تخريم الاذن

[.. Ro3a ..]

السلام عليكم ...............:yaaaaaarb:

بنات انا بنتي عمرها 43 يوم وكله ااجل تخريم اذنها خايفه عليها اخاف يعورها بعد عمري :eh_s(2)::eh_s(2):

بسال هي عقب التخريم راح تتالم جم يوم وممكن تلتهب ؟!!!!!! شلون العنايه فيها ؟؟
انزين بنتي مرات انومها ع جنب عشان هي ترجع وهي نايمه فاخاف تشرق شلون مع التراجي ؟؟؟؟!!!!
وين اسويه افضل مستشفى ولا صيدليه ؟!!

انزين البسها ذهب ولا طبي وشكثر يبقى الطبي ؟؟؟
ومتا البسها ذهب ؟!
وهل تتاثر بالعطور ممكن يشم عليها ؟!

سوري ع كثرت الاسأأله عشان اول بيبي لي وخايفه عليها:eh_s(16):*

 

[english muffin]

عادي حبيبتي ماراح يعورها وايد توها صغيرة
بس اول يومين كله حطي لها فازلين عشان لايتجمع لها دم و وصخ ورا الترجية
وطبعا طبي ولبسيها اياه شهر و اكثر

 

[أم عزيـز]

انا وديت بنتي صيدلية العدلية وخرمت اذونها بتراجي طبيه تو الناس على الذهب

راح يعطونج كريم عشان ما تلتهب وهم نفس الوقت يهدي العوار
راح يعورها يومين بالكثير وخلاص
والافضل تقضين اذونها صغيره احسن من كبيره

حتى صيدلية رويال حياة شطار يقضون اذون الياهل ما يحتاج مستشفى

 

[Samora]

كل ما كانت صغيره احسن ... واكيد طبيبة لمدة شهر او شهرين وما اذكر ببنتي عورها بس احتياط في كريم بالصيدلية اخذية

 

[جذابه بنت ذيابه]

وديها نصيحه قبل تكبر وماراح تتعور انا بنتي سويت لها من طلعت من الاربعين

 

[ام رينـاد]

حبوبه كل ماكانت صغيره راح يخف العوار

خرميها الحين وافتكي ..وبالنسبه حق التخريم ماراح يعورها بس راح تبجي جم دقيقه وتنسى ولبسيها طبي توناس عالذهب

 

[زين ودلال]

كل ما كانت اصغر احسن عشان ماتحس بالالم وااايد

روحي صيدليه

ولبسيها تراجي طبيه

بس بين فتره وفتره فجيها عشان تنظفينها

 

[&شهرزاد&]

وحلاااات البنت بترجيييه توونس

ودينها الصيدليه وطبعا الطبيه افضل والله أنا للحين بنتي طيبه واهي عمرها اأ سنتين ونص. لبستها ذهب ولتهبت اذونهااا

 

[شـيـوخـهـ]

روحي خرمي اذنها كل ما كانت صغيره كل ما كان احسن

تبجي عقب التخريم دقايق وتسكت

بالنسبه للاهتمام .. انا اهتمامي اني احط لها تراجي طبيه وكل فتره افر الترجيه ولو فيه وصخ انظف بمسحات الاستون من غير لا اشيل الترجيه وافر عشان لا يتكون وصخ بالوضعيه الي فيها الترجيه والحمدالله ما التهبت ولا شي

والتراجي الي بالصيدليات طبيه لا تحاتين .. بس خلي احد يمسكها لما يخرمون اذنها انا ما اتحمل اشوفهم يبجون

 

[PuPa^^SWeeT]

اذا صغيرة ماراح يعورها



بس لبسيها دسوووس ولا تخلينها تلعب باذونها



و التراجي اخذيهم طبيين من الصيدلية

 

[.. Ro3a ..]

ي حياااااااتي اشكر كل من رد علي
عذروني مقدر ارد ع وحده وحده
ان شاء الله بتوكل على الله وبسوي لها
وبسوي حق نفسي ثانيه عشان احس فيها

 

[.. Ro3a ..]

انزين انا خلصت الاربعين يعني عطوروبخور ....
اذا سويت لها تتأثر بالعطور ؟!
وجم يوم لازم ما تشم عطووور ؟!

 

[لورا 22]

عااادي ما تأثر من العطووور

 

[فجر النصر]

اذا خرمتي لها ثاني حطي زيت نارجيل وحاولي تدويرين الحلق الطبي علشان مايلصق بالاذن

 

[@ام يوسف@]

بناتي بالاربعين اخرم اذونهم ولا يحسون بشئ

 

[PuPa^^SWeeT]

لا تكثرين البخور و العطور حولها

للحين ترا ليين اتكمل شهرين بالضبط


العطور عادي بس البخور بعد قللي

 

[.. Ro3a ..]

مشكووورين بنات

انا ما اكثر بس في بيت اهلي يوميا بخوور بس اخلي بنتي بغرفه ثانيه لما
يركد الجو اطلعها