تحسون ماعندكم وقت ؟؟؟

[عيون القرناس]

السلام عليكم ,,,,,,و:nbptr:





بنات بصراحه انا ماعاد احب انزل عند حمولتي :ssssso: احس مااااااعندي وقت ولاعاد احب القعده لان ازعاااااااااااااااااج وانا منقبه وحمواني ماشاء الله واجد رايحين جايين
يعني مادري في احد مثلي ؟؟ ولا انا مو طبيعيه؟؟ انا وحده ماحب الازعاج وعيالي مدارس من يرجعون يتغدون واستلمهم دراسه ومراجعات لي المغرب وبعد المغرب اسبحهم :27d66a9c24b146327bf واعشيهم وانومهم وما اخلص منهم الا ابي ارتاح واقعد اشوف نفسي :eh_s(22):
وبعدين ماكو سوالف سنعه تشجعني اني انزل حريم حمواني غريبات يا يتهاوشون على سوالف الجهال يا يسكتون ويخزون:27d66a9c24b146327bf وغير جذي الجهال يحوسون حولنا :j013: وايام العطل اطلع مع عيالي ما اقعد ......
صرت اكره انزل بس لما اطلع وادش اسلم واقعد شوي واروح :wqedqw: منو مثل حالتي؟؟ منو تحس ان ماعاد عندها وقت؟؟؟

 

[روحي زوجي]

رد : تحسون ماعندكم وقت ؟؟؟

انا بشقه بروحي مرتاحه ومريحه اذا ضاق خلقي رحت لهلي للسوق اي مكان وماحد يقول بس طالعه ووين رايحه بس الزوج لاتنح فرض هيبتة

بس اذا طبع حمولتج جذي خليج على منوالج وطول عندج عيال وتدرسين اكيد مو حديثه زواج يعني عارفتهم وباخصتهم عدل

اذا ضاق خلقج مرات مايمنع تنزلين حلو الواحد يجتمع وطبيعه الحريم حبهم للسوالف <<< بس لاتنسين اذكار المجلس لوووووووووووول

وتقبلي مروري ...


ـــــــــــــــــــــــــــــــــــــــــــــ

اهتمي بنفسج وقت الدوره مع افضل عصيده <<< بالصور

http://www.q8yat.net/showthread.php?t=754155


.

 

[فاقده ابوهاااا]

رد : تحسون ماعندكم وقت ؟؟؟

انا الحمدالله ساكنه بروحي بس مثل ما قلتي عفيه وين في وقت الحين انج تنزلين وتقعدين ومثل ما قلتي اذا عندج يهال ما تشوفين الراحه الا لما تدرسينهم وتعشينهم وتنومينهم يعني على الساعه 8 يلا ترتاحين وبعدها من حقج انج انتي ترتاحين عاد تجابلين نفسج او التلفزيون او المنتدى بعد من حقنا نعيش شوي لعمرنا بس همنا اليهال وامجابل اهل الريل بس زين تسوين بالطلعه والدشه قعدي بو ربع ساعه وصعدي المهم يشوفونج كل يوم علشان لا يتحجون

 

[دنياالوله]

شي طبيعي اللي تحسين فيه

 

[ربي يفرج لي]

رد : تحسون ماعندكم وقت ؟؟؟

انا جذي نفسج اكره النزله عندهم

 

[شقرديه كيوت]

رد : تحسون ماعندكم وقت ؟؟؟

أم الجهال محد يلومها واللي يلومها ماعنده سالفه-انا كنت نفسج-وحاليا طالعه بروحي

 

[فوفو22]

رد : تحسون ماعندكم وقت ؟؟؟

بصراحه المفروض محد يعتب على كل زوجه عندها عيال بمراحل الدراسة


يا دوب تلحق تدرس وتسولف وتغسل وتعشي

وعقب تشوف نفسها بالراحه مو الالتزامات

فوفو

 

[عيون القرناس]

رد : تحسون ماعندكم وقت ؟؟؟

يسلمووووووووووووووو حبايب قلبي اشوا ريحتوني شوي ..... انا كنت احس ان عيب وفشله وجذي بس والله جد جد احس مااااااااااااعندي وقت فديتكم على ردودكم

 

[برد ابو الذهب]

انتي اصلا انسانه طبيعيه ميه % ليش تضغظين على نفسج عشان احد اهم شي انتي وعيالج وريلج

 

[BiiShOoO]

بالعكس عادي

 

[Tom ♥ Jerry]

.


اي و الله مآكو وقت !
انا مثلج مآ آرجع من الكليه الا قريب الساعه 9 بليل !
يعني اذا بروح عند حمولتي آروح آتعشى و آنزل على طول
تعرفين لويه الدوآم و الكليه و الدراسه و 3 محآظرات باليومـ
لمآ آرد يالله آتسبح و آتنظف و اقعد اريح رآسي

روحي لهم مره أو مرتين بالآسبوع ! : )
الوقت الي مآ يكون في دوآم يعني اليمعه و لا السبت : )
عشان خآلتج بس مو عشان آحد ثاني

 

[درة أهل الطولات]

رد : تحسون ماعندكم وقت ؟؟؟

ما يصير شي اذا قعدتي معاهم ساعة

عقب ما تدرسين عيالج

 

[شووكولاته]

نفسج مافي وقت بروحها الدراسه اخذ وقتج وطاقتج وعقبها الواحد بيرتاح

يوم بالاسبوع نزلي كافي

 

[عيون القرناس]

رد : تحسون ماعندكم وقت ؟؟؟

يسلموووو عالردود

 

[FeShinGoOo]

رد : تحسون ماعندكم وقت ؟؟؟

الله يعينج حبيبتي خصصيلج يوم بالاسبوع لهم زوريهم وبس باجي الاسبوع قضي اشغالج والتزاماتج وجابلي بيتج وعيالج

 

[نجمه فوشيه]

رد : تحسون ماعندكم وقت ؟؟؟

انا انزل كل يوم ماعندي الا بنوته وحده وطبعها شين ماتحب تقعد باشقه اضطر انزل عشانها ومره وحده اشوف خالتي واقعد اسووولف وياها :wqedqw:

بس بالنسبه لوضعج عادي وعذرج معاج ومحد بيلووومج بس مو تقطعين فيهم لووول:RoadRunner:

 

[اكابر]

احساس طبيعي والزم ماعليج نفسج عن الحلال والحرام نزلي بين فتره وفتره مو لازم يوميا او خليها نهايه الاسبوع قبل لا تطلعون انتي وعيالج قعدي شوي ..

انا ساكنه فبيت يد ريلي والله ما انزل الا لا بغيت اطلع انزل اقعد بو 10 دقايق وانا اللي طالعه وين وين لا نزلت قعدت عندهم ..

وعيالي صغار حتى روضه ماكو ..

 

[عيون القرناس]

رد : تحسون ماعندكم وقت ؟؟؟

اب اب

 

[الأميرة جوري]

رد : تحسون ماعندكم وقت ؟؟؟

انا بروح بس اتمنى اليوم يومين لان ماعندي وقت كلش دراستي دراسه العيال بيبي صغير يبيل اهتمام وتجاره <<البي طلبات الزباين ...فعلا شيء متعب والوقت تروحين ماتحسين فيه ........وحمولتي امر عليهم متى مافضيت بالويكند

 

[ام الوردة]

السلام عليكم ,,,,,,و:nbptr:





بنات بصراحه انا ماعاد احب انزل عند حمولتي :ssssso: احس مااااااعندي وقت ولاعاد احب القعده لان ازعاااااااااااااااااج وانا منقبه وحمواني ماشاء الله واجد رايحين جايين
يعني مادري في احد مثلي ؟؟ ولا انا مو طبيعيه؟؟ انا وحده ماحب الازعاج وعيالي مدارس من يرجعون يتغدون واستلمهم دراسه ومراجعات لي المغرب وبعد المغرب اسبحهم :27d66a9c24b146327bf واعشيهم وانومهم وما اخلص منهم الا ابي ارتاح واقعد اشوف نفسي :eh_s(22):
وبعدين ماكو سوالف سنعه تشجعني اني انزل حريم حمواني غريبات يا يتهاوشون على سوالف الجهال يا يسكتون ويخزون:27d66a9c24b146327bf وغير جذي الجهال يحوسون حولنا :j013: وايام العطل اطلع مع عيالي ما اقعد ......
صرت اكره انزل بس لما اطلع وادش اسلم واقعد شوي واروح :wqedqw: منو مثل حالتي؟؟ منو تحس ان ماعاد عندها وقت؟؟؟

بااااااااااااااااااضبط هذي حالتي ..

انا لأني انقرصت جم قرررررررررررررصة فخليت نفسي رسسسسسسسسسسسسميه جدااااااا جدااااااا لأبعد الحدود

وهم موسااااااالمة :0bee2e8d89: