تحليل الدم ساعدوني ؟؟؟

[المبدعة]

السلام عليكم

شخباركم
اذا وحدة متاخرة الدورة عليها 6 ايام
بنات بغيت اسئل تحليل الدم للحمل شكثر يطول على ما تطلع نتيجة ؟
يعني ربع ساعة و و لا نص و لاجم ؟؟؟؟
ومشكورين
بيلز اي احد يدش يرد علي حتى لوما تعرف المهم ان الموضوع يكون موجود و ينرد عليه بالاجابة الوافية ؟؟

 

[+ Gloom +]

رد : تحليل الدم ساعدوني ؟؟؟

حبيبتي الدم العادي نص ساعه والهرموني ساعه ونص الى ساعتين وربي يرزقج ويعوضني بالتوم الصاااااااااااااالح المعافى

 

[المبدعة]

اللهم امين يرزقج يارب

يعني نص ساعة مو اقل من جذي ؟؟؟؟

يعني بعشر دقايق او ربع ساعة تكون النتيجة مضمونة ؟؟؟

 

[+ Gloom +]

رد : تحليل الدم ساعدوني ؟؟؟

اي حبيبتي اقل شي 25 دقيقه مو اقل وربي يرزقج ويرزقني انشالله
والنتيجه باذن الله مضمونه لانها متأخره 6 ايام عليج وحتى باختبار المنزلي راح تبين معاج انشالله بس سوي الدم اضمن وانشالله تبشرينا حبوبه

 

[المبدعة]

اها

لان رفيجيت متاخرة عليها الدورة
وحللت دم و بربع ساعة عطوها النتيجة و قالولها نجتف
وانا استغربت قلت لها اللي اعرفه ان بنص ساعة مو اقل
يعني انصحها تعيد التحليل؟؟
لان للحين ما يتها الدورة

 

["*آآآنؤؤؤقهـ*"]

رد : تحليل الدم ساعدوني ؟؟؟

حبيبتي روحي اي مستوصف خاص او مشتشفى خاص اخذي تحليل دم ومشاء الله يبين وااضح خلال اقل من نص ساعه ويقولوج النتيجه
وحبيبتي ليش ماتحلليل اختبار منزلي ترى يبين انتي متاخره 6 ايام يبين .... والله يرززق يارب ... بجر ولا عندج اعيال ؟؟

 

[+ Gloom +]

رد : تحليل الدم ساعدوني ؟؟؟

اي حبيبتي خل تعيده يمكن يكون تبويضها متاخر ونسبة هرمون الحمل ماكانت كبيره وواضحه وانشالله يارب تبشرونا بالحمل يارب

 

[المبدعة]

ممممممممممممممممممممممممممممم

مشكورين

يعني تعيده بعد جم يوم من اول تحلليل
لانها حللت وكانت متاخرة 6 ايام

 

[المبدعة]

انوووقه هو يخص رفيجيتي و عنده عيال

 

[+ Gloom +]

رد : تحليل الدم ساعدوني ؟؟؟

حبيبتي خل تحلل الحين وانشالله ررااااااايح يبين باذن الله

 

[المبدعة]

اوكي و شنو احسن مختبر و مضمونة نتايجة ؟؟؟؟؟؟

ما عليه + Gloom + تعتبج معاي بكثر الاسئلة

 

[+ Gloom +]

رد : تحليل الدم ساعدوني ؟؟؟

حبيبتي تعبج راحه والناااس للنااااس فديت قلبج
حبيبتي مختبرات المستشفيات مضمونه
طيبه كلينك ولله وااايد ممتاز ويحرصون يسلمون النتيجه شخصيا وممنوع عن طريق التلفون
تحليل الدم العادي 7 دنانير والهرموني 16
رويال حياه
السلام والمختبرات اللي بره مختبر الخليج اللي على البلاجات هذا من عمر واغلب اهلي يحللون فيه وانشالله ياربي خير

 

[المبدعة]

حبيبيت مشكورة و ايد
وعسى الله يرزقج بالخير يا رب

اذا جذي بقتر حعليها الاماكان هذ و نشوف اللي يناسبها

فديتج

 

[+ Gloom +]

رد : تحليل الدم ساعدوني ؟؟؟

حبيبتي العفو ويارب يرزقها باللي تتمناه ويعوضني بالتوم الصالح

 

[شنوووفه]

رد : تحليل الدم ساعدوني ؟؟؟

تقريبا ربع سااعه انا قبل يومين سويت بطيبه كلينك وخذو مني 7 دنانير وماطول ربع ساعه والنتيجه عندي
وربي يرزقها بالذريه الصاالحه :>
موفقه

 

[المبدعة]

شنوفة مشكورة ع الرد

بس شنو كان النتيجة ؟؟؟

بوستف و لا نجتف ؟؟؟؟

 

[أم فتوته]

رد : تحليل الدم ساعدوني ؟؟؟

آنا تأخرت علي 6 أيام ورحت حللت
أقل من 10 دقايق وطلعت النتيجه

وربي يرزقها بالذريه الصآلحه..~

أم فتوته

 

[المبدعة]

ام فتوتة مبووك ع الحمال
ع فكرة رفيجتي للحين ما نزلت عليها الدورة
و ما ودها تحلل مع ان تاخرت عليها ١١ يوم
و ودها سوي تهليل حمل هرموني

 

[nadoy]

حبيبتي انا اشتغل بالمختبر ..

اذا قالولج نص ساعه جذب لووووووول

لانه يكون عندنا شوي زحمه فـ نعطي الناس نص ساعه في موظفين يعطون النتيجه بأقل من هالوقت وفي ناس يعطونها بنفس الوقت لانه تدرين زحمه شغل والناس ماترحم

يعني عشر دقايق يطلع لنا واضح ماننطر اكثر

واذا الهرموني يطوول لانه اذا كان فيه حمل بيطلع عالي وبيسون له تخفيف ويردون يعيدونه عشان جذي ساعات يطول لي ساعتين

عرفتي حبيبتي ..؟

وساعات يطلع خط خفيف ونقولهم يعيدون التحليل بعد اسبوع او 10 ايام عشان تتأكد لانه ساعات يطلع حمل كيميائي يعني يطلع خط خفيف بس بعد جم يوم تنصدم من الدوره يايتها فـ مانعطيهم امل انه تكون حامل لانه احتمال مايكون حمل .

 

[nadoy]

على فكره يابنات ترى حتى احنا مستشفيات الحكومه والمستوصفات مضمونه

يعني ليش تروح وتدفع فلوس وهالتحليل فيه بالمستوصفات والمستشفيات الحكومه

ترى والله حرام انا انقهر من اللي تسوي حتى تحليل بول عزكم الله عند هالخاص كله تحليل حمل وبسرعه يطلع !!

وعلى فكره اللي يقول انه الهرموني بالخاص اضمن انا اقولكم لا لانه الخاص مايسون المينتيننس كل يوم الصبح لانه ماعندهم امكانيات والريئيجنت عندهم غالي فـ يسوونه مره بالاسبوع اما الحكومه والله مانبدي بأي جهاز الصبح الا بعد مانسوي الصيانه له ونضبط الكنترول ويكون كل شي مضبوط تالي نشتغل بالعينات

انا قلت هالكلام لانه انقهر الصراحه الناس مافيهم صبر علينا وترى المستشفيات وايد ضغط علينا يعني انسوي تحاليل شنو ولا شنو ..؟ الخاص مو كثر الحكومه بالناس على فكره وحتى تحاليل الهرمونات عندهم غاليه وانتو تقدرون تسونها بالحكومه ومن دون لاتقطين ولافلس