تخصصج بكالريوس محاسبه و سويتي ربط عالماليه و قبلوج؟

[^^ROSE^^]

السلام عليكم

بنات انا ترشحت بالتربيه ومابيها حرام معدلي فوق 3 ومابي اتدبس بوظيفه اتحسف عليها بعدين

ابي اعرف البنات اللي نفس تخصصي و سووا ربط وانقبلوا شكثر طولتوا؟
لان اشوف ماشاء الله اخر دفعه واللي قبلها في اعداد مقبولين بالماليه
بس مادري شكثر في منهم محاسبه

تنصحوني اسوي الربط؟

 

[HapPineSs]

انا اقولج بلا ربط بلا بطيخ .. ناس صارلها فوق القرن وماكو فايده ماتوظفوا بالمكان اللي يبونه مساكين ... اذا عندج واسطه شغليها لان الربط قاصين علينا فيه ... وحده من اهلي مسويه ربط وليلحين ناقعه بالبيت وغيرها بالجرايد يكتبون اسمهم بالوزاره اللي تبيها والله حرام .. والله يوفقج يارب

 

[^^ROSE^^]

انا لو عندي واسطه جان انقطيت بالتربيه لوووووووول
الله كريم ان شاء الله

 

[^^ROSE^^]

سويت ربط رقمي 59 من 70
الله كريم

هم كل مره جم يقبلون؟

 

[الأمل لحظه]

الربط ينزل مره وحده ارقام كثيره
ولما يوصل تحت العشرين يبدا ينزل بطئ حيييييل
وانتي وحظج والله يوفقج

 

[^^ROSE^^]

مشكوره حبيبتي
الله يسهل ان شاء الله

 

[molten cake]

انتي خريجة محاسبه وقطوج تربيه @@@@@@@@@@

يماااه لايكون لمن اتخرج بيقطوني بعد بالتربيه @@ لايحوشك

 

[^^ROSE^^]

اي عادي جدا يقطونج اي مكان على كيفهم
مادري ليش يخلونا نختار رغبات