تخصص انجليزي ..، (اداب او تربيه)

[نبض الجود]

السلام عليكم ورحمة الله ،


شلونكم بنآت شخبآركم ،

انا حدي محتاره وكل شوي احتار اكثثثر ،

انا انقبلت بعلوم بيولوجيه ،

وكنت خلاص مصممه احول للاجتماعيه ،

بس محد مدحلي اياها كمستقبل وظيفي ،

وقالولي حولي اداب او تربيه وتخصصي انجليزي ،

تخصص قوي وله مستقبل وظيفي ،

بغيت اسالكم عن هالتخصص شلونه ؟

شالفرق بين اداب وتربيه ؟

ومنو احسن ؟ وفي فروع ولا لا ؟

سمعت في ادب انجليزي ومادري شنو بعد :eh_s(22):

وهل التحويل من العلوم البيولوجيه الى الاداب او التربيه سهل ؟​

 

[ربنزل ^_^]

هااااااااااااااي
انا انقبلت علوم بيولوجيه و بحول اداب انقلش
فخذيت مواد التحول لازم 30 وحده و اول كورس بس مادتين ( 6 وحدات )
لازم سنه و صيفي عشان اخلص


اتمنى فدتج ^_^

 

[KOKO_284I]

اب

لعيونج

 

[ام حديجان]

انا تخصصي انقلش تربية

تقريبا نتشارك مع بنات الاداب نفس المواد لكن هم عندهم زيادة

لا تدشين تربية الا اذا تبين تصيرين مدرسة
لان بعد التخرج المجالات شبه معدومة انج تنقبلين بوظيفة برا المدارس

عندنا يا تخصص ابتدائي او متوسط/ثنوي

بالاداب : ادب او لغويات و مطلوب عليهم تخصص مساند تقدرين تاخذينه من كليات ثانية


لو يرجع فيني الزمن
احول اداب
لان لما اتخرج اكون مخيرة اكثر بالوظيفة

وبشكل عام دراسة الانقلش جدا ممتعة
وما تقتصر عالقواعد و الفوكابلري مثل ما يظنها البعض


و التحويل مو صعب
اتوقع 80% من طلبة جامعة الكويت لهم قصة مع التحويل
اذا مو اكثر :d

 

[ام حديجان]

و هذي شروط التحويل من موقع عمادة القبول و التسجيل




قواعد التحويل بين الكليات (دفعة 2010 ومابعد)

يجوز للطالب التحويل من كلية إلى أخرى ولمرة واحدة فقط بشرط ألا يزيد عدد الوحدات التي اجتازها عن 45 وحدة دراسية وذلك وفقا للضوابط المعتمدة من لجنة العمداء . ويجوز للجنة الشؤون الطلابية النظر في حالات الطلبة الذين اجتازوا أكثر من 45 وحدة دراسية




أولا: الشروط الموحدة للتحويل بين كليات الجامعة:

اجتياز الطالب عددا من الوحدات الدراسية لا يقل عن 30 وحدة دراسية ولا يزيد عن 45 وحدة دراسية وتحدد الكلية المعنية عدد الوحدات المطلوبة للتحويل.

ألا يكون الطالب قد أمضى أكثر من ثلاثة فصول دراسية اعتيادية في الجامعة للطلبة المقيدين في الكليات التي لا تطبق نظام المقررات العلاجية ، أو أربعة فصول دراسية للكليات الأخرى.

ألا يقل المعدل العام الطالب عند التقدم للتحويل عن (B-) , (2.67) ، وللكلية تحديد المعدل العام المطلوب للتحويل إليها.

أن يجتاز الطالب بعض المقررات من مستوى 100 و200 المطلوبة في صحائف التخرج للكلية المراد التحويل إليها على ألا تقل معدلاته في كل منها عن (c) ، وتحدد الكلية المعنية المقررات المطلوب اجتيازها .

4) ألا يقل المعدل العام للطالب عند التقدم للتحويل لكليات العلوم الاجتماعية والشريعة والحقوق عن (B)(3) نقاط .




,,


كلية الآداب

اجتياز الطالب عددا من الوحدات الدراسيه لا تقل عن 30 وحدة دراسيه وبما لا يتجاوز 45 وحدة دراسية .

ان يجتاز الطالب مقررين من مستوى 100 أو 200 المطلوبة في صحائف التخرج للكلية على ألا تقل معدلاته في كل منها عن (C) كحد ادني .

ألا يقل المعدل العام عند تقديم طلب التحويل عن 2.67 نقطة في نظام الأربع نقاط .





كلية التربية

اجتياز الطالب عددا من الوحدات الدراسية لا يقل عن 30 وحدة دراسية ولا يزيد عن 45 وحدة دراسية.

أن لا يقل المعدل العام عند تقديم طلب التحويل عن 2.67 نقطة فى نظام الأربع نقاط .

 

[نبض الجود]

اذا جذي اروح اداب احسن ؟
بس اداب اقدر اصير مدرسه بعد صح ؟
وشالفرق بين ادب ولغويات ؟​

 

[خرإفهٌ حـلآ .~]

.*






آنآآ بآلادآب كنت بتخصص تآريخ وهونت
لفيت على الانجلش
ألادب يتكلم عن القصص والمسرحيآت و كذآآ
و اللغويآت يتكلم عن القوآآعد
آنآآ نآويه أتخصص لعويآت انجليزي إنشآلله
:$

 

[نبض الجود]

.*






آنآآ بآلادآب كنت بتخصص تآريخ وهونت
لفيت على الانجلش
ألادب يتكلم عن القصص والمسرحيآت و كذآآ
و اللغويآت يتكلم عن القوآآعد
آنآآ نآويه أتخصص لعويآت انجليزي إنشآلله
:$

واثنينهم اقدر اصير مدرسه بعدين اذا ابي ،

 

[خرإفهٌ حـلآ .~]

واثنينهم اقدر اصير مدرسه بعدين اذا ابي ،

آيه عآدي بس خريجآت الادآب لهم أكثر من مجآل غير التدريس عكس خريجآت
التربيه مآلهم الا التدريس

 

[نبض الجود]

^^مشكوره يآقلبي مآتقصرين ​