تحذير من خلطة الريتن اي للويه ..

[shmooo5]

.
.

السلام عليكم


شلونكم بنات ،

انا صج نادر ما اشارك بس ترا ٢٤ ساعه بالمنتدى لوول
واقرا من مواضيعكم واطبق
واليوم قلت بحذركم من شغله ..

خلطة الريتن اي + الدروكين + الكوم
هذا الخلطة للجسم اوكي ..


بس للويه ديروووا بالكم
والحين بقولكم شصار فيني ..


انا حمدلله والف الحمدلله ما حطيتها ع ويهي كله .. لأني اخاف ع ويهي فـ حدي الآثار او الأماكن المتضررة اما الويه كامل نووووويي ..

جربت خلطة الرتن اي ع خشمي لأنه كان تطلع فيني حبوب وقلت استخدم هالخلطة عليه عشان تخفف الآثار ..

وكنت احط بعد ع حنجي شوي فيه حبوب ..


بعد فترة من الإستخدام ..
مسامات خشمي تبطلت ، واشتغلت عندي مشكلة الرؤوس السودا مع انه اول والله ما فيني هالمشكلتين كان خشمي فديته صافي بس اللهم حبوب تروح وترد ..

ونفس الشي حنجي مسامات خفيفة ..
فقلت اقولكم ، وديروا بالكم مو كل شي تجربونه
الجسم اي بس الويه ديرو بالكم ..



وياريت اللي عندها علاج للمسامات والرؤوس السودا ومجربته ومضمون تقولي عليه ..


وهم عندي مشكلة ثانية دام كتبت هالموضوع خل اقولها ..


مشلكة الكرش ، للأسف ما كانت فيني ، بس والله عيون الناس ما ترحم ...
وطلعت لي كرشه وابي حل ، اللي نفع معاها تساعدني

.
.


يسلمو فديتكم لكل اللي راح يمرون :eh_s(7):

 

[بنت السلطآإآن]

غرييييبه عاد هالخلطه رووووووعه شوي عليها صارلي شهر وبنزل تجربتي النهائيه بعد شهر عشان اضمن النتيجه النهائيه


بس يمكن من بشره لي بشره يفرق


وبخصوص الكرش شوفي موضوع زبدة كاكاو عن الشاي والقهوه للتنحيف



واب لعيونج

 

[shmooo5]

حبيبتي ديري بالج ترا انا نتايجها ما طلعت الا بعد فترة طويلة من الإستخدام ..
انا صارلي مستخدمتها من زمان وتوها نتايجها طلعت والله .. قولي اكثر من ٦ شهور وشوفي توها النتايج تطلع ..

 

[احاول]

تسلمين ياقلبي على التنبية ..
أنا شريته .. وبعدها عرضته على الدكتورة ..قالت مو زين ..يسبب التهاب وتحسس بالجلد
عاد خسارة جديد .. ما ادري وش اسوي فيه .. افكر استخدمه ليديني لكن خايفه هه

بالنسبة ياقلبي للرؤوس السوداء

فيه منظف مره حلو ومنعش .. كلين اند كلير
ومكتوب عليه : كريم منظف عميق المفعول /ينظف اعماق المسامات :eh_s(15):


بالنسبة للمسامات اللي في الخد نفع معي آلة الديرمارولر.. ما نفعت معي في شيء إلا انها خففت المسامات كثييير ,,


وبالنسبة للكرش .. خذي نفس عميق وشدي عضلات بطنك .. وظلي ماسكتها .. يعني شدي بطنك .. وعادي تنفسي طبيعي .. تعودي عليها في كل مكان حتى وانتي تشتغلي بالبيت ..في السيارة .. في المكتب .. صدقيني ..راح تكوني شاده بطنك بدون شعور لأنك بتعتادين عليه .. وبيكون دائما مشدود:rerrerek:


الله يوفقك ويسهل امورك كلها يارب

 

[shmooo5]

احاول

مشكورة يالغلا ع المرور
وعادي جربتها بالجسم للركب والكوع خففتهم ، بس ويهج ديري بالج
بجرب الطرق اللي قلتيهم ،
ماتقصرين حبيبتي ...

 

[غلاي عزوزي]

الغلط مو بالخلطه بضراحه فيج انتي تستخدمينها حق الرووس السوده شكووووووووووو سألتي دكتور عنها اهي للاماكن السوده والبقععععع وبس هذي انجح خلطه تأثر فيني لانه بشرتي صعبه ماتتقبل اي خلطه صارلي ١٥ سنه اعرفها ومافي دكتور ولاصيدلي مايمدحها ويوصفها للمرضي واصحاب البقع السوده فيج رووس سوده وتحطينها شكو اهي خلطه ناجحه بس يبيلها الي يعرفلها عدل عدل مو بس احط والسلام

 

[غلاي عزوزي]

ونسيت اهم حاطين تحذير بالنشره الي داخل علبة الريتن اي انه مايستخدم لمنطقه الانف وحوالين الفم تبين اكثر من جذي

 

[A.N.L]

امبيه من صجج 6 شهور حرام عليج @@

هالخلطه حدها شهرين وتقطعينها فيها هيدروكينون

خو مو خلطه طبيعيه طول العمر تستخدمينها

حتى للجسم ترا حدها بو شهرين

 

[همس الهموسات]

مشكووره خيتو ع التنبيييييه =)

 

[snow_queen]

اهليين
الخلطة مافيها شي!!!!!!!!!!
رووووووووووووووووووووووعة
انا استعملتها لوجهي شهر كامل وصارت بشرتي تجنن
هذا الكلام من سنتين
ومرة الثانية بعدها بسنة
وقبل رمضان استعملتها اسبوعين لان وجهي قب حبوب
وعلى فكرة المرة الاخيرة كانت وصفة من الدكتور استشاري سعودي >>>>>>>>>>يعني مو اي كلام
يمكن انتي ماناسبك
باااااااي

 

[مألوفة]

بنات شنو ها الخلطة خلطة كريمات من الصيدلة ولا من الحواج ولا شنو عفية قولو لنا خل نستفيد

لاني قاعده ادور خلطة حق ويهي عقب الولادة تكفون

 

[الاموره ديالا]

هالخلطة انا جربتها روووووووووووووووعه وصارلي حول التسع شهور موقفتها ولاتغير فيني شي..الحمدلله
بس بشره لبشره تختلف
راح ارجع لها بعد ولادتي واستخدمها لرقبتي لانها سمرت حيييييييييل مع الحمل والله يعييييييييييييين,,,

وبالنسبه للكرش اشربي كل يوم كوب مغلي من الزنجبيل المبشور مع كمون وشمر وشاي اخضر رووووووووعه بس لازم الاستمراااااااااااار اخذي من كل نوع ملعقه وحطي عليهم كاستين مويه وخليه يغلي لين مايصير مقدار كاس واشربيه,,,,,وبالتوفيق

 

[حبوبة الجميع]

مشكوووره حبيبتي .
هالخلطه مو كل البشرااات اتحملهااا

 

[HmS al JaLiD]

يسلمووو

 

[shmooo5]

ونسيت اهم حاطين تحذير بالنشره الي داخل علبة الريتن اي انه مايستخدم لمنطقه الانف وحوالين الفم تبين اكثر من جذي

حبيبتي انا ما قلت احطها للرؤوس السودا
قلت احطها لآثار حبوب بخشمي والخلطة سببت لي رؤوس سودا وفتحت المسامات ..

وبالنسبة للتنبيه والله ما دري عنه ..
بس ع فكرة ترا حتى المنطقة بين الخد والأنف المسامات شوي متوسعه ، والحنج بس ع خفييييف ..

ومشكورة حبيبتي وشوي شوي عليي ترا مو داخله هوشة

 

[shmooo5]

امبيه من صجج 6 شهور حرام عليج @@

هالخلطه حدها شهرين وتقطعينها فيها هيدروكينون

خو مو خلطه طبيعيه طول العمر تستخدمينها

حتى للجسم ترا حدها بو شهرين

لا حبيبتي ما استخدمتها ٦ اشهر
استخدمتها شهر ونص ..
بس اقول صارلي قاطعتها ٦ اشهر ، والنتايج تدريج طلعت ..

والحمدلله انا عارفة اني ما استخدمها اكثر من شهرين ..
وبعدين شوي شوي علينا

 

[ملوك الظفير]

يسلمووو

 

[shmooo5]

يسلمو لكل اللي مرو من هني ،