تحليل الهرموني تكفون ساعدوني

[nooosaaa]

أنا مسويه طفل أنبوب واليوم لي 11 من ترجيع الاجنه ورحت سويت تحليل وقالي نسبه 4وشي بسيط وانا لازم أسوي تحليل يوم 13 بس قالولي عيدي تحليل بعد يومين إذا صار دبل يعني في حمل بس ضيف ولازم أقعد أنطر لين يزيد أكثر وأكثرتهقون يابنات في حمل ولا مافي شي ؟؟؟؟ :0bee2e8d89: أنا قاعده وأبجي من ظهر وأنا تعبانه ودموعي مانشفت من البجي لأنها أول تجربه لي طفل أنبوب :krkrkr: تكفون بنات ردو علي ,,,,, ألله يرزقكم يارب

 

[cute_batoota]

حبيبتي انا الي اعرفة دام فيه قيمة انشالله فيه حمل باذن الله صلي ركعتين وادعي ان الله يثبته اذا حمل وانشالله تفرحين وتفرحينا معاج بس لا تحاتين لو مافيه حمل جان ما طلع قيمة والله اعلم عيدي التحليل وبشرينا حبيبتي والله يفرح قلبج يااارب اللهم آمييييييييييييييييين

 

[فراشة الكويت25]

والله ماعندي اي خبره
بس حبيت ادعيلج ربي يكتبلج الحمال
انشالله اتكونين حامل انتي شنو حسيتي الاعراض بعد الترجيع نزل عليج دم

 

[زهوور الريف]

يارب يرزقج وحنا بقدوم هالشهر الفضيل

 

[المسك2]

حبيبتي اذكري الله انشا الله مايجيج الا كل خير والنفسيه لها دور مالج غير ربج -انا ثلاث مرات حمل خارج الرحم لين شالو انابيبي وشهر 6 سويت اطفال انابيب وطلع في حمل وقلت الحمد الله الله عوضني خير ولا جاموعد السونار قالت الدكتوره الحمل حيل صغير وماراح يكمل واذا مانزل بروحه تحتاجين تنظيفات وللحين يا الغاليه مانزل معاي دم وخايفه من التنظيفات بس املي بالله كبير انشاالله يفرجلي من غير تنظيفات وان شاالله حالتج احسن مني واذا مانجح هالمره انشاالله المره الجايه

 

[nooosaaa]

حبايبي ماقصرتوااا والله يرزقكم انشالله ياااااارب ,,,,,,,, فراشة الكويت .. دم مانزل مره احس باشياء ومره مافي شي والله كريم

 

[أحلى عيون]

اختي ماابي احبطج بصراحه نسبت الهرمون حيل ضعيفه

اهيا اذا طلع حمل يكون من 20 الى فوق

انا كنت محلله يوم 11 وطلع معاي ماشاءالله 420 نسبه الهرمون وبعدين ثاني يوم طلع معاي 1400 تبارك الرحمن واخر شي طلع معاي حمل توأم لكن ربي رزقني ببنتي الله يحفظها لانه الثاني ما كمل لي 3 اشهر ووقف نموه لكن ربي عوضني بالاستغفار والدعاء وقراءة سورة البقره كامله كل يوم


اختي فعلا النفسيه لها دور خلي كل شي على رب العالمين واذا ربي حاب يرزقج ان شاء الله ماراح ينسى عبده

 

[mosta7eel]

يا حبيبتي لا تحاتين وايد حرام يمكن هالشي يخرب عليج ويضيعلج تعبج
احسن حل قولي انا ان شاء الله حامل وربي كريم وماراح يردني خايبه
رددي هالكلام راح يعطيج تاثير ايجابي وان شاء الله ترتفع النسبه ماكو
شي بعيد عن رب العالمين

 

[miss_uk]

حبيبتي والله حرام عليج بجين؟؟ وين ثقتج بربج؟؟والقسمة؟؟؟
انا 3 سنين الله ما رزقني و كنت حامدة سويت انابيب مر علي 15 يوم ولا على بالي احلل؟؟ تصدقين؟؟؟ لين حسيت يشيء غريب رحت حللت والحمدالله الله سهل


اللي سويتة
الصلاة ما اطوف
استفار
قرآن لو حتى المعوذات
والحمدالله هذا حملي الثاني من غير عملية انابيب

مع انة كنت اقول ماراح احمل واقتنعت من كثر ما حاولت اول السنين وماكو فايدة بس كنت ناسية اذكر ربي سبحانة وطلبتة وعطاني راحة البال قبل العيال

 

[miss_lymoona]

الله يرزقج انشالله

 

[ملكه الحطب]

الله يرزقكم ان شاء الله يااااااااااااااارب

 

["*آآآنؤؤؤقهـ*"]

الله يرزقج ان شاءالله


انا سويت تحليل هرموني اللي طاف بس مو مسويه انابيب ولاتلقيح

جذي بحلل وطلع لي 1 وماصار حمل لان لازم يكون فوووووووووووق25 يصير حمل


والله يرزقج يارب

 

[WaChoCha]

علشان يصير حمل الدكتور قال 25 اقل شي ...بس انتي لي الحين يوم 11 ....ما تدرين عيدي التحليل يوم 14 افضل يمكن تتزايد نسبته انتي ما تدرين يا حبيبتي ..بدل البجي اذكري الله وطلبي منه الخير وتفائلي وربج قادر على كل شي