تدخين البنات ! موضوع للنقاش

[tmtmt]

السلام عليكم .. شلوونكم
شفت هالموضوع وحبيت نتناقش فيه
حييياكم الله
طبعاً ڪلنا نعرف أنو تدخين السجائر أمر سيئا" لدى المرأه
فـ هل نسمي هذا حرية شخصيه أم انه انحــرافـ..؟!



ولڪن الأمر أصبح مستهجنا" ولاسيما في أماڪن
تجمعهن تجد الأمر أصبح عادي ومن التطور والـ [هاي]
أن تجدها تدخن !!!
لڪننا نلمس في الآونه الاخيره التدخين يعتبر
تمرداً على التقاليد وهذا ما يحدث في المحتمع..




فـ الدخان بدأ ينتشر ڪالنار في الهشيم بين الفتيات
لأن المدخنات يجدن في السيجاره متنفسا ڪما يتوهمن ...




وعلى لسان احدى المدخنات:

[السيجاره ذات قيمه معنويه ڪبيره لي ..

إذ عندما ادخن اجعل الجمـيـع يفهم انني مختلفه ومميزه]


وتقول آخرى: [انا ادخن من اجل أن أظهر بأنني حره !! ]
وتقول ثالثه : [التدخين حق طبيعي لڪل فتاه ومن يقول غير ذلڪ فهو - موضه قديمه - اشعر


بسعاده ڪبيره أن ينظر إلي الناس وانا ادخن]




الموضوع عن تدخين البنات بصرف النظر عن تدخين الرجال



فأريد انا اسمع اراء الجميع حول هذا الموضوع؟؟

منقــــــــــول

 

[عهود الحب]

ريحة مقرفة + اسنان سودة + صوت خشن
صحة تالفة
شوي شوي تكتسب الخشونة

وين الحرية بأنها تخرب من حياتها وتدمر صحتها وتقتل ملامح الانوثة الي فيها ؟
استغفر الله و اتوب اليه


اي انسانة تدخن ما اتوقع انها انسانة نظيفة شريفة عفيفة
الي تدخن وصلت للحضيض خلاص
وماعاد تفرق معاها


ما ابي احد يناقشني او يقنعني انه البنت الي تدخن بنت نظيفة وشريفة
السموحة هذا رأيي وانا مسؤولة عنه
وشكرا عالموضوع

 

[tmtmt]

حياج الله حبيبتي ..

وهذا راييج اكييد محد يعارضج بس اكييد راح يصير اختلاف بوجهات النظر
وننتظر البقيه

 

[yam_yam]

اشوفها حريه شخصيه
و مو دليل على الانحراف لان في مجتمعات عادي عندهم هذا الشي في الخليج

و بعدين ممكن بنت منحرفه و ماتدخن مو شرط

صج انا مادخن بس مالي شغل فيهم اعتبرها حريه شخصيه
و اقول كيفهم الله يهديهم و ينتبهون لصحتهم
بس مو معناتها اطالعها بنظره انها غير محترمه

 

[so_what]

والله انا اشوف حريه شخصيه بس لان المجتمع مو متعود عليها صاير يشوف انها شي دخيل ، في وايد يدخنون بالبيت بين اهلهم وبره ما يدخنون وكل وحده عندها سبب غير عن الثانيه ، انا اشوف المره حالها من حال الريال خل ادخن بعد مافيها شي حلال على الريال وحرام على المره

 

[MSs etek8]

حريه شخصيه للفتاه اذا كانت عاقله وكبيره وغير منحرفه بكيفها

والضرر عليها بس يفضل النصح لها من الاقارب لانه يسبب امراض خطيره مع الوقت

يسلمو عالموضوع المفيد....

 

[mamanoonaa]

مادري والله بس شكلها حده مو حلو واتوقع من الافضل ان يمنعون تدخين البنات بالاماكن العامه اصلا الغلبيه منهم اتدخن بدون علم اهلها
وفي ناس هادي حتى الشيشه اهي مزه وزوجها مزه الحمدلله الذي عافانا
لي درجة ان وحده انصحتني عشان يروح مني الم معدتي والغولون وانسى الضغط واكون ريلاكس انصحتني
بالشيشه

 

[تفـاحهـ]

لاا مو مع ان المرره تدخن

احسسهاا مصخرهـ .. ؟ ووقاااحه

 

[*عيون مغليها*]

راي ما ايد ان البنت تدخن

 

[علولي]

وع

بنت تدخن

احنا ما قبلنا الرجال يدخن
تجي البنت تدخن

والله يهدي الجميع

 

[pink-ice]

انا ما اييد البنت اتدخن اصلا شكلها مو حلو واللي بيدخن يدخن ابيتهم لايأذي خلق الله وياه مره بستار بكس الافنيوز اللي فوق قاعده انا وبنت عمي وبناتنا الزغار بنتي 8 شهور حبيبتي نايمه بعربانتها وقاعدين انسولف وايوون يمنا يتسلطوون لبنانيات ويجثحون بهالزقاير حسبي الله عليهم انا مو مشكله اتحمل بس يوم شفت بنتي اتكحكح احكرونا حسبي الله عليهم واقوم لها جان اقولها طفي زقارتج ولو بتشربين ذلفي بره وشربي لانج حكرتينا واهي شو شو عصبت عشتو جان اقولها لا شو ماشو وله همن يمنا بنات معاهم يهال ايون ويلعنون خيرها جان ياخذون قشهم ويطلعون معصبين والله دفعه مردي سحيله هههههههه بس بردنا جبدنا صراحه واللي يقول حريه شخصيه حريه شخصيه يحترم روحه عشان نحترمه انا مالي شغل اللي دخن حراق يحرقها بس بعيد موصوبي وادري اشتطيت ومشكوره تم تمت ههههههههه عالموضوع

 

[يمة يادلبي]

واي ياكره البنت الي ادخن اتحسينها مسترجلة

 

[123tootaa_q8]

ريحة مقرفة + اسنان سودة + صوت خشن
صحة تالفة
شوي شوي تكتسب الخشونة

**
صح كلااامج

 

[tmtmt]

انا ما اييد البنت اتدخن اصلا شكلها مو حلو واللي بيدخن يدخن ابيتهم لايأذي خلق الله وياه مره بستار بكس الافنيوز اللي فوق قاعده انا وبنت عمي وبناتنا الزغار بنتي 8 شهور حبيبتي نايمه بعربانتها وقاعدين انسولف وايوون يمنا يتسلطوون لبنانيات ويجثحون بهالزقاير حسبي الله عليهم انا مو مشكله اتحمل بس يوم شفت بنتي اتكحكح احكرونا حسبي الله عليهم واقوم لها جان اقولها طفي زقارتج ولو بتشربين ذلفي بره وشربي لانج حكرتينا واهي شو شو عصبت عشتو جان اقولها لا شو ماشو وله همن يمنا بنات معاهم يهال ايون ويلعنون خيرها جان ياخذون قشهم ويطلعون معصبين والله دفعه مردي سحيله هههههههه بس بردنا جبدنا صراحه واللي يقول حريه شخصيه حريه شخصيه يحترم روحه عشان نحترمه انا مالي شغل اللي دخن حراق يحرقها بس بعيد موصوبي وادري اشتطيت ومشكوره تم تمت ههههههههه عالموضوع

زيــــــــــــــــــــن تــــــــــســوين ..
صججج في ناس ما تفتهم .. بكل مكان ادخن !
سواء رياييل ولا حريم

 

[tmtmt]

ان كللللللللش ما اييد ..
ومن اول من انا صغيره لني مو متعوده على الوضه اي وحده اشوفها ادخن اخذ فكره عنها
ولي الحين هالفكره ما تغيرت ..

الله يهديهم

 

[tmtmt]

والله انا اشوف حريه شخصيه بس لان المجتمع مو متعود عليها صاير يشوف انها شي دخيل ، في وايد يدخنون بالبيت بين اهلهم وبره ما يدخنون وكل وحده عندها سبب غير عن الثانيه ، انا اشوف المره حالها من حال الريال خل ادخن بعد مافيها شي حلال على الريال وحرام على المره

يا قلبي واايد في اشياء عادي عندنا لاريال يسويها اما لبنيه لا

لو تشوفين واحد لاحق وحده .. وتشوفين وحده لاحقه واحد !
بتستغربين من ي موقف !!

اكيييييييد الثاني

في اشياء ما يصير نقول عنها اشمعنى الريال اي والمره لا