تحملوني شوي

[بنفسجيه_Q8]

االسلام عليكم
شلونككم حبايبي شخباركم
ماعليه تحملوني شوي انا قبل فتره كتبت موضوع عن الحمل خارج الرحم
الحين قالوا الحمل مو خارج الرحم
بس مافي نبض
بحسبة الدوره انا حامل بالاسبوع التاسع
والجنين بالاسبوع السادس
وينزل معاي افرازات بنيه مع اني اخذ مثبت
ولما سويت سونار قال في كيس بمبيض اليمين
وحول كيس الجنين دم وسويت تحليل هرموني امس
8450 النسبه
وقال عيديه بعد 48 ساعه اذا ما ارتفع
نسويلج تنظيفات لانه الجنين ميت
الحين بسألكم الوحده تحمل بعد التنظيفات
جم المده اللي يصير تحمل
فيها
لانه انا مابي اخذ مانع

 

[رتولة]

انا نفس سالفتج قالي صغير الحمل تقدرين تطوفين دوره وحده بس
اما اذا كبير لازم تريحين ست الشهور لانه الرحم كبر و تعب الجسم و خذا بعافيتج
انا عندي اجهاضات متكررره كبير و صغير

 

[حكآية قلب]

عسی الله يرزقكم الحمل السليم يارب



طوفي دورة وحدة لانه ماكبر الجنين

 

[مايو95]

انا قبل سويت تنظيفات ارتحت شهرين والحمدلله حملت بعد الشهرين

 

[بنفسجيه_Q8]

حبايبي تسلمون والله يرزقكم باللي تتمنونه

 

[om attami]

حياتي بنفسجيه الحمدلله ان مو خارج الرحم

والتنظيفات سهله يا عمري

وعقب التنظيفات ريحي دوره او ثنتين

والله يرزقج الحمل السليم المعافى :eh_s(17):​

 

[بنفسجيه_Q8]

حبيبتي اجمعين
ان شاء الله يرزقنا ويرزقج بالحمل السليم المعافى

 

[qoot]

الله يعوضج يارب

عادي تحملين ع طول

واذا الجنين صغير ليش تسوين تنظيفات

اللي اعرفه انهم يسوون تنظيفات اذا كانت الوحده حامل بثلاث شهور وفوق

وان شاءلله يارب ترتفع النسبه

 

[بنفسجيه_Q8]

بنات
سويت تحليل هرموني
طلع 12443
يعني ارتفعه زين

 

[اميره بكلمتي]

افضلج تريحين من ٤ الى ٦ أشهر وبعدها تقدرين تحملين

 

[انتيكا]

الله يرزقج يارب
الحمدلله ارتفعت النسبه سوي سونار بعد جم يوم ان شاء الله في نبض

 

[بنفسجيه_Q8]

الحمدالله
ارتفعت بأقل من ٤٨ ساعه
والله يكتب اللي فيه الخير

 

[ملامح بريئة]

الله يتم عليك وديري بالك على نفسج وشوفي دكتور مضبوط عندك محمد صلاح بالامور هذي شاطر و عنده ضمير وعندك فرجينيا بالمواساه شاطرة والاسابيع مو شرط ممكن حسبة الدورة غلط والتحاليل مو كل مرة تسحبين دمك مدام فيه نبض التزمي الفراش وعليك بالفوليك اسيد كافي وكثري من ماي زمزم له مفعول عجيب للحامل

 

[om attami]

الحمدلله انها ارتفعت :yaaaaaarb:

ارتاحي كثر ما تقدرين وروحي عند دكتور شاطر

ولا تنسين الرقيه الشرعيه

تلاقين باليوتيوب الرقيه الشرعيه للحامل

ويااااااااا رب الله يتمم على خير :eh_s(17):​

 

[درة التاج]

الله يعوضك
وان شاء الله الاطفال اللي راحوا منك يشفعون لك يوم الدين
حبيبتي ارتاحي شهرين عشان حتى الهرمونات والرحم يستعدون لحمل جديد
الله يرزقك عاجل غير اجل بالحمل السليم المعافى ويكون ذرية صالحة

 

[@سيدة نفسي@]

اللي أعرفه ان المفروض الوحدة تريح بعد التنظيفات ٦ شهور لأنهم

يشيلون طبقة من الرحم وتحتاج فترة عشان ترد لطبيعتها أما الاجهاض

العادي وبدون تنظيفات تقدر الوحدة تحمل وراه علطووول .. والله يعوضج

بالذرية الصالحة السليمة المعافاة

 

[بنفسجيه_Q8]

الله يعوض
كل وحده اجهضت
ويرزق كل محروم بالحمل السليم
عاجل غير
اجل
ماقصرتوا على الردود الله يجزاكم
خير ويجعله في ميزان حسناتكم