تحليل الشخصيه من شكل خط الكتابه

[قاهره عذالي]

السلام عليكم

في موضوع حابه اتناقش فيه

اول شي انا فرحانه كثير

ان اختي دشت دوره تعلمها تفسير الشخصيه

من خلال خط الكتابه

وفسرت شخصيتي تفسير


فعلااااااااااااااا صحيح

حتي في شغلات اكتشفتها فيني
وووااااااااااووو

خوووووووش

لو انا داشه معاها بس كله مالي خلق

خن اقولكم تفسيرها خطي بالكتابه

اول شي خطي حيل حيل مميز ويفرق

اذكر ابلاتي بالمدرسه يعرفون ورقتي من خطي

جذي كله دوائر ومافيه زوايا وخطوطي مايله


تفسيرها

اجتماعيه
انيسه
تحب السلام
حسيه وبصريه
لكن حسيه اكثر
شخصيتي بما اني اميل للدائره
فحساسه وانفعاليه وعصبيه
وممكن اكتم اكتم وانفجر وانتقم اشر انتقام

عنوان شخصيتي بما اني مايله لللدائرة اكثر

اتقي شر من احسنت اليه

يعني انا شخصيتي حليمه حيل

بس اذا انفجرت مو زينه

ومن ناحية اسراري ممكن اثق في اي احد وابوح واصدق وهذي من عيوبي

خياليه عايشه بالخيال شايفه الحياة وردي

اهدافها ماتلمسح الواقع

وماعندي ذاك الاصرار للوصول للهدف

عندي عناااااااااااد زايد وذلك من عيوبي

عندي التضحيه والايثار


الله فعلا كثير من تفسيرها احسه صج
استانست ذاك اليوم
ماخلت احد ما فسرت شخصيته
افكر اخلي زوجي يكتب وتفسر شخصيته هالغامض
الا ما اكشفه

 

[ايماني بالله]

يسلموو يالغاليه وفعلا كلامج صج انا نفسج بالضبط ونفس المواصفات بس مااحب الانتقام ونفس الخط احب اكتبه كأنه دائره وكنت احب خط الخدامات السيلانيات لان فيه دوائر ياسبحان الله

 

[قاهره عذالي]

الله يسلمج حبيبتي
هي هم اكشفت بخطي انه انا مو ثرثارة او قرقه
مع انها هي تعتبرني قرقه
وترا الخط المايل للدائرة اكثر من عيوب شخصيته
انه ماعنده تركيز وممكن يرضى باي بديل لهدفه
محتاج دايم ناس تشجعه ناس تذكره بهدفه وتكون اهدافه واقعيه
ولا يشوف العالم وردي حيل
وهم هالشصيه تصلح تكون ام وبتدلل عيالها
بس ام ضعيفه مو اللي تسيطر عليهم وتمشيهم على كيفها

 

[قاهره عذالي]

وبالنسبه للانتقام
هي فسرت اني ممكن اتحمل واتحمل وحليمه حيل
لكن ان انفجرت مو زين
وممكن انتقم شر انتقام
بس انا اشوف نفسي
اني ابعد عن المشاكل قد ما اقدر
ولا احب وجع الراس والهوشات
واغلب ناس غثتني كنت يا ما ارد او اني ارد رد هادي يهدي الموقف ويلطف الاجواء
وانا اكون مو مسويه شي
وفيني طبع مو حلو بس بطلته
انه اذا في احد غالط علي وانا مو مسويه له شي اروح اراضيه
وهذا اكبر غلط الحين بطلته
يمكن سنه عن سنه بحياتي اتعلم من هالدنيا
بس انا اشوف نفسي احاول ابعد
بس اذا في شي وظلم واذيه ماتنتهي
ساعتها يمكن انتقم وافضح لاني اكون استنفذت كل الطرق السلميه وحاول ابعد وماكو فايده

 

[شوشو الشقيه]

يسلمو
لو تشوفين خطي
يلوع الجبد
ما ادري ليش
هههههههههههههه
على رغم كنت شاطرة في المدرسة وكله ادرس
واكتب بس ليش خطي كريه ما ادري
الي يشوف خطي لا يقول خط جامعيه خط بنت في الاعدادي متوسط ههههههههههههه

 

[بنت الحداد]

ياااااااااااااي احب هالسوالف بطرش لج صورة خطي خل تفسرر لي ^.^

 

[قاهره عذالي]

بنت الحداد
وصلتني صورة خطج
وارسلت رابط الصوره على ايميل اختي وناطره ردها
بس ترد
ارسل لج التفسير اللي بتكتبه

 

[الأميرة جوري]

زين واللي خطها مو حلو:eh_s(2):شنو تفسيره؟؟؟

 

[قاهره عذالي]

حسب اذا فيه زوايا وميلات ومايل لمربع او مثلث او دائره

 

[الأميرة جوري]

موفاهمه اشلون زوايا ودوائر؟؟ ياليت تحطين هالخطوط ونشوفها كامثله؟؟

 

[TaRaLaLeYah]

لووول واللي خطها هالكبررررررررررررررررررررررررررررررررررررررررررر

3 كلمااات بسطر واحد لووول



صج صج خطي عووود يعني ماقدر اصغره وان كتبت عنونو احس انه خرابيط لوول

بس يقولون خطي يونس

 

[قاهره عذالي]

اميره يعني في خطوط مافيها زوايا وجذي تحسينها مو دقيقة بتفاصيل الكلمات هذي اللي مايله لدائرة
وهي خطي

 

[دبي العز]

اويييه انا خطي جييه تحسينه دواويييييير خخخخخخخخخخخخخخ
يعني نفسج

اغلبهم صح بس البعض العكس تماماً

انا مب حليمة ولا احب الانتقام ابداً ابداً مهما كان الشيء كبير .. وما اثق بأي حد واقول اسراري !! العكس تماماً اسراري لي بس

الباقي صح


كل الشكر ما قصرتي على طرحج للموضوع وما قصرت اختج

 

[●•∫ استثنآئيهـ]

حلوو
وصج يا ليت تحطين لنا امثلة على بعض الخطوط
ويعطيج آلعآفية ~

 

[*لبيه*]

إإي حتى انا خطي كبيييييييييير ونظام سيده والمد بالحجي ..

فسريه : )

وشكراا

 

[aṕriliå]

ابيها تفسر لي

 

[كويتاوية 15]

الله وناسه ياليت اختج تفسر خطي
انا خطي مو مفهوم كلش الابلات كله يزفوني لانه خطي مو مفهوم كلش انا نفسي مرات ما افهم شنو كاتبه

 

[أسيرة بدران]

أحب سوالف تحليل الشخصيه آنا خطي مو حلو أكتب شي وأرد أشق الورقه أحاول أسنعه بس ماكو فايده آنا عسماويه كل شي بإيدي اليسار أكتب فيها وأمسك فيها أبلة الألعاب كانت تلعبنا تنس وكل البنات يمسكون المضرب باليمين بس آنا باليسار الأبله غيرت ايدها لما تعطيني الكره درت عسماويه لووول ومرات آكل باليسار مره اخوي نبهني قلت والله ماعرف أمسك القفشه باليمين

 

[قاهره عذالي]

بنات
اللي تبي اختي تفسرلها خطها
ترسل لي صورة خطها على الخاص
مثل ما سوت بنت الحداد
وارسل رابط صورة الخط لاختي
وتطرش لي ع الايميل التفسير
لان انا ببيت زوجي وهي ببيت اهلي

 

[غرررشوبه]

قوه حبايبي
قاهرة العذال اذا ماعليج امر سأليلي اختج
انا خطي حلو وحجمه وسط الى الكبير والمشكله انه مايل واذا
كتبت لازم تكون الورقه على الجنب