تحطمت احلامج مثلي .. ولقيتي حل .. تعالي ..

[لجين]

السلام عليكم ورحمة والله وبركاته ..

حبيباتي مالي غيركم بعد الله اشكيله .. ما ابي اشغل امي وابوي واخليهم يحاتوني

ابي صاحبة الخبره واللي مرت بهالظروف تفيدني ....

مشكلتي :lkmnkl: زووووجي عليه منع سفر والقاء قبض من اول ما تزوجته الحين نبي نكمل 3 سنوات

وانا كل ما اسئله يقولي بتنفرج .. >> اكيد بتنفرج

>>> بس اشلون ..

مو راضي يتحرك :eh_s(2)::eh_s(2):ويحط ثقته بناس ما تستاهل الثقه ويسعون على شانه بصندوق المعسرين

بس يبون منه فلوس وهو والله ما عنده .. :gr4uu: يعني من وين راح يجيب لهم

احسه يجذب علي ..:eh_s(4): انا خلاص ما عدت استحمل ابي اسافر ابي البس ابي اشتري على راحتي

اوكي يعطيني اللي يقدر عليه بس الجزء الكبير علي انا .. واذا بنطلع ما نطلع بالعطل بحجة انه في دوريات

ويخاف يمسكونه .. وتصير ,, سالفه وقصيده :O_SHH_:

شنو برايكم الحل ؟؟

انا مليت وتعبت ما تهنيت والله من اول يوم بزواجي انصدمت انه مفلس

وعليه القاء قبض ومنع سفر احس احلامي تحطمت ..:cxxxp:

شرااااااااايكم ..؟؟

شوروا علي .. وشنو صندوق المعسرين هذا شخباري للحين عايش ..؟؟

 

[trakmia]

الله يعينج حبيبتي
ومابعد الضيق الا الفرج

 

[قسي قلبك تعيش]

انا نفس حالتج بس الحمدالله ماعليه الغاء قبض صح اني موضفه وكل شي عراسي بس هو طيب معاي طيبته معوضتني عن النقص المادي وانا ادري لو عنده ماراااح يقصر بس كل واحديمد رجوله عقد حاله
صح مرات اشوف حماي وزوجته مسافرين وشروووا كل شي تحس بالخاطر شوي بس لاحقه عالسفر اهم شي مرتاحه معاه وجونا خالي من المشاكل وصالح للتربيه بناتي خلاص شبي بالدنيا

وصدقيني انتي اذا تبين تهونينها تهون واذا كبرتيها بتصعب عليج

 

[iLLuMinaTion]

الله يعينج حبيبتي

 

[عصفووورة دشتي]

رد : تحطمت احلامج مثلي .. ولقيتي حل .. تعالي ..

:n2006107:

 

[لجين]

رد : تحطمت احلامج مثلي .. ولقيتي حل .. تعالي ..

الله يرفع شانك يا عصفورة

 

[جذابه بنت ذيابه]

رد : تحطمت احلامج مثلي .. ولقيتي حل .. تعالي ..

الصبر مفتاح الفرج وانا اختج

 

[angell]

رد : تحطمت احلامج مثلي .. ولقيتي حل .. تعالي ..

الله يعينج ويفرج همج

 

[smartlady]

رد : تحطمت احلامج مثلي .. ولقيتي حل .. تعالي ..

لازم تسافرين موضروري لا تضغطين على الريال اللي فيه كافيه
صدقيني احنا بديرة الخير والدوله ما قصرت وراح تشوفين كل الامور بتصير تمام وبعد
تفاءلوا بالخير تجدوه

 

[لجين]

رد : تحطمت احلامج مثلي .. ولقيتي حل .. تعالي ..

معقوله محد يعرف .. عن المعسرين ..

 

[مناير ...!]

رد : تحطمت احلامج مثلي .. ولقيتي حل .. تعالي ..

الله ييسر اموركم ويفرجها ويفتحها بويهكم
بس ليه حبوبه اهلج وافقوا من البدايه

 

[الأميرة جوري]

رد : تحطمت احلامج مثلي .. ولقيتي حل .. تعالي ..

خليه يتسلف ويسدد دينه واللي ياخذ منهم يقولهم بطول بتسديد .....كلمى احد من اهلج احد من جماعتهم يعطونه يساعدونه الله يعينكم كل شيء والا الدين يقص الظهر

 

[الغدق]

الله يفرجها عليج وعليه ياااارب
بس قوية إلقاء قبض لازم أهلج يدرون
لو أمج واهي تصرف بطريقتها
مو معقولة ماتقولين لأهلج
هذا رايي وأنتي استخيري وشوفي اشيطلع معاج

 

[لجين]

رد : تحطمت احلامج مثلي .. ولقيتي حل .. تعالي ..

بنات انا ما اقدر اتكلم لاسباب ..

منها :

امي بعد عمري مريضه وتعبانه وتعالج ..

وابوي عصبي لو يدري يعقد السالفه ويقعد يحاتي ولا ينام ..

وزوجي طيب وحبيب معاي بس شخصيته ضعيفه ومكسورة بسبة الدين

مابي اكسر ثقته واحطمه ما يستاهل ..

وانا ابي ربي يفرجها علينا .. بس هم الله قال اسعى وعبدي وانا معاك اشلون تفرج

وانا وياه حاطين ايدنا على خدنا بتنزل فلوس من السما مثلا ..

 

[~LiBrA~]

رد : تحطمت احلامج مثلي .. ولقيتي حل .. تعالي ..

حبيبتي انا الي بعرفه شلون خذيتيه وعليه كل هالبلاوي؟؟

يعني هالشي صار عقب الزواج ولا قبله؟؟

مو معقوله اهلج ماسالو عنه


المهم حبيبتي والله مادري شقولج انتي مثل ماقلتي ريلج على نياته وطيب والطيب بهالزمن ما ينفع

بس دامج راضيه بهالشي ليش تطلبين السفرات والطلعات

انتي الي مبينه ان هالشي عادي


مااقول الا الله يفرج عنكم همكم ياارب

 

[لجين]

رد : تحطمت احلامج مثلي .. ولقيتي حل .. تعالي ..

اشفيكم تحاسبوني بدال ما تدعولي ..

انا ما قلت هو يشرب ولا سكران او راعي زنا لا سمح الله

مديون ..والدين منو يتحمله .. اوكي سالنا عنه وطلع مافيه شي

بس انا طولت ملجتي سنة تقريبا بهالفتره يمر الانسان بحياة وممات

:eh_s(16): تبونه ما يمر بديون ..

وانا كتبت الموضوع علشان تحققون معاي ,..؟اللي ما تعرف تنصح لا تتكلم رجاءً وتوفر حكم ..وابداعات ..

الظاهر في بنات تقرى عنوان وترد ما يقرون مواضيع

 

[الحلا و الزين كله]

ياحياتي هونيها تهون كبريها تكبر صغريها تصغر اهم شي الصحه والعافيه وادعيله واستري عليه لين ربي يفرجها يارب قريب ان شاء الله

 

[الفنانة لؤلؤة]

عليج بالإستغفار حبيبتي

بسم الله الرحمن الرحيم
(وقل أستغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جناتٍ ويجعل لكم أنهارا)

وبعدين خليه يروح ومعاه الأوراق الثبوتية لديونه وإلقاء القبض عليه حق بيت الزكاة وبعض اللجان،، لأن آنا أعرف وحده تسوي جذيه والحمد الله توه الإسبوع إللي فات سكرت ديونها بعد معاناة سنين وراحت العمرة

الله يفرج همج ويفك عسرتكم إن شاء الله

 

[BiiShOoO]

الله يعينج و يفج ضيقتكم يا رب

 

[ام الدرر]

حبوبة اذا ديونة لشركات روحي بيت الزكاة بالاوراق يدفعون عنكم ويقسطون عليكم المبلغ اللي دفعوه
واصبري ياعمري مدام انه طيب معاج ومومقصر
وعسى ربي يسخر لكم من يساعدكم ويفك ضيقتكم ويفرج همكم ويقضي دينكم​