تذكرون ..... ساندويش الجبن مالت ايكيا الشويخ ؟؟

[كلي ثقه و سنع]

بنات

ايام ما كان ايكيا بشويخ كان عندهم ساندويش جبن عجيبه

فيها خيار و مايونيز روووووووعه
:eh_s(16):

عيزت اقول حقهم ابيها يقولون ما قمنا نسويها ومو راضي يعلمني الطريقه ؟؟

 

[كلي ثقه و سنع]

رد : تذكرون ..... ساندويش الجبن مالت ايكيا الشويخ ؟؟

معقوله محد يذكرها

 

[كلي ثقه و سنع]

رد : تذكرون ..... ساندويش الجبن مالت ايكيا الشويخ ؟؟

------------------------------------> و لا زلت بالانتظار

 

[Great-Chef]

هلا حبيبتي اهي يقدمونها بتوست ولا خبز فرنسي الباغييت

أي وحدة من هالصور كان شكلها ؟؟ وانا راح اساعدج ان شاءالله

أو

أو

أو

وترى لو تبين وصفة سرية من اي مطعم راح اقولج عن طريقتي الناجحة اول شي لاتسألين الرسبشن نفسة سالي اللي اييب الطلب وقوليلة انج ماراح تقولين لاحد وراح تحتفظين بالسر لنفسج وانج راح تعطينه مبلغ اذا قالج (دينار واحد لاغير) واهو بنفسه راح يبطل كمبيوتر الوصفات مالهم ويقولج واييبلج اياه

اكثر من مرة اسوي هالطريقة ويعطوني الخلطة السرية

 

[كلي ثقه و سنع]

رد : تذكرون ..... ساندويش الجبن مالت ايكيا الشويخ ؟؟

يا عل ايدك و والديك تحرم عن النار

خبز الباجيت

ايوا ايوا استانست

 

[جارة القمر]

رد : تذكرون ..... ساندويش الجبن مالت ايكيا الشويخ ؟؟

Great-Chef



بانتظارك حبيبتي

 

[كلي ثقه و سنع]

رد : تذكرون ..... ساندويش الجبن مالت ايكيا الشويخ ؟؟

اي والله



بانتظارك

 

[Great-Chef]

الطريقة كتبتها لج تحت حبيبتي

 

[Great-Chef]

انا اسفة حبيبتي على التأخير ..........كنت مضغوطة هاليومين

المقادير ياحلوة مثل ماخذيتها من موقع امريكي بس هي ضايفة ديك رومي وانتي تقدرين تستغنين عنه او تضيفيين بداله مرتدلا

خبز باغييت تقطعين الطرفين واللي بالنص تقطعينه 3 قطع او انج تشترين الباغييت اللي صغير



واللي الحين راح اقوله لازم تلتزمين فيه لانه سر الطعم


لاتجربين غير مايونيز american garden
هو المعتمد بأغلب المطاعم والكافيهات وهو الذ شي للساندويج عن تجربة فعلا اهو المعتمد عندي

وتستخدمين جبن frico تستخدمين العادي طبعا هالجبن بعد مايذوب بالشواية طعمة يكون رووووووعة

زبدة لورباك اقطعي قطعة وخليها بره الثلاجة علشان تكون طرية وتقدرين تدهنينها بالخبز




وخيار وطماط وخس او اي شي تحبينه



الطريقة

تدهنين خبز الباغييت بالزبدة من الداخل من فوق وتحت ويفضل بعد ماتدهنينه تفتحينها وتخلين وجها الداخلي على وجه الشواية علشان يتحمر شوي بعدها تضيفيين ملعقة كبيرة مايونيزبعدها جبن فريكو وتصكرين عليها الشواية دقيقة بعدها اطلعينها من الشوايه وبعدها تصففين الخيار الف هنا وعافية .... اي ملاحظة انا حاضر​

 

[كلي ثقه و سنع]

رد : تذكرون ..... ساندويش الجبن مالت ايكيا الشويخ ؟؟

مشكورةةةةةةةةةةةة

وايد وايد

 

[كلي ثقه و سنع]

رد : تذكرون ..... ساندويش الجبن مالت ايكيا الشويخ ؟؟

يارب تشافي لها بنتها و تحنيها عروس

 

[Great-Chef]

الله يجزااااج الف خير حبيبتي على هالدعوة

 

[مسك78]

الله يشفي لج بنتج
اسأل الله العظيم رب العرش العظيم ان يشفيها

 

[ذات الهمة العالية]

حبيبتى غريت أنا بدعيلك بسجودى يشفى بنتك مو كتابة
جزاااااك الله خير والله ربى يوفقك حيل حبيت حبك للخير للغير عاد ودى أتشرط عليك

أبى من شوكلات بار الشكولاته بالكراميل
والله أكره أروح لهم لأن المعامله للعاملين زفت وبواقين كذا مرة يجيبون شىء ما طلبتين علشان يحرجونك وسالفتهم سالف حسبى الله ونعم الوكيل

فأحب حيل هالشكولاتة بالكراميل حتى كوبه كبير

وفى الكيكة البركانية أو اللى يطلع منها الكاكاو من داخل


وألف شكر


وإذا عندك أى وصفات من الدنامريكية حطيلى
أو فطاير كراميل عرافته المحل

أو لورنزو

أحب المطاعم حيييييييييييييييييييييييل


وإذا عندك أسرار بعد قوليها لنا

وشنو تعتقدين أحسن خبز باغيييت :sfg:

 

[Great-Chef]

مسك الله يجزاج الف خيييير يالغااالية على هالدعوة


ذات الهمة العالية يابعد عمري ياحياتي والله بردتي على قلبي بكلامج الطيب ودعائج بسجودج واحرجتيني بذوقج وهذا الواجب احنا خوات نعين ونعاون

طلبج على العين والراس بس عندي جم سؤال قبل لابلش بالوصفات

الككاو مع الكراميل قصدج المشرووب؟؟؟

وإذا عندك أى وصفات من الدنامريكية حطيلى تقصدين وصفات دينامركية يعني اكلات وحلويات خاصة بالدينمارك؟؟؟



فطاير كراميل قصدج الوافلز؟؟؟

راح اعلمج على اسرار وايد بس تحبينها خاصة بالحلويات؟؟؟

احسن خبز باغييت اللي اخذ من مركز سلطان وايد حلو


واي سؤال ثاني انا حاضر من عيني هذة قبل هذة حبيبتي