تحلقين شعر بنتج والا لا ؟؟

[ام عفراء]

السلام عليكم ورحمة الله وبركاته


بسآلكم

شرايكم في سالفة انه لازم نحلق شعر البنت وهي صغيرة عشان يطلع حلو وكثيف؟

انتو تسوونها ؟ تحلقون لبناتكم ؟ وجم عمرها يكون ؟

رايكم وتجاربكم لو سمحتوا

:eh_s(17)::eh_s(17)::eh_s(17):

 

[عـــــروس]

حلاقة الشعر للمولود سنه للبنت والولد يعني مو ضروري اذا مو حابه
أما على سالفة الكثافه عادي كل شيء وراثه

 

[روعة خيال]

لا

سنة الولد تحلقينه

سنة البنت تحددين شعرها

انا وحده احلق بناتي لان ما رده بيطيح الشعر

 

[.. Ro3a ..]

موضوعج توحفه كنت بنزل موضوع جذي ،،
اهو ع فكره سنه بس للولد مو للبنت ..
بس الناس يحلقونه يبونه يكثف وانا ميته بحلق شعر بنتي
عمرها ٦ شهور بس متردده اخاف يخشن ،. بشوف تجارب البنات ،،

 

[الغلاااااا]

انا بالاربعين احلق عيالي لان الشعر يغث يكون مثل الوبر ويحت كل شوي يدمر الملابس مع ان عيالي مولودين بشعور بس حلقتهم


وكل فتره شهرين جذي اخفف الشعر للولد والبنت مرا ومرات اطنش كع انه اما اخفف شعرها احس يصير احلا ويتساوى مع بعض ويكثف وان شالله هالاسبوع بخفق بشعر بنتي


دامهم صغار وللبنت احسن انج تخففينه كل فتره عشان يكثر ويتساوى بس شوفيلج حلاق ايده حلوه


انا جربت كذا مكان وارتحت على واحد حلو تخفيفه والشعر يطلع

 

[نور دنياه]

انا حلقت شعر بنتي او بالاحرى قرعناها مكينه وموووس بعدها تخيلو منظرها !!!!! هههه
يوم كملت شهرين ، انا ماكنت مقتنعه بس امي خوفتني قالت باجر لي كان شعرها خفيف روحي دوري لها علاج ! حسيتها خرافات كله يعتمد على الوراثه بس الحين رد طلع لها شعر الحمدلله

وشعر البطن يحت ويدمر الكبووس

 

[أسرار الجمال]

انا بنتي عمرها سنة ونص من ولدت ما جست شعرها ولا اخلي احد يجيسه ولا حتى قصيت الأطراف أبيها لما يصير عمرها سنتين يكون شعرها طويل يصير شكلها يونس والحلاقة ما تكثف كله خرافات على حسب الوراثة

 

[ام عفراء]

يعطيكم العافية عالمشاركات الحلوة

اللي يحلقون لبناتهم جم افضل عمر ؟؟

 

[نور دنياه]

احس افضل عمر للحلاقه لما تكون البنت صغيره ماتطلع للناس ، يعني بالنفاس ولا حدها 3 شهور، لانه فشله مقرعينها ونطلعها ! لانه مو كل اللبسات تنفع لها كبوس بعضها ماينفع لها الا باند

 

[.. Ro3a ..]

نور الدنيا .. بنتي عمرها ٦ شهور مايصلح احلقها اللحين

 

[حلا الأحساء]

انا حلقت ولدي مكينه وبعدها موس وطلع شعره حلو

والحين بنتي هم حلقت لها مكينه وبعده موس لان شعورهم خفيفه

بدى يطلع بس مو بين بيكثف والا بيظل خفيف
وعيالي احلقهم وهم صغار من عمر شعرين ثلاثه ويكون موسم شتا
عشان لما اطلع راسهم مغطى بالكبوس

روعه اذا نفسك تحلقين بنتك عادي حلقيها في هالعمر حماتي حلقت بنتها وعمرها
تسعه شهور بس طلع لها شعر يجننننن ماشاءالله

 

[الغلاااااا]

اذا بتحلقين بنتج لاتشيلين كل شعرها سويله تخفيف وتحديد بس ولبسها باندات وان شالله عالصيف بعد سويله تحديد وتخفيف وبتشوفين شلون يكثر

 

[إم بــــرٍآك]

بنتي حلقت شعرها بالاربعين واذا ع كثافة الشعر اعتقد ع الوراثه وترى كثر قص الشعر يصير الشعر يابس لاهو خشن ولاناعم

 

[نور دنياه]

روعه .. عادي حلقي بنتج الحين مافيها شي

 

[الأميرة جوري]

أي لازم لانه شعر بطن خفيف ويطيح

 

[نـعـومـه]

هالسالفه قصه

بنتي حنو علي اقرعها بس خفت وعقب تحسفت للن خف وطاح ولما كبرت رد طلع بس موكثيف

والتحليق باليوم السابع او كلش كلش بالاربعين عقب ماينفع

وتوني ادري ان سنه للولد بس حسبالي الاثنين

 

[.. Ro3a ..]

ودي بس ابوها مو راضي خايف يخرب نفس عيال حمولتي كل من حلق عقب خشن وما قام يطلع بس بنتي فيها شعر جد خفت