تذكرون المنقبــه إللي خذت الكتـــاب؟...لقيتهــا :)..

[caramil]

السلام عليكم ورحمة الله وبركـــاته..

شلوؤنكم حبايب قلبي..؟
عسآكم بخير..وبصــحه وعافيه.." اللهم آمين "..:eh_s(7):

ولهت عليكم على الرغم من اني كنت بينكم..
بس تقدرون تقولون تفكيري امطشر..كنت معاكم..بس ماني معااكم..:eh_s(11):

بدايةً:
حابه من خلال هالموضوع اشكر كل البنات اللي وقفوا معاي..
" من لا يشكر الناس لا يشكر الله"..
سواء اللي اتصلوا او دزوا مسجات او كلموني بالواتس اب او bbm او عن طريق نشر
البرود كاست او حتى اللي ارسلوا رسايل خاصه..

الله يوفقكم ويحفظكم دنيا وآخر والله لا يحرمني منكم قولوا آمين
ولأني على قناعه بأن " الله حين يحب البني آدم يحبب خلقه فيه "

ثقوا بالله محبتي لكم من محبة الله فيكم .. وعسى الله لا يغير عليكم قولوا آمين
ياكويتيات..

وانا ما اقصد الكويتيات فقط.. لانكم كلكم كويتيات ..
سواء كنتوا من المملكه " يبووي على بنات المملكه ذوق وربي"..
او كنتوا من " الامارات ..فديت قلبهم عسل عسل"
او البحرين " اخييه على طيبة قلبوووكم "
او قطر: " عاد قطر عاااااد.. السنع كله.."
وكل كووويتيات..
ومالا داعي اتحجى عن المصريات.. " وربــي احبكم"..

وإعتذااار..كبيـــر لكم..
يمكن قصرت بالردود او يمكن مارديت على البعض ..بس والله لسبب والله مو قصدي اتجاهل
وهمم اعتذار كبير..
لكل وحده اساءت فهمي وشالت بخاطرها سواء بعد اللي صار او قبل اللي صار..انا اكثر شي
شغل تفكيري هاليومين اني اعتذر..ماتدرون الدنيا فانيه وكل يوم بعتذر..وبعد كل موضوع بعتذر
وعسى الله لا يجيب الزعل ..
وهم إعتذااار...
لكل وحده ردي علي كان شوي قاسي او شديد اللهجه ..او فيه نوع من انواع الجفاف..
ابيها تكون واثقه اني ما اقصد ورب الكعبه ..يمكن كنت متضايقه وانا ارد عليها..
بس من اليوم ورايح ماراح اكتب رد وانا متضايقه..



والحين :eh_s(4):...:


عدنا

حدث في 19-4-2011..م...
كلية التربيه الأساسيه :

داشه الكليه الصبح جذي ويهي ..:0bee2e8d89:
وماشيه و ويهي مايبشر بالخير..بلاعيمي يعوروني وكل شي ولا عوار البلاعيم
وغصب امداومه لأن دكتور " ادب اسلامي اموي"قايل لي غياب واحد واشوتج حرمان :denya:..

وجان اسمع وحده تنادي : " بنيّه ..بنيّه.."

إلتفت : " هلا حبيبتي"..

..:" انتي معاي بمحاضرة مهارات دراسيه"..

آنا: " اي "..

....( إضحكت):" اي انا اللي خذيت منج الكتااب..قلبت الكليه عليييج ادورج"..

انا هني صحصحت: " يمه بعد عمري والله وينج الله يهداج دورتج واايد..

المهمممم وعدا الموقف والله بناات دمعت عيوني ..كلش كلش كنت ببطها بويها
واقول لها آسفه..ليش اني ظنيت فيج ظن السوء ..ويع كرهت نفسي..

وتواعدنا وانشالله باجر اشوفها وآخذه منها :eh_s(7):..


هووب هوووب :

بتقولون تسرعتي بالحكم..!
او بتطبون فيني ..اليوم انا حمام سباحه ..طبوا من الحين لي السنه اليايه
حلال عليكم والله كلكم..

بس هم بقول شي صغير :flower:..

" انا لما كتبت موضوعي النقاب ستر او تستر.."

فعلا والله العالم ما قصدت التهجم او اني اتهم اي منقبه..:bbbiu:
كان فعلا موضوع نقاش وخاطر على بااالي من زمان ..
وذكري للموقف الللي حصل..من باب الدخول بالموضوع ..
او تقدرون تقولون مدخل للموضوع..

وقسم بالله انا عشت عمري بينهم ومعاهم ..وتربيت بينهم..
وكبرنا مع بعض..انا منهم وفيهم..

فاا ترفقوا بالـرد..:yaaaaaarb:..

" رأفةً بـ خشمي المسدود و بلاعيمي " >> يع برآ برآ برآ..


ناطره الردود ..شوي شوي ها...

اختكم :
كرآميل..

 

[mo0onya]

ياقلبي وروحي انتي انا ما اذكر موضوعج بس جل من لا يسهو وفديتج قلبج كبير وندمتي على سوء الظن وحزتها من المحاتاه الشيطان كان شاطر

:** وهاذي على خشمج المسدود بعد

 

[ضحية زمن]

ياحياتي انتي..
حيبيتي إحنا بشر..ولابد الواحد يغلط منا حتى لو بالتفكير..
بس..تدرين..احلى شي ان الواحد يحاسب عمره كل شي..باي شي سوااااه..أو يبي يسويه..
فالحمدلله..انج رجعتي واحسنتي الظن....
والله يهديج ويسدد خطااج لما هو خير لج..
وماتشووفين شر..وأجر وعاااافيه..

 

[bent mahoma]

الحمدلله ان كتابج رجع لج وعادي كلنا نتسرع بالحكم بعدين نكتشف الصج
والله يوفقج ويستر عليج ويحقق لج اللي تمنينه
​

 

[ام متلق]

الحمدالله على السلامه وماتشوفين شر

 

[ميمي وميدو]

انا قريت موضوعج اختي ونا لو مكانج اسوي اللي سويتيه الحمد الله انج حصلتي كتابك

 

[بدورة القمورة]

الحمدالله رجع الكتااب والله يوفقج

 

[غريبه بهالدنيا]

يمكن تكوني تسرعتي شوي بس مو مشكله, الانسان مو معصوم من الخطأ!!!
استغفري ربج والله بيغفرلج ان شاء الله

وصفه سريعه ومضمونه لأحتقان البلاعيم.... حليب دافي وعسل ونص ملعقه زبده ولفي رقبتج بشال واشربيه وانتي متلحفه باللحاف....
وماتشوفين شر ان شاء الله

 

[<ام تركي>]

رأفتا فيج راح نسامحج مو عشانج لا عشان خشمج المسدود وبلاعيمج المورمه <<<لا تاكلين برد وايد
كلنا نخطي اذا تسرعنا بالحكم والحمدلله انج عرفتيها ومو معصومين من الخطأ

 

[الأبتسامة الدام]

الله يوفقج ياقلبي

 

[~ بنت الهدى ~]

لوووووووول مسكينه انظلمت و علياا

يلا قرة عينج و الحمد لله على سلامة كتابج و هالله هالله فيه مره ثانيه فديت قلبج :*

 

[ޢޢޢإيمانޢޢޢะۣۨ>]

ماشاء الله عليج اشحلاتج واشحلات أسلوبج ومواضيعج وكل شي فيج
الله يحفظج ويوفقج
وما تشوفين شر يارب ​

 

[(كويتيه عسل)]

الحمد الله لقيتي كتابج قرت عينج

 

[๓ίşś зśŏłả..!]

اي والله زين لقيتيه

 

[Čut!e Quèéи]

بعد قلبي كراميييييييييييييل
والله انج دخلتي قلبي وحبيتج لله
ماعليه احنا كلنا مرات نتسرع بالحكم على الناس
ومن ناحيه موضوع النقاب صار الحين 70% تستر مو ستر
وانا بصراحه ضده لان ماله علاقه بالشرع والدين اهو دخل من باب العادات والتقاليد البدويه
قرت عينا بردت كتاباتج ونبي نشوف لج كل يووووووووم موضوع

 

[amoona89]

الحمد الله انج لقيتي كتاابج ومافيه انسان معصووم عن الغلط
سبحان الله انتي كنتي حييل متضاايقه وموبباالج انج تلقينه بس شووفي شلون الصدف البنت نفسها نادتتج وقالت كتابج عندي دورتج ماحصلت
عقباال ياارب تلقين الفلااش​

 

[malte]

كراميل شخبارج حبيبتي والله بالي مشغول عليج :eh_s(16):
الله يريح بالج بالعافيه :yaaaaaarb:
والا سالفه التسرع بالحكم يبه كلنا نسويها فديييتج انا
والله يوم جفت موضوعج وشكلج مو متضايقه فرحت حيييل والله :eh_s(11):
ربي يسلم قلبج حبيبتي مهاوي

 

[Tom ♥ Jerry]

.


يلا زين مبروك .!

كلآمج عن المنقبات " البعض منهم " في موضوعج هذاك
صح 100% .. وآيد بنات يلبسون النقاب و غايتهم مو الستر لكن شي ثاني

الله الهآدي

 

[ترانيم القصيم]

وش دعوة يا عسل ,, ما فيه شيلة بقلوبنا عليك حبيبة قلبي فديتك

و حتى حنـا لو شدينا عليك بنصيحة و إلا لا ,, ترى أبدًا ما نقصد التجريح أو نقلل من شأنك ,, لو لم تكوني أختنا المسلمة

التي نحبها و نغار عليها لما قمنا بنصحك ,, و أخوك هو آللي ينصحك و يثنيك عن الغلط مهوب آللي يجاملك و ينافقك و يصفق لك و يقول :

امضِ قدمًا نحو الدمــار ,, صح يا قلبي ^_^ ,,

بس حبيت أوضح ضروريّة تقبل النقد بصدر رحب خاصّةً إن كان أساس هذا النقد تقويـم و إصلاح ,,

و الله يهديـنا و إياكم و يفرج كربتك أختي الكريمة ,, و أكرر اعتذاري من جديد ,,

و نصيحة يا قلبي :

لا عاد تصورين مرتن ثانيـة ,, أبدًا أبدًا أبدًا ,, التصوير ما منه خير و كبار العلماء حرّموهـ و قالوا إنوهـ يدخل في الكبائر

قال صلى الله عليه و سلّم : ( أشد الناس عذابًا يوم القيامة المصوّرون ) ,, قلت أقول لك يمكن ما تدرين يا عسل ^_^

و عساك تلقين الفلاش و تكسريـنه بإيدك حبيبتي .. و لا عاد تصورين مرتن ثانيـة ,, و كانك بتصورين لا تصورين و أنتِ من غير الحجاب الشرعي

عشان لو ضاع مثل الآن ,, ما تشيلين همّه أبد ,, و تذكري ,, من كان مع الله في الرخاء ,, كان معه في الشدّة

فكوني معه في الرخاء لتجديه في الشدّة ,,

أشكرك كثير على إنصافك و فتح هذا الموضوع لتبرير موقف الأخت آللي ظننتِ بها ظن السوء

و أرجو منك أن تقفِ للعظة و العبرة و تستفيدي مما جرى ( لا يلدغ المؤمن من جحرٍ مرتين )

احترامي و تقديري

ترانيم القصيم

 

[**miss-NY**]

بالعكس موضوعج ماكان يقصد المنقبات السنعات والذربات كان يقصد اللي مشوهينه وشفت اكثر الردود معاج لانه عدل كلامج وحتى هذيج اللي خذته ترى غلطانه واتوقع انه قرت موضوعج وفهمت انه اهيه علا العمووم حياتي ماتشوفين شر وسلامات يالغاليه