تحسين بتتكلمين، بس خلاص توقف الكلمة

[نكهةالبرتقال]

السلام عليكم بنوتات شلونكم ؟

بنات مادري أحس في أشياء وايد بقولها و بقولها ، و بفضفض
موعشان أحصل حل

لا

أنا أعرف شنو الحل
بس عشان حاجة للكلام عقبها أرتاح

كان لي وحدة تصيرلي اهي مستودع أسراري و شي كبير بالنسبة لي

فجأة تغيرت

صارت انانية بمعنى الكلمة

و المشكلة انها متكبرة

لما تسوي الغلط ما تعترف بالغلط

مع انها بقرارة نفسها تدري ان هذا غلط

صرت ما حب اشوفها و لا اقعد معها

و الله ثم و الله لوما القرابة اللي تربطنا ، جان قطعت علاقتي معاها ابدا

مادري يا بنات ن المشكلة لما تصير عندج هموم و تحسين وصلتي لدرجة الانفجار

و تبين آدمي تتحجين معاه

و الشكوى لغير الله مذلة

ابي اتحجى ابي اقول ابي اصيح
بس خلاص الكلمات توقف عند بلعومي

 

[~*~الملكة~*~]

نصحيتي لج لا تشكين اسرارج وهمومج لاحد لان بيي اليوم اللي يعارونج بهالشي

مثل ماصار معاي

لا تقولين يارب همي كبير قولي ياهم ربي كبير

فرشي سجادتج وادعي ربج هو وحده اللي يزيل همج ويفرج كربتج ويعطيج اجر على صبرج بعد الواحد شيبي اكثر من جذي

 

[شباصـه فرنسيــه]

نصيحه لاتقولين لاحد اسرارككك ان مهما كان الناس بيجي يووم
ويقلبون عليككك
اشكي لرب العالمين هو اللي راح يسمعككك

 

[نكهةالبرتقال]

و الله معاكم حق ، أشكركم


مرات احس بييني مرض نفسي من الكبت

بس رغم هذا احاول اتحامل عل نفسي

 

[عبالي حبيبي]

اجمل شعور

لماتشكين لربج والله انه اهو الي بيده الحل سبحانه

ونصيحة لاتقولين الي بقلبج حق احد

خصوصا لوكان من قرباتج لانه بيستغلج بيوم

 

[روح مغليهاM]

اجمل شعور

لماتشكين لربج والله انه اهو الي بيده الحل سبحانه

ونصيحة لاتقولين الي بقلبج حق احد

خصوصا لوكان من قرباتج لانه بيستغلج بيوم

:eh_s(15)::eh_s(15):

 

[*الهنوف*]

انا معاج مرات الواحد وده يفضفض
نصيحه فضفضي لاحد ماتعرفينه
يعني وحده بالمنتدي
او صديقه بعيده عنج مالها علاقه برفيجاتج ولا اهلج
لان الرفيجه القريبه صار ينخاف منها

 

[am faisal]

عين العقل يا الهنوف

 

[نكهةالبرتقال]

أشكر مروركم العطر


سبحان الله مرات اييلج شعور إن لازم تفضفضين لأحد و خلاص بتنفجرين

لكن تنطرين شوي و تصبرين

و تحسين إن كل هذا يروح عنج ، و إن الموضوع صار عادي و مولازم تقولين لأحد

و الحياة تعلم خبرات وايد


الحمد لله

 

[Tom ♥ Jerry]

,


فرررشي سيآدتج و طلعي كل الي بقلبج
و اقريلج جم صفحه من القرآن ..
رآح ترتاحين (=



لا تلجئين للـ خلق و تنسين الخآلق

 

[منبع عبط^_^]

الله يفرج همج ان شالله

 

[* ليــــدي *]

آممم انا جذي ودي اتكلم بس ماقدر ..
لان انقرصت من بنت وحطيت موضوع عنها ..
عرفتها وحبيتها وعلمتها بكللللللل شي فجــــــــــأه زعلت على سبب تافهه ومابقى شي ماقالته عني ..
مع انها كانت اكثر من اخت واقرب لي من نفسي .. تخيلي تكلمت فيني بكل مكان وعند الكل حتى عند بنات المنتدى تتعرف عليهم وتتكلم عني بالسوء ..
ديري بالج لاني من عقبها حرمت افتح قلبي لاحد محد بينفعج ..
ساعدي نفسج ترتاحين هذا انا احس وددددي اتكلم بشغلات داخلي بس ماقدر مانعه نفسي حتى لو بنفجر من الكبت ..
لان انقرصصصصت فـ ديربالج ..
حاولي تطلبين الله راحة البال و تتصدقين او اقري قرءان سورة يوسف حاولي تتقربين لله ترتاحين حيل ..
عسى الله يطمن قلبج ويسعدج يارب

 

[مُخملْ]

كل مآتحسين انجْ متَضآيقة اكتبي اللي بخآطرجْ في آورآقْ،
تعودي تكتبين يوميآتجْ ، وآيد بتسآعدج وبتشيلْ شي من اللي على قلبجْ
والاهمْ آنجْ تلجئين لربجْ ، صلي ركعتين وادعي بكل اللي بخآطرجْ .
كل شيْ تبينه قوليه وربجْ كريم يعينجْ ويصبرج

،

​

الله يعينجْ ويفتح عليج ويشرح لج صدرجْ وويسرآمرج

​

 

[نجمة كويتية]

انا معاج مرات الواحد وده يفضفض
نصيحه فضفضي لاحد ماتعرفينه
يعني وحده بالمنتدي
او صديقه بعيده عنج مالها علاقه برفيجاتج ولا اهلج
لان الرفيجه القريبه صار ينخاف منها

:eh_s(15)::eh_s(15): :eh_s(11)::eh_s(11):

 

[غير كل الناس]

الغيها

ارسليها الي سله المهملات وبس

همشيها

دامج مجروحه منها خلاص

بس لانها قريبه يبقي السلام عليكم بينكم وهذا اهم شي

 

[yes.thise me]

و عليكم السلام ورحمه الله وبركاته

نفسج حالتج بس ما تجمعنا قرابة

بس مو متضايقه قولي منصدمه !!

بدون سبب و فجأه تتغير علي و تقط نغزات و غيره

بس مادري ليش فجأه تغيرت !! مادري يمكن ذابحه اهلها وانا مادري لول

ع العموم لا تتضايقين ولا شي الدنيا ما تسوى اهم شي رضا الوالدين و اعمالج الصالحه

ااما على ان تجمعكم قرابه ... خلي بينكم بس سلام

و لا تشكين همومج إالا لربج

الله يسعدج يارب