفى عقب يوميين وانا أقول انا لللة وانا الية راجعون وراح ريلى المستشفى مع مترجم عشان نودية الكويت وندفنة والحمداللة يبناة الكويت عن طريق سفارتنا ودفناة والحمداللة عقبها وايد تعبت من الصدمة وقلبى قام يحتاج عملية ومن الحزن قمت أدش العناية المركزة من التعب قالولى ترا قلبج وصل مرحلة مايصيير انتى قعدة تعرضيين حياتج للخظر قلت لو أموت ما أسويها بالكوييت المهم سوا اوراقى ريلى ورحنا لندن وسويت عملية قلب مفتوح وضبطوا الصمامت وضيطوا القلب وبعد تعب ومعاناة وألم وعذاب 6 شهور ياللة صرت زينة وردينا على سالفت العلاج والحمال قلت مانى معالجة ما أبى تعبت خلاص واللة تزوج واللة أنا راضية وقمت أبجى ورحت مصر عقب سنة من عملية القلب وسويت وبديت العلاج عند أكبر وأشهر دكتور فى مصر والكل يعرفة ويمدح فية وعطونى المنشطات ويا يوم السحب وسحبوا البويضات جان يدقون على و يقولولى احنا اسفين البويضات مش كويسة وماتلقحت ونبى منج تحليل دم المهم أكيد تعرقون مشاعرى وقتها وسويت تحلييل اللى يبونة قالولى هذا يخلص بعد 3 أسابييع لا شينطرنى قالولى واللة انة مهم جدا جدا قلت حق ريلى قالى ميخا لف نقعد المهم صار 3 سابييع أ وأراجعهم و لا الدكتور يقولى أنا متأسف أقولج هالكلام بس أنتى نهائيا ماتحملين وا قالى اسم الهرمون بس نسييت اسمه هذا مسؤؤل عن البويضات وانتى نهائيا ما عندج وقالى احتمال من كثر المحاولات واللة تدرون حزتها شقلت قلت الحمداللة الظاهر مالى نصييب باليهال والحمداللة رب العالميين وردييت الكويت بس ماقلت حق ولا أحد عن اللى قاللى اياة الدكتور حتى ولا ريلى وعشت حياتى عادى وما قمت أفكر بالحمال ولا أبى أسوى شى مرت سنتيين وياى أخوى مستانس رفيجة يالة توأم بعد 15 سنة ومن فرحة أخوى سوالة عشا وجان رفييج أخوى يقولة موجنة نسييبك ما عندة عيال صارلة سنيين رد أخوى اى قالة واللة خل يجرب هالدكتور ولا ما يندم انشاء اللة قالة أخوى لا أهم ما خلو برة الكويت وداخل الكويت بس ملوا قال خل يجربون وحاولوا يقنعونى وأنا أبد رافضة مابى تعبت المهم ويقعد أخوى وياى ويقولى العمر يركض ميخالف عشان خاطرى جربى جان أنفجر بالبجى وأقولة سالفت الدكتور اللى بمصر ادمعت عين أخوى وقالى ان اللة مع الصابرين ولا يأس مع الحياة والخيرة قى مختارة اللة توكلى على اللة المهم رحت عند الدكتور وقالى لازم أول شى منظار قلتلة ووريتة انى انا مسوية بدال الواحد عشر قال لا انا بشوف بعيونى الرحم المهم انحشت منة وما بغيت ورديت البيت قلت مابى المهم طاف اسبوع ويدقون على المستشفى ولا تقولى السكرتيرة انتى حاطة موعد منظار باجر لا شعوريا قتلها اوكى وسبحان اللى لين قلبى ورحت مع ريلى وشاف رحمى الدكتور جان يقول ممتاز ويقدر يشييل توأم بعد طالعت ريلي جنى مو مصدقة وأنا اردد سبحان اللة امهم بديت رحلت العلاج واسحبوا منى 7 بويضات 6 انقسموا تمام ورجعولى 3 وبعد اسبوعيين سوييت تحلييل حمل وقالى مبروووك حامل لحظتها ما تصدقون ما حسييت بفرحة لأنى فينى ردت فعل قلت أكيد بيصيير فينى مثل ماصار بأمريكا طبعا ريلى طار من الفرحة وأهلى وأهل زوجى وانا كلة خايفة لايصيير فينى اجهاض المهم وصلت السادس وعدا بسلام وصلت السابع والثامن ولللة الحمد عدى بسلام وجهزت كل شى حق المولوود اللى بى والحمداللة أول مادشييت التاسع سوالى قيصرية وولدت أحلا بنوتة بالدنيا وسمييتها قمر لأنها قمر و من حبنا لها اناديها غلا غلاتى وهى كل شى لنا بالدنيا وصج غالية وألحين دلوعة والواحد لازم يقول الحمداللة والشكر على كل حال وماييأس من رحمة اللة لأن رحمت اللة واسعة وهذى كل قصتى والحمداللة رب العالميين على كل حال.
وهذى قصتى حق اللى ما قراها أو نساها واللة العظيم يوم قريتها اليوم وذكرتنى باللى صار كلة بجيت الحمداللة الحمداللة
رد: لايأس مع الحياة ولا حياة مع اليأس (مشوارى وصراعى مع الحياة)
--------------------------------------------------------------------------------
السلام عليكم أود أن أعرض قصتى لكل اليائسيين من الحياة ولكن قصتى طويلة جدا جدا وكل مرة بكتبلكم جزء من القصة لغاية ما ألاقى التفاعل معاى وراح أكمل وأللة أقسم باللة ان هذى قصتى وهذا اللى صار معاى بالحرف الواحد بالبداية أول شى يوم تزوجت فى 1-1-99 وسويت عرس وكل شى تمام والحمد اللة وبعد مرور 6 شهور من الزواج بدأت معاناتى كلة نزيف وكلة بالمستشفى نايمة اسبوع يحاولون يوققون النزيف بس أطلع من المستشفى ويرد النزيف مرة ثانية ليما وصل دمى والحديد بالارض قامو ينقلولى دم وبنسبة كبيرة وليما وقف الدم طبعا بعد تقريبا عشر مرات وانا ادش المستشفى وأطلع قرروا يسوولى عملية فتح يطن يقولولى احتمال من التليف هالنزيف وانا طبعا من التعب وافقت بس أبى أرتاح من الالم والنزيف وتخيلوا وانا عروس دشيت المستشفى وسويت عملية مثل القيصرية ولكن أكبر وشالوا التليف الموجود ولكن بعد ما صحيت من البنج صدمنى الدكتور قالى هذا مو تليف عادى هذا داش مع جدار الرجم وانا شلت جزء من جدار الرحم قلت الحمداللة على كل حال والحمداللة تحسنت وطلعت من المستشفى ورديت شقتى ولا اتعشى أنا وريلى وعفب العشا ويحوشنى ضيق بالنفس وترجبع واختناق واحس فى شى حار يمشى على ريولى ولا تفريبا ربع عمليتى انفتحت و مو قادرة اتنفس ريلى من الخرعة ما درى شنو يسوى دق على الاسعاف وعبال مايت أنا فى غيبوبة ودونى مستشفى مبارك وسيدة على العناية المركزة طيعا هذا كلام ريلى المهم عقب جم يوم بديت احس خفيف كانوا اييبولى ابر ويغزونى بكل مكان بس احس كلش خفيف المهم الحمداللة صحيت وعدت على خير وقالولى كان فى ماى على الرئة وهذا اللى سبببلج الاختناق والحمداللة مع العلاج الطبيعى تخسنت الحالة وتخيلوا وانا عروس وللحين اقول الحمداللة وعقب تقريبا مر على زواجنا سنة ونص وكل من قام يسأل ليش ما احملت وانتوا تعرفون الحنة وأعتقد كل من مجربها بدينا رحلة العلاج ما خليت جميع مستشفيات الكويت وغير الدكاترة اللى فى العبادات الخاصة انتى مايصير تحملين الا أطفال انابييب؟؟؟؟؟ ليش قالولى الدكتور اللى مسوبيج العملية مو مسويها عدل وخرب وايد أشياء لازم مابجيسهم وسوا التصاقات بالحوض وتخيلوا لقوا صديد داحل العملية أقسم باللة ومن كثر الصديد اطريت انى أسوى عملية ثانية؟؟؟؟؟اذا تبونى أكمل الفصة شجعونى لأن قصتى وايد طويلة اكملكم القصة
وعقب ما قالى الدكتور لازم نفتح البطن ونسوى تنظيف حق منطقة الحوض وننفخ الانابييب ونحاول نصلح الالتصاقات رديت بعد فتح بطن لا مابى و فى مرة قريت فى بروفيسور زائر ياى مستشفى خاص رحتلة وقتلة مشكلتى وقالى تعالى ديرتى وانا اسويها لج بدون فتح ولكن عن طريق منظار البطن ورحت وسويتها وقالى من كثر الصديد أثر على الانابييب عندج وطريت استأصل واحد منهم لانة ماينفع ومنطقة الحوض وايد ملتهبة المهم الحمداللة تحسنت وبديت مشوار أطفال الانابييب ما خليت مستشفى بالكويت ماسويت فى ومانجحت ولا مرة مدحولى يمصر ورحت وسويت تقريبا 5 مرات بمصر ولكن مانجحت وتدروون اذا ماتنجح العملية أتأزم نفسيا وأبجى وأنوح واستغفر اللة جنة عندى عزا وعقب ما مليت قلت حق ريلى خلاص انا تعبت وماراح اسوى بعد روح اتزوج وانت من حقك يكون عندك ذرية واهوا مارشا وزعل بس قبلها كان يلمح لى بالموضوع والشرع حلل اربع والواحد لازم يكون عادل المهم انا مادرى اشصار فينى فجأة وأقوم أرحع وما تدش لقمة بحلجى الا أنا مرجعتها وتميت على الحال ليما سويت تحليل حمل وانا ادرى ان ماكو شى لان الدكتور قالى مايصير حمال طبيعى لان ماكو أنابييب المهم سويت منظار معدة ولقوا ثقب كبييير بالنعدة وخافوا على وقالوا هذى شلون تاكل ودخلونى المستشفى وانا احس انى تعبانة بدون اكل بس درب وذاك اليوم اشتهى كيكة وانا ماحسيت بعمرى الا وانا ماكلة شوية منها وقمت ارجع وارجع وعلى طول دخلونى العناية المركزة وتميت فيها تقريبا شهر ونص ونزلت أكثر من 30 كيلوا وبعدين سويت العملية والحمداللة صرت أحسن وقدرت أكل واستغرقت مدة العملية 7 ساعات وطيعا خذيت وقت لغاية ما تشافيت عدل وقلت يلة الحين برجع أسوى انا أطفال أنابييب مرة ثانية و بدت أراجع المستشفى وقالولى لازم منظار عشان انشوف الرحم قلت ميخالف وسوالى المنظار وقالى لا انتى الرحم فية جرح داخل الجدار مايصيير أى عملية أطفال أنابييب شلون هذول مايخافون ربهم بس ياخذون فلوس وطلعت من عند الدكتور وانا ابجى كلشى مصكر بويهى ومرت تقريبا سنتين وانا ما سويت أى عملية أطفال أنابيب بس كلة أحس ان فينى شى صوب قلبى ساعات نغزات وساعات أحس دقات سريعة شوى وتروح وقامت تتطور الحالة ليما يتلى اغماءة قام ريلى يقولى شنو فيج اشصايرلج ابطل عيونى وانا مو حاسة بشي صار وقام يقولى انت غشيتى واقعد أفكر أنا لا المهم ودانى الطبييب وبعد الفحوصات اكتشفت ان عندى عييب خلقى بالقلب وفى تسريب بنسبة 90% وضعف فى عضلة القلب وفتحة بالقلب وتضخم البطين أأأأأأة أقولها من قلبى ياربى الحمداللة على كل حال المهم قالولى لازم عملية ضرورى والحمال خطر عليج ويؤدى الى وفاتج لاتسويين أطفال أنابييب ويمكن تحمليين وترى الحمال مشكلة بالنسبة الى حالتك قلت بتوكل على اللة ومانى رادة عليهم بس عطونى أدوية حق تهدئة القلب انة ما يدق بسرعة وماتيينى اغمائة وفعلا خذيت الدوا وتحسنت حالتى بس ناصحينى بعدم الحمل المهم قلت ابى أبتدى أسوى أطفال أنابييب ورحت سافرت برة مع ريلى وقالى ترا على مسؤؤليتنا لايصيير فيج شى قلت توكل على اللة المهم خذينا قرض ورحت أمريكا وسوييت حقن مجهرى وعرفوا حالتى عدل والمفاجأة مبرووووووووك حامل الارض ما شالتنى من الفرحة وبجى وسجدت شكر حق اللة ودقينا على الكويت وبشرناهم وكل ماكبر بطنى اتعب أزيد وذاك ليوم تعب قلبى وحطونى من شدة التعب بالعناية المركزة وبعد اسبوع الحمداللة طلعت وصرت أحسن وكل شهر أسوى سونار وأشوف الياهل يتكون وأحمد اللة وأشكرة وقالولى انة ولد وحمد اللة وفى أخر مراجعة كانت تقريبا أخر يوم بالخامس قلت حق الدكتور أحس فى مغص ببطنى قالى عادى قتلة فية شى غرييب ما أحس انى مرتاحة قالى عادى اخذى
حبة بندول وسوالى سونار الياهل زين ويتحرك وكل شى قالى روحى البيت ريحى المهم رحت البيت ونمت وقمت وانا اسوأ من الصبح وكل شوى أدش الحمام وانتوا بكرامة احس فينى شى بطنى يعورنى بس ماكو شى بس أضغط تعبانة وأول مرة ما أعرف شنو هذا وؤيلى نايم وأرجع السرير وأحس أبى أروح الحمام رحت ماكو شى ووانا قاعدة اغسل ولا احس بسى مثل مادرى شنو وأروح بسرعة أنسدح وأقعد ريلى وأقولة أنا أحس بشى وفجأة يزيد الالم وقمت أعض على المخدة واللة جنة اللى اتشوفونة بالافلام وديرة غربة وما نعرف أحد وريلى ما يعرف انجليزى يقولى دقى على الاسعاف انا وين ما أقدر ويقولى حاولى وأمسك التليقون واتصل 911 وأشرحلها العنوان وهيا بكل برود تحاجينى وانا بموت أصرح وأقولها المكان تقولى مو موجود على الخريطة المهم ليما يت الاسعاف وشالتنى وانا بالطريج أقول حق ريلى فى شى قاعد يطلع اصارخ مايرد على مصدوم بس يبجى اصارخ من العوار واللة حتى الممرضيين عندهم عادى ولا فجأة شى ينبط وأغرق الاسعاف دم وحسيت بالياهل بملابسى تحتى أقسم باللة ولا تحرك الممرض أقوله مايبيبى ومايرد المهم نسيت أقولكم انى انا كنت أخذ ابر سيولة عشان القلب واللة لايوريكم الدم اللى نزل منى يمكن اقول بحر ما أدرى وصلت الطبييب وقتلهم ماى بييبى وشالوة وقالولى سورى بيبى ديد ( مات ) حلم عمرى وحياتى مات وصرت مثل المينونة ما أدرى أبجى ولا أصرخ المهم قامت الدكتورة تجيك على ونومتنى عطتنى ابرة مهدئة وريلى نفس الشى وطلعت من المتشفى عقب يوميين وانا أقول انا لللة وانا الية راجعون وراح ريلى المستشفى مع مترجم عشان نودية الكويت وندفنة والحمداللة يبناة الكويت عن طريق سفارتنا ودفناة والحمداللة عقبها وايد تعبت من الصدمة وقلبى قام يحتاج عملية ومن الحزن قمت أدش العناية المركزة من التعب قالولى ترا قلبج وصل مرحلة مايصيير انتى قعدة تعرضيين حياتج للخظر قلت لو أموت ما أسويها بالكوييت المهم سوا اوراقى ريلى ورحنا لندن وسويت عملية قلب مفتوح وضبطوا الصمامت وضيطوا القلب وبعد تعب ومعاناة وألم وعذاب 6 شهور ياللة صرت زينة وردينا على سالفت العلاج والحمال قلت مانى معالجة ما أبى تعبت خلاص واللة تزوج واللة أنا راضية وقمت أبجى ورحت مصر عقب سنة من عملية القلب وسويت وبديت العلاج عند أكبر وأشهر دكتور فى مصر والكل يعرفة ويمدح فية وعطونى المنشطات ويا يوم السحب وسحبوا البويضات جان يدقون على و يقولولى احنا اسفين البويضات مش كويسة وماتلقحت ونبى منج تحليل دم المهم أكيد تعرقون مشاعرى وقتها وسويت تحلييل اللى يبونة قالولى هذا يخلص بعد 3 أسابييع لا شينطرنى قالولى واللة انة مهم جدا جدا قلت حق ريلى قالى ميخا لف نقعد المهم صار 3 سابييع أ وأراجعهم و لا الدكتور يقولى أنا متأسف أقولج هالكلام بس أنتى نهائيا ماتحملين وا قالى اسم الهرمون بس نسييت اسمه هذا مسؤؤل عن البويضات وانتى نهائيا ما عندج وقالى احتمال من كثر المحاولات واللة تدرون حزتها شقلت قلت الحمداللة الظاهر مالى نصييب باليهال والحمداللة رب العالميين وردييت الكويت بس ماقلت حق ولا أحد عن اللى قاللى اياة الدكتور حتى ولا ريلى وعشت حياتى عادى وما قمت أفكر بالحمال ولا أبى أسوى شى مرت سنتيين وياى أخوى مستانس رفيجة يالة توأم بعد 15 سنة ومن فرحة أخوى سوالة عشا وجان رفييج أخوى يقولة موجنة نسييبك ما عندة عيال صارلة سنيين رد أخوى اى قالة واللة خل يجرب هالدكتور ولا ما يندم انشاء اللة قالة أخوى لا أهم ما خلو برة الكويت وداخل الكويت بس ملوا قال خل يجربون وحاولوا يقنعونى وأنا أبد رافضة مابى تعبت المهم ويقعد أخوى وياى ويقولى العمر يركض ميخالف عشان خاطرى جربى جان أنفجر بالبجى وأقولة سالفت الدكتور اللى بمصر ادمعت عين أخوى وقالى ان اللة مع الصابرين ولا يأس مع الحياة والخيرة قى مختارة اللة توكلى على اللة المهم رحت عند الدكتور وقالى لازم أول شى منظار قلتلة ووريتة انى انا مسوية بدال الواحد عشر قال لا انا بشوف بعيونى الرحم المهم انحشت منة وما بغيت ورديت البيت قلت مابى المهم طاف اسبوع ويدقون على المستشفى ولا تقولى السكرتيرة انتى حاطة موعد منظار باجر لا شعوريا قتلها اوكى وسبحان اللى لين قلبى ورحت مع ريلى وشاف رحمى الدكتور جان يقول ممتاز ويقدر يشييل توأم بعد طالعت ريلي جنى مو مصدقة وأنا اردد سبحان اللة امهم بديت رحلت العلاج واسحبوا منى 7 بويضات 6 انقسموا تمام ورجعولى 3 وبعد اسبوعيين سوييت تحلييل حمل وقالى مبروووك حامل لحظتها ما تصدقون ما حسييت بفرحة لأنى فينى ردت فعل قلت أكيد بيصيير فينى مثل ماصار بأمريكا طبعا ريلى طار من الفرحة وأهلى وأهل زوجى وانا كلة خايفة لايصيير فينى اجهاض المهم وصلت السادس وعدا بسلام وصلت السابع والثامن ولللة الحمد عدى بسلام وجهزت كل شى حق المولوود اللى بى والحمداللة أول مادشييت التاسع سوالى قيصرية وولدت أحلا بنوتة بالدنيا وسمييتها قمر لأنها قمر و من حبنا لها اناديها غلا غلاتى وهى كل شى لنا بالدنيا وصج غالية وألحين دلوعة والواحد لازم يقول الحمداللة والشكر على كل حال وماييأس من رحمة اللة لأن رحمت اللة واسعة وهذى كل قصتى والحمداللة رب العالميين على كل حال.
