تحذير من مستشقى رويال - سوق الجمعه

[أم حمـد]

السلام عليكم

اخواتي عندي قطط لعيالي وايحد متعلقين فيهم ومربينهم من فوق السنه وقامو يرجعون وديتهم المستشفى وخذو مني تقريبا 400 دينار بين تحاليل ودخلوهم عندهم وسوولي سالفه وقالولي فيهم "ايدز"
متخيلين ايدز ؟ ورحت فحصتو حللت لي ولعيالي وبيتنا انعفس وتنظيف وشلت السجاد وله معقمات وغير المصاريف وبجي بناتي :rgewrg:
وقالولي لازم اييبهم بشكل دوري لان ماعندهم مناعه وبصراحه فلم هندي وانا وبناتي نصيح
بناتي يصيحون عليهم وانا اصيح على بناتي
اخرشي نصحتني اخت كريمه اوديهم مستشفى ثاني ماني قايله اسمه عشان مايقال انه دعايه
وفعلا قلت الفرصه الاخيره
:eh_s(10):


والقهر
بس الوحده تقول الحمدلله الف الحمدلله
انه طلع فايرس عادي من الجو ولا في اي اثر للايدز ولا صوبه
ياجماعه اقسم بالله العلي العظيم اللي قلته صج
هذا المستشفى تجاري وغالي ونصابين
وانا اتفقت مع زوجي برفع دعوه قضائيه عليهم حتى مايستغلون الناس والحيوان كافي الابر اللي زرعوها فيهم اسبوعين ومنعونا نشوفهم وحلقونص شعرهم

اللهم اني بلغت اللهم فاشهد

 

[kuwait_queen82]

مشكوره و زين اتسون فيهم

 

[أم حمـد]

الحق حق اذا كل انسان يتغاضى عن حقه بتضيع حقوق
وحرام ناس غيرنا يعانون ماعانيناه وغير ان بناتي عطلتهم كلها نكد ودموع

 

[Q8stylle]

يسلمو علي التنبيه

 

[أم حمـد]

االعفو

 

[سمراء اليل]

يماااااااااااااااي ايدز ويجي حق القطاوه بعد

 

[haya20]

ماادري هالمستشفى من 2009 اتعامل معاهم ماشفت منهم شي بالعكس عنايه وقطاوتي الل24 يمرضون عرفتلهم والحمدلله وين ان مرضو لان يعلمونج شغلات وايد ماتعرفينها غريييبه
مشكوره

 

[ranh]

مشكوره حبيبتي

 

[فلنتينو]

اكبر مستشفى نصاب رويال

 

[tnkora]

وي وي. انا حاسه من قبل انهم. مبالغين. بالسعار

ويسوون اي شي علشان. تعلى صورتهم



حسبي الله ونعم والوكيل

 

[a7la-86wa]

اختي لا تستهينين بالمرض

رويال شاف بالدم ايدز قبل لا يعالج لج المرض (الترجيع فايروس)

والبيطري الثاني عالج لج المرض بس <<<شاف وطق ابره فحص سطحي

بس القطاوه بيردون يمرضون لان فيهم ايدز ومناعتهم ضعيفه

والايدز ماله شغل بالفحص واهو بس وضح لج شلون اخذوا مرض (لان مناعتهم ضعيفه)



انا اقول خليج علىرويال على الاقل يعززون المناعه شوي ويقللون اصابتهم بالمراض

احسن من انج كل يوم طاقتهم ابر من الامراض اللي بيلقطونها

 

[a7la-86wa]

وايدز القطط خاص فيهم ما ينتقل للانسان

 

[ورده حمره]

لا مو معقوله ايدز ! الترجيع له اسباب وايد

انا قطاوتي يرجعون و وديتهم الري قال لي بكتيريا وعطاهم ابر لمده 3 ايام ورا بعض

ولو رجعو مره ثانيه عادي هذا شعر في بطنهم وطبيعي يرجعونه

حسبي الله عليهم رويال استغلاليين وزين تسوون فيهم

 

[ற!ŚŚ 7ŎǾř]

يسلمو ع التنبيه​

 

[شهوده 2008]

مشكوووورة ما قصرتي حبيبتي ^_^

 

[nawal 2011]

ههههههههههههههههههههههههههههههههه ايدز اللهم ياكافينى الشر مرة وحدة هذى بروحهااااااااااا فيهاا قضيه والله العظيم
النفسيه والتفكير يكفى نظرة الاهل لكم والسبب الفحص الغلط حسبي الله عليهم بس صج هم يبكى وهم يضحك خخخخخخخخخخخخخخخخخخخخخخخ الحمدالله عدت وطلع فايروس بسيطه بس هالدكتور مال زنط اللى فحص

 

[الدكتوره كيكه]

يسلموووو عالتحذير

 

[Vous jamais]

مشكوورة على التنبيه

الله يحفظكم من كل شر

 

[lonely moon]

مشكوره على التحذير

 

[رتبه دبلوماسيه]

مشكوورة حبيبتي وماقصرتي