تحزيم و لا بالون ؟؟؟

[شهووووودة]

السلام عليكم و رحمة الله و بركاته


كيفكون صبايا ؟؟


بدش سيدة بالموضوع ....

انا وحده توني داشة ال 20
و طول عمري كنت متينه ...

بس الحين خلاااااااااااااااااااااااص ما اقدر !! تعبت تعبت تعبببببببت

كل ما اسوي ريجيم ... استمر تقريبا 5 الى 6 اشهر و انزل من 12 الى 15 كيلو
و باقل من شهرين اردهم بزوووووووووووووووود


ف الحين محتارة اسوي بالون ولا حلقة ؟

الصراحة انا حدي خوافة ... بس مادري من وين يبت الشجاعه ... يمكن لاني مليييييييييييييت

شكلي صففففففففففففففففر !!!!!!!
ويهي ناعم ... بس ما يلوق على جسمي ...
اللبس اييب المرض علي ... الحمدلله على كل حال


بليز اللي بتدش و تقولي سوي ريجيم مرة ثانية و مادري لا تقول .... بس ع الاقل خل ترفع الموضوع ... ما تصدقون شكثر نفسيتي تعباااااااااااااااااااااااااااااااااانة !!!



الحين ... من (( تجربتكم )) و (( تجارب ناس قراب منكم )) شرايكم ؟؟
مابي وكالة (( يقولووووون ))


تحزيم ( حلقة ) و لا بالون ؟؟؟
و شكثر يكلفون ؟؟؟



انا كنت اول شي ابي البالون بس البالون مؤقت .. و اخاف ارد وزني
و الحلقة تظل معاي ...
و ايهو اقل تاثير اذا تزوجت و حملت ؟؟؟
ميخالف انا بنت و لازم احاتي هالاشياء ...


بليز بليز بليز ساعدوني !!!

و شكراااااااااااا


و الله يوفق اللي ترد علي او تدعي لي او حتى بس ترفع الموضوع

 

[شهووووودة]

90 مشاهده و لااااااااااااا رد ؟

شدعوه بنات !

 

[فيلجاويه كيوت]

جم وزنج ؟ وليش مافكرتي بالتكميم او التحويل

 

[جدايل]

هلا اختي

انا نفس حالتج?

وناس نصحوني بالحلقه لان اكثر الفنانات المعروقين سووها

انا البالون بعضهم يمدحه وبعضهم لا

يعني انا سمعت عن اخوان سوو البالون واحد نزل بشهر 14كيلو
والثاني خمسه كيلو

وعلي حسب جسمج

 

[شهووووودة]

فيلجاوية :

قريت عن التكميم و التحويل ... بس شايلة فكرة اي اجراء جراحي يضطرون فيه ان يقصون جزء داخلي ...

جدايل : مشكورة :****

 

[اميره بكلمتي]

جم وزنج شهوده ؟

هذا يعتمد على كتله جسمج

 

[اميره بكلمتي]

جم وزنج شهوده ؟

هذا يعتمد على كتله جسمج

 

[sweetpink1990]

بالون والتحزيم ينزلون من١٦ لي٢٠ كيلو مواكثر

 

[شهووووودة]

بنات ...

كتلة جسمي 0.4 % يعني مرحلة السمنة ... بس مو الشديدة

رحت حق الدكتور و قالي البالون افضل لج بالنسبة حق طولج و وزنج

يعني المفرض انزل حوالي ال 30 كيلو

و البالون ينزل من 20 لي 35 كيلو

و كله يعتمد علي و على اكلي .... و قالي اكو وحده مسوية تكميم سنة و نص ما نزلت الا 5 ..ليش ؟ من اكلها


و ان شاء الله خير ...

مشكورييييييييييييييييييييييييييييين

 

[اميره بكلمتي]

بنات ...

كتلة جسمي 0.4 % يعني مرحلة السمنة ... بس مو الشديدة

رحت حق الدكتور و قالي البالون افضل لج بالنسبة حق طولج و وزنج

يعني المفرض انزل حوالي ال 30 كيلو

و البالون ينزل من 20 لي 35 كيلو

و كله يعتمد علي و على اكلي .... و قالي اكو وحده مسوية تكميم سنة و نص ما نزلت الا 5 ..ليش ؟ من اكلها


و ان شاء الله خير ...

مشكورييييييييييييييييييييييييييييين

يمكن صج من أكلها
انتي سوي تحزيم وتوكلي على الله والتزمي بنظام أكل صحي وبضعفين

 

[أمي قرة عيني]

البالون مؤقت انا مسويته يعني يعتمد عليج وعلى اكلج بعد ما تشيلينه
انا للحين محافظه ولو اخربط بالاكل جم يوم ارد امتن يعني حالة حال الرجيم ..
والتكلفة 15000 ريال مدري جم عندكم عاد حطيته لمدة سنةةةة


الله يوفقج وينحفج من غير شر يارررررب