تحليلي............؟؟؟؟؟؟

[اخت الدكتور]

السلام عليكم ورحمة الله وبركاته
خواتي انا حامل بشهر و13 يوم بالضبط حللت حمل وطلع موجب ولله الحمد بس المشكله رحت للدكتوره وسوت لي سونار وقالت موباين الكيس وطلبت مني التحليل الهرموني وطلع نسبته 1027 وطلبت اعيد التحليل باجر الثلاثاء تاريخ 22=7 واراجعها الاربعاء تسوي السونار ثاني مره هل النسبه هذي طبيعيه او لاااا ؟؟؟؟؟؟ ساعدوني :bbbiu::bbbiu::bbbiu::yaaaaaarb::yaaaaaarb::yaaaaaarb:

 

[fofowa_q8]

اتوقع توه مبجر ان يبين الجيس

وشلون عرفتي بالضبط شكثر صارلج حامل؟

يمكن تبويضج متاخر وتوه حمالج بأوله عشان

جذي مابين

والله يطمنج ويتمم عليج

 

[سميره مملوحه]

نطري شوي حبيبتي

وظلي استغفري

والله يعطيج مرادج

 

[اخت الدكتور]

33 مشاهده و 2 رد الله يسامحكم ابي ردوود اكثر الله يرحم والدينكم طمنوووني

 

[أأأميرة الورد]

الله يطمنج

نطري شووووي يمكن حمل متاخر

 

[مذهلة2013]

ربي يطمنج حبيبتي

 

[glby7sas]

اشوف الرقم ممتاز
اذا عدتي التحليل بعد 48ساعه وزاد فعرفي انه حمال تمام التمام والف مبروك حبيبتي

 

[اخت الدكتور]

الله يبارك فيكم جميعاااا وجزاكم الله كل خييييييييييييييييييييييييييير

 

[om_saleem]

عادي ممكن يكون تبويض متاخر وبعدين الحمل والجيس صغير اذا انتي خايفه روحي بعد سبوع او اسبوعين قسم السونار احسن اجهزتهم ادق ولا تكثرين تحاليل انتي محتاجه هالدم وخساير عالفاضي .. صبرا جميل والله المستعان .. الحمل يبيله طولت بال وصبر من اول شهر لي الولاده .. والله يثبت حملج وتولدين بالف سلامه

 

[مزآجيه!]

عادي انا بيّن معاي الكيس بالاسبوع السادس

والنبض بالاسبوع التاسع

مع ان الغالبيه يبين عندهم بالاسبوع الخامس والنبض بالاسبوع الثامن

لا تحاتين ان شاءالله خير

 

[Ms.lool]

تو الناس ليش تسوين سونار
بعدين تحليلج لهرمونيً يبين ان في حمل
مابي اظن فيها بس اخاف تبي فلوس

 

[# غنوجة بيبي #]

غريبه

انا بين الجيس بالاسبوع الخامس بعد تأخر الدوره باسبوع

و بالاسبوع السابع بين النبض


بس وحده عن وحده تفرق

في بعضهم من الاسبوع الرابع يبين الجيس

و اللي اشوفه ان ما شاءالله في حمل


نطري و عيديه

لا تخافين مبين ان الحمل طبيعي ماشاءالله

 

[mrs.shah]

السلام عليكم
ان شاء الله خير لا تستعجلين وتتوقعين الاسوا شهر واشوي وايد اصغير انه يبين النبض
نطري شوي وبعدين سوي سونار
بصراحة احس انها مسويه لج السونار وايد مبك
ومبروك عالحمال وربي يثبته ويسهل عليج حمله وولادته
​

 

[فيلجاويه كيوت]

نطري اسبوعين وسوي سونار مره ثانية وبعض الدكاترة يسوون داخلي بس ما انصحج فيه

 

[الأميرة جوري]

انا بين معاي بالاسبوع 8 تقريبا

 

[نبض السعاده]

انا مابين معاي الي سابع اسبووع
الله يتمم عليج

 

[# غنوجة بيبي #]

طمنينا عليج؟؟

 

[متواضعة]

شصار عليج اليوم الاربعا

الله يثبته لج ياربي وينقلج لي تمامه

 

[مذهلة2013]

طمنينا عليج