تحذير من حضانة بصباح الناصر

[غموض المطيرى]

وحده من صديقاتى حذرتنى من حضانة XXXX بصباح الناصر لان اسلوبهم غير تربوى مع الطفل بس لانى محتاجه حضانه قريبه على بيتى فقلت اروح اشوف المستوى بنفسى ولمامريتهم امس مارضت المسؤوله انها تدخلنى اشوفها ما ادرى ليش كانها خايفه من شى بس الحيت على الدخول وبالغصب دخلت وبصراحه تفاجات بالمستوى الحضانه مو نظيفه غير هذا لايمكن انسى الموقف اللى شفته طفل تقريبا عمره 6شهور يبجى بالسرير والعامله تصارخ عليه وتاشر بايدها تخرعه واى حسبى الله عليهم حدى تنضايقت وقلت للمسؤوله ليش جذيه ارتبكت وقالت لاهيدى بتلاعبه وطلعت وانا معصبه وحدى انغثيت ادرى قرقرت حيل عليكم بس والله لمصلحتكم حرام عيالنا ما يستاهلون هالقسوه والمعامله

___________________________
تم التعديل من قبل مشرفه القسم Dancing^Queen
السبب يمنع ذكر الاسم مباشره - التشهير ممنوع

 

[Athwaq]

رد: تحذير من حضانة انجال بصباح الناصر

جان اشتكيتي عليهم

ياهل عمره 6 شهور مايعرف يقول حق امه هاوشوني و الا طقوني

المفروض تشتكين اختي مادام شفتي هالشي بنفسج

 

[أم عبووووود]

رد: تحذير من حضانة انجال بصباح الناصر

المفروض ماتسكتين حراااام عليهم حسبي الله عليهم جان اشتكيتي ولا عالاقل زفيتيها وهددتيها والله خرام لا يسوون باليهال شي هذي حضانة رعب

 

[حصة اللولو]

رد: تحذير من حضانة انجال بصباح الناصر

والله لو انا منج مااسكت وبس اتلها من شعرها واسفرها
حسبي الله عليها ماادري اشلون الامهات يأمنون على عيالهم بالحضانات

 

[ريماا]

هالحظانة مكودة يهال بجميع الاعمار حق النهب جاهزين
حسبى الله عليهم بس تدرين ام عندها طفل عمرة 6شهور ليش تودية حظانة مهما كانت الظروف لازم تجابلة او تخلية عند امها اختها خالتها اى احد تثق فى

 

[أحلى عيون]

بالعكس والله انا حطيت بنتي فيها اهيا حيل قريبه يم بيتنا وتعاملهم روعه ويوم ابي اسجل بنتي راووني الحضانه والبنات الي فيها والله حتى شفت خدامه تنظف الياهل وتغير له حفاظه بالعكس والله اسلوب الاداره وايد حلوو

 

[* LOVE STORY *]

ليش ماخذيتي اسم البيبي واتصلتي على أهله وبلغتيهم باللي شفتيه
حرررام قلبي يعورني عليه

 

[بناتي كل حياتي]

السلام بنات غيت اسالكم حلوه الحضانه انا محتاره مدري وين احط بنتي فيدوني

 

[بناتي كل حياتي]

السلام بنتي بغيت اسالكم حلوه الحضانه انا محتاره مدري وين احط بنتي فيدوني

 

[بنت العرب]

والله الحضانه هذي أنا مدخله عيالي فيها كلمه روعه شوي عليها ويوم بغيت أسجل ولدي عمرة سنه ونص أول السنه قالوا ما نستقبل إحنا حدنا عمر سنتين شلون إنتي شفتي ولد عمرة ست شهور

 

[حبيبت مرزوق]

يا جماعه يمكن صج في حضانات تقبل من عمر 6 شهور أو أقل ... وانا بعد شفت مواقف مو حلوة بس الواحد شنو يقول....

 

[للحين ناطره]

اذا اهي الحضانه اللي فبالي
فمو بعيده عليهم
انا كنت بسجل ولد اخوي فيها
وما رضوا ادش الكلاسات ممنوع
ومارتحت لهم كلشششششششششششش

 

[CrystalQ8]

حسبي الله عليهم بس نهب يبون فلوس ......المفروض تشتكين عليهم

 

[حلاتي بدلالي]

وأنا بعد أقوول إذا هي اللي ببالي بصرااحه انا مارتحت لهم كللللش

 

[دمعة يراع]

يابنات الظلم حراااااااام ......... هالحضانه معروفه وزينه ......

وعيالنا عندهم ومتميزين ماشاءالله ....محد شكى منها فلا تعممين .. اذا انتي صايرلج موقف حليه معاهم ..

اما التشهير هذا مايجوز .. وبعدين اهما مايقبلون اقل من سنتين ... شلون شفتي طفل عمره 6 شهور ؟؟؟؟؟؟؟؟

اتقي الله يااختي ترى انتي محاسبه على كلامج ..!!

لاحول ولاقوة الا بالله ...

 

[دنيا عمر]

حضانة صباح الناصر ؟؟؟؟؟؟
انا و الله توني اشوف الموضوع مع ان مرت عليه فتره ... يا اخت غموض اتقي الله فيما تقولين و اعلمي انج مسائله علية يوم القيامة الحضانة ما تقبل الاطفال اقل من سنتين و نصف شلون شفتي ابو 6 شهور ؟؟؟؟ تكلمي كلام منطقي شوي و اللي يبي يكذب والا يتبلى على البشر يرقع اللي يقوله ( والا هي الغيرة و بس ) يا غموض المطييريييييييي ... الحضانة على مستوى راقي جدا و الاطفال فيها متميزين بشهادة اولياء الامور .. و انا صارلي 3 سنوات اتعامل معاهم .. و السبب لعدم دخول اولياء الامور خلال الدوام للحفاظ على الاطفال و عدم تعرض الاطفال خصوصا الجدد لرؤية اولياء الامور و البدء بالبكاء و بعد نهاية الدوام يرحبون باي احد يبي يشوف الحضانة.. انا حتى عيالي يوم عطلوا اصروا يروحون و ما صدقوا الا يوم وديتهم و لقوهم مصكرين.. استغفري ربج و اعلمي انج محاسبة على هالكلام

 

[+بسبوسة+]

روحي موضوع الحضانات..
في عضوة تقول انها مراقبة من الشؤون على حضانات الكويت
وتتعاون مع اي وحدة عندها ملاحظة او شكوى




وبالنسبة حق شوفتج للصفوف واليهال
اعتقد مافي ميزة اذا شفتي الصفوف فاضية
حضانه ولدي حاطين كاميرات
واذا ابي اشوفهاقول للناظرة شغلي الكاميرا بس لاتقولين للأبله ابي اشوفه!
لاني بشوفه على الطبيعة مابي تجتهد على ابو امه قاعده تطالعه!

 

[hnooy]

لا واللة صح كلام الاخت انا ولد اخوي فيها ولا مالهم خلق حق اليهال ولا يعلمونهم شي مفيد وكلة يطاققون اليهال ويقولون كلام وصخ
وكل مايودونة الحضانة يبجي يقول الابلة تعاقبني تقول اوقف على الحيطة هذا ياهل ولا طالب في مدرسة شرايكم

 

[أحلى ريماس]

والله يابنات انا بنتي كانت فيها واعيال اختي ... بس للعلم الحضانه ماتقبل اقل من 2 بس اللي شافتهم الاخت العضوة اهو ولد المدرسه اللي تشتغل بالحضانه... تخيلو يبنات كنت مرة داشه بودي بنتي للصف والا الاقي المدرسه ماسكه بنتها اللي عمرها بالاشهر وترضعها من صدرها وبنتي لازقه فيني وتبجي والله ماتحركت المدرسه .... والمسؤوله اللي بالحضانه بعد عندها بنتها ماسكتها الخدامه اللي بالحضانه ,وكل مرة اخذ بنتي الظهر تقولي ماما انا جوعانه والله حتى الماي ملهوفه عليه ...وبعدين طلعتها لان الادارة موهتمه بالاطفال ...
بس للامانه تدريسهم فلته وفي مدرسه كويتيه رووووووووووووووووعه بس والله شالفايده اذا معاملتهم للاطفال موشي... بس مااااايطقون الجهال بس اهمال

 

[زهريه بيضاء]

السلام عليكم
انا مدخله ولدي فيها حلوه والاداره بعد حلوه
صحيح هم مايدخلون اقل من سنتين انا سألت الاداره وقالت اقل من السنه لازم تكون خدامته معاها
لان مو كل وحده امها او اختها قريبه منها فمضظره توديه عندهم مع خدامتها بس يكونون تحت اشرافهم
صعبه الام تترك اليهال مع الخدامه بشقة بروحها فطريقتهم عجبتني
حتى وانا اكلمها فيه وحده كانت تدخل ولدها بالاشهر مع خدامتها