تحليل سكر الحمل ياريت اتفيدوني

[pusy cat]

السلام عليكم ورحمة الله وبركاته

بنات انا آخر سونار سويته اتضح ان الماي اللي يحيط بالجنين زايد والطبيبه شاكه ان فيني سكر حمل وعطتني ورقة تحليل

1-اللي جربت التحليل اهو عباره عن شنو تحليل دم والا بول ؟

2-واذا تحليل دم يسحبون مني غرشة دم والا ياخذون مسحة دم من الابهام ؟

3-وهل لازم اكون صايمه والا لأ

4-وبالنسبه للمستوسصفات الحكوميه لازم الصبح اسويه والا اروح لهم بأي وقت عادي ؟

 

[** محبوبه**]

تحليل السكر عباره عن
تروحين الصبح على الريج تأخذ دم بالاصبع مايعور وبعدها يعطونج شراب مثل البيبسي ومريندا تشربينها كلها وبعد ساعتين يأخذون دم هم من الابهام وتسجلها وبس

 

[pusy cat]

اها

جزاج الله خير ماقصرتي

 

[حرم بدر]

زياده على كلامها المستوصفات الحكوميه بس الصبح من ٧ لين ١٠
لانه حدهم لين ١٢

وانتي حسبي لازم بعد الشراب او الوجبه بساعتين

وان شالله ما فيج الا العافيه

 

[pusy cat]

اهاااا يعني عالثمان جذي اروح لهم

جزاج الله خير والله يعافيج

 

[@ام يوسف@]

الله يعينج وانا فيني سكر وبالحمل يزيد الماي عندي

 

[زين ودلال]

انا سويته اهو شراب نفس الميرندا حيييييييييييييييييييييييييييل حالي حيل انا بصراحه ماقدرت تكرمين رجعت على طوووووووووووووووووول عقب ماخلصت الغرشه

وقالتلي الدكتوره مدام ماتقدرين عليه تريقي ريوق دسم مربى وعسل وهالسوالف وسوي التحليل عقب ساعتين

 

[QYtiya.com]

البنات فادووج
انا ودي اسوييه بس خااايفه لووووول

 

[noo7a]

انا سويته
بس بخاص

اول شي لازم اروح صايمه
ياخذون مني دم
ويعطوني شراب الجيليكوز اهو حالي وايد بس ينشرب
واظل بعدها هم صايمه و ارد لهم بعد ساعتين ياخذون العينه الثانيه

 

[توحه1]

مثل مافادوج البنات بس لازم صايمه وروحي 7:30 عن الزحمه

 

[××بنت الشيوخ××]

الله يشافيج ويعافيج يارب

 

[pusy cat]

حبايبي كلكم جزاكم الله خير ماقصرتو :*

والله يشفيج يم يوسف ويشفي مرضى المسلمين