تحذيـــــــــر اللي تشتري سي دي حق اعيالها تدخل

[اميرة اللافندر]

بسم الله الرحمن الرحيم

بنات اللي تشتري سي دي من الباعه المتجولين
(البسطات) انتبهوا جيدا لان بعضهم وخطين تحت بعضهم لاني مابي اقطع عيش احد بس اللي قاعد ينسخ سيديات مادري من وين جايبها
وتحتوي على مشاهد خلاعيه المفروض الرقابه لوشايفتها جان انقطعت بس الظاهر ان مو كل شي يمر عليها وبعض البسطات بل حتى بعض المحلات ماتدرين اهي سيدياتهم امرخصه والا لأ
المهم بدش في صلب الموضوع واهو انه خواتي من جم يوم جتني صديقتي ومعاها عدد 2 سي دي
واحد منهم فلم هذي صورته


والبطل بهالفلم ايتفصخ عااادي على حسب كلام رفيجتي طبعا غير ان المنظر يكون مقزز وغير لائق في عندج اطفال ومراهقين ماتبين ايشوفون

والمصيبه صج الفلم الثاني واهو المفروض كارتوني للاطفال




طبعا هم هذا قالتلي اشوه اني شفتهم قبل لااعطيهم اعيالي لان فيهم مشاهد جدا مخله بالادب فياريت يابنات قبل لايدش بيتج شي عالاقل افحصيه عالسريع جيكي عالسيديات والقنوات اللي يشوفونها اليهال ترا حرام هذيل ابذمتنا باجر رب العالمين بيسالنا عنهم
وياليت ايصير في رقابه على السيديات لانها قاعده اتورد مناظر واخلاقيات تلفانه احنا ناقصين ابروحنا انرقع بشبابنا
لاتحرموني من تعليقاتكم
ودمتم بخيــــــــــر:eh_s(17):

 

[مسك اسود]

جزاج الله كل خير على هالتنبيه عزيزتي,الله يحفظ ذرياتنا وجميع المسلمين من كل مكروه....ااااااااااااامين

 

[زبدة ككاو]

يعطيــج العــآفية مــآقصــرتي
بــسس الفلم الأول مو مــآل يهــآل ، بــسس الثــآني والله صــآجه حــرآم يشـوفونه وخوفج الشي يعلــق بمخهم
وفي أفــلآم وآيــد جــذي ســوآء من محــلآت أو بسطــآت مــآكـو شي مقطع إلحيــن يسحبـون من النت وينسخــوون
بــسس صح الوحدهـ المفروض قبل مــآتعطي عيــآلهـآ السيــدي إطـآلعه أو إطـآلعه معــآهم
هــذيلة يهــونون ، على فكــرهـ مرهـ بنت خــآلتي شرت سيدي كرتوون عــآدي لليهـآل ، وإهيــآ إطـآلع معــآهم بنصص الفلم طلـع فلم سكـ.. ولآ يــآريت فلم عــآدي فلم حق ريــآل كبير مع عيــآل صغــآر ، تخيلي الموقف شنو خــآيــسسس !!!!
وهــآلشي شنو ممكن يسوي بعقليتهم !!!!!!!!!
ديـروآ بــآلكم بنــآت

 

[أم نواف غير]

تسلمين حبيبتي صاجه والله لازم الانتباه

 

[MN.collection]

معكـ حق ويعطيكـ العافيه

 

[LuLiTa]

حبوبة الفيلم الاول مال كبار مو حق يهال ,,, و اذا تبين افلام اطفال و كرتون مقطعه اخذي من محلات فيديو موثوقة مو بسطات و لا مواقع نت ,,, محلات الفحيحيل ينظفون الفيلم من المشاهد الخايسة عددددل حتى الحجي الوسخ يشيلونه ,,,

 

[شهوده أحلاهم]

حسبي الله ونعم الوكيــــــل يعطيج العافيه ع التنبيه

 

[tassnime]

مشكورة على التنبيه

 

[♥MaSteRiyA♥]

هههههههه ذكرتيني ببنت خالتي
كانت قبل فترة قعا تقولنا هم نفس الشي
انها شرت سيدي حق بنتها.. باباي مو فلم
وتقول وانا قعا أنظف ومريت الصالة
ولا أسمع كلمات مو مشفرة و حركات غير لائقة
وبنتي سلامااااات قعا تطالع مندمجة..​

فصح كلامج حبوبة لازم الأمهات يجيكون شنو
في بهالسيديات​

الله يستر علينا و على عيالنا يا رب​

 

[*ماي الورد*]

صارت فيني ا ول شي طلع فلم حق عادل امام بعدين فلم الكرتون يعني مسجلين عليه

 

[اميرة اللافندر]

حياكم الله بنات واللي ايقولون الفلم الاول موللصغار انا اقولهم ان بعض اعيالنا ايطالعون افلام فهم لازم ننتبه حق هالافلام

يعني اشتغلي انتي رقابه بالبيت على السيديات والتلفزيون ترا حتى بعض القنوات ماتنطالع الله يكفينا شرهم يبون ايدمرون قيمنا ومجتمعنا الله يحفظنا والمسلمين يارب

 

[آوص ياجرحي سكوت]

جزااااااااااااااااااك الله خير

 

[um_yoyo]

مشكوره على التنبيه

 

[nazek_q8]

الله يستر ويحفظ عيالنا

مشكوره عالتنبيه

 

[شيماء المطيري]

أنا ما أشتري الا السيديات الاصلية عشان الصورة والصوت واضحين

 

[غنوة ستايل]

اي والله صاجه
انا هذيج المره جايبه سي دي ميكي ماوس
والله بنات اشتغل الميكي ماوس عادي . و اسمع بعدين اصوات اهوا فيلم كارتون بس الكلام اغراء ووحده لابسه ما ادري شنو
بسرعه طلعت السي دي وقطيته . الظاهر في فيلمين على السيدي . بس الفيلم الثاني يبي له كبار مو جهال .

 

[Nokia N95]

معاج حق ....
الحمدلله ما واجهتني هالمشكلة ....
بس زين نبهتيني

الله يعطيج العافية

 

[HmS al JaLiD]

حسبي الله ونعم الوكييل
الله يحفظ اعيالنا
مشكوره على التبيه

 

[سلاسل ذهبيه]

حزاك الله خير وحتى القنوات لازم رقابه من الام مره تقولي رفيجتي ان قاعده طالع فلم اطفال على نكلوديان قناة الاطفال وطلع مشهد لاطفال بعمر 13 او 14 غير لايق
وحت توم وجيري على ام بي سي 3 فيه لقطات ماتصلح لالطفال
انظف قناة اطفال براعم ومواهب وافكار والجزيره للاطفال