تحذير من العضوة (شخصيتي فولاذية )اللهم اني بلغت

[أحلى غمازة]

السلام عليكم

اخواتي في عضوة اسمها شخصيتي فولاذية

لها مواضيع مرة كثيرة كلها منقولة من من منتديات كويتيه ومصرية

حاطة في توقيعها ان شعرها تحول من خشن الى حرير ناعم ومن سمراء الى بيضاء فاتحه بفضل الدعاء

راسلتها وسالتها دلتني انها تستخدم ماسك الحرير وهو من صنع صيدلانية وعطتني ايميلها

راسلتها طلبت 300 قيمة علبة الماسك مع الشحن لانها من اليمن صنعاء

او 1000 ريال قيمة الوصفة

حلفت مالها اضرار وتقوي الشعر وتشيل الشعر التالف


وحلفتني ما اخبر احد عن الوصفه الا امي واخواتي

والناس الثانية الا راح تتفاجأ بشعري المسترسل والناعم ادلهم عليها


راسلت شخصيتي فولاذية وانا متأكدة انها نفس الشخص

نصحتني بقوة اخذها وانها تستخدمها هيه واخواتها

توكلت على الحي القيوم وارسلت الالف عن طريق الويسترن يونيون

اليوم الثاني رسلت لي الخلطة الصاروخية

وهي عبارة عن


اربع حمامات زيت وماسكات




و بس



اخلطها واحطها على شوشتي وانعم بشعر حرير

وارسلت خلطة زيوت كهديه مجانية يمكن فيها 15 قارورة زيت



انا قعدت يومين متنحه جاتني صدمة

استفسرت منها بدون ما اغلط عليها وردت انها خلطة كانو يستخدمونها الاميرات السعوديات

انا من الصدمه ضحكت

ايش دراها عن الاميرات السعودية وهية في اقصى صنعاء


المهم انا ابلغكم

عشان ما حد يوقع زيي



احس اني كنت بطلة فيلم هندي


والله زوجي لو يدري بالسالفه ما اسلم .... بس ما كان يدري.....

الله يعوضني خير في مالي

الي مهون الامر شوية اني استخرت بالدعاء لاني ما كنت على صلاة وربي ما يجي منه الا الخير



ابغى من المشرفات ينتبهو لتوقيعها ويحذفوة عشان ما احد ينغر زيي


وراح انشر الموضوع في كل الاقسام



وانا سميت الماسك حقها ماسك الغباء لاني فعلا كنت غبيه




واضافة اخيرة قالت اذا تبغي كريم التبييض حقها موني ادفع 1000 ثانية يعني الفين بس ربنا سلم


منقول والله اعلم

انا شفتها هنا بالمنتدى ومنتديات نسائيه اخرى ونقل لكم هالتحذير من حبي لكم :eh_s(2):

 

[برنسيسه ورده]

ياحبيتي ما يصلح تنقلين الموضوع كذا لان لا يمكن تضمني انه الكلام صحيح وان بينهم عداوه او شي
والله يعطيك ع قد نيتك يالغلا

 

[sverige]

الله اعلم بس اني منتبه على شغله كثير من البنات يسووها وهما للاسف الاغلبيه وهي
يشترون من تاجرات واحط خطين تحت اسم تاجرات مواد ويستعملوها وهما ميعرفون مكوناتها !!؟؟ شلون يصير هالشي
وقسم كبير من الي يبيعون اساسا يسوون الخلطات مو عن علم او دراسه مجرد تجاوب وقسم خلطات بيها صابون يعني هيدروكسيد الصوديوم ويكتبون خليه عليج ساعتين وهالشي ميجوز عالبشره ودليل كلامي الخلطات الي تحتوي صابون سواء الي العضوه تسويهم بالبيت او تشتريهم وتتركهم طول الليل عالجسم اة كم ساعه تاثيرها واضح عالبشره بس مومعناه ان. هالشي صحي !!

اني اكتب من حرصي عليكم ولانو الله موصينا بانو ننشر النصيحه
اتمنى ميصير سوء فهم ولا من تاجرات ولا من عضوات
بصراحه هوايه منهم يستحقون الاحترام والتقدير انو يعلمون بالي يعرفوه ويكولون ( اسرارهم ) ماثره بيا هالكلمه لانو هوايه تنذكر بالمنتدى

 

[مدّهره !]

الله يستر علينا ...’

 

[نانا و توتو]

الله كرييييييم

يا بنات انتبهوا لإن أجسادنا أمانه والي تبي تشتري من أي تاجرة تستخير الله عز وجل قبل لا تتوهق وتضيع صحتها وفلوسها مع العلم إن أغلب الخلطات غالية أو ممكن ما تكون بمتناول الجميع.

 

[جوجو الحربيه]

سبحان الله , والحمدلله , لا اله الا الله , استغفر الله , والله اكبر

 

[Tom ♥ Jerry]

,




راسلي بنت الكويت حبيبتي !
خل تتصرف وياها بآسرع وقت

 

[الرومـانسي]

ههههههههههههههههههههههههههههههههههههههههههههههههههه


الله يعوض عليك

 

[هناء - Hana]

ههههههههههه والله ضحكت هههههههههههههه ههههه الله يوعوضج حبيبتي..
وخله يوقفون عضويتها؛*

 

[شقآوه أنثى]

اللله يسسستر

تسلمين خيتي

 

[اللّہ معي ، ♡]

صحيح انها فولاذيه ههههههه

 

[فـراوله]

أنا أحس إنه للحين مو فاهمه وين المشكله

دام إنج دفعتي وأرسلت الاغراض لج ؟؟

قصدج الخلطه طلعت جذب بجذب ؟؟


​

 

[وحيدة السعوديه]

لاحول ولاقووة الابالله
اولا اللي نااقله الموضووع تراك مشتركه بالاثم والظلم باي حق تنقلينها وانتي ماتدرين السالفه صدق ولاكذب ولا انتقام منها الله يهديك ماتدرين عنها خير شر وتجين تنقلين الموضوع وانتي ماجربتي شي
_______________________________________________________--
بالنسبه لصااحبة الموضووع الاساسيه هذا ثالث مره اشوف موضوعها وقلن لها لاتظلمين الحرمه اللي يناسبك مايناسب غيرك
انا مره اخذت من عند تاجره كريم تفتيح والله سمرني والماسك حق الوجه اللي معه لعب بوجهي ورقبتي حبوب وحكه وحمرار مع هذا ماظلمتها ولاسبيتها ولاحذرت منها بس لاحد سال عن المنتج نفسه اقول تجربتي بامانه من دون تحذير وقطع ارزاق
اتقي الله اتقي الله ياصااحبة الموضوع قطع الاعناق ولاقطع الارزاق الله يهديك
هي من البدايه كانت معك صادقه وعطتك المنتجات وانتي قبلتي فيها وبسعرها ودفعتي برضاك وووين المشكله طيب؟؟؟!
اذا كنتي مظلومه دعواتك بتصيبها وان كانت هي مظلومه وانتي ظالمتها دعواتك بترجع عليك
ووالله يعوض عليك وويهدينا ويهديك يااارب
ووسامحيني ع ردي بس هذا الحق

 

[أحلى غمازة]

انا نقلت الموضوع يهمني البنات اللي هنا لاني شفتها بكذا منتدى
شفيكم هجمتوا علي
شفت تقريبا خلطتها كذب بكذب يعني مافيه اي تجانس
بعدين الف ترى كثيرررررررررررره عشان خلطات او كريم
بالكثير يوصل سعر الكريم ميتين بس

 

[وحيدة السعوديه]

حبيبتي انتي ماتدرين عن الحرمه ولاجربتي شي من منتجاتها كيف حكمتي ع الموضوع ؟؟!
انا ووربي وربي لو وحده تجي وتقول العضوة الفلانيه تحط اسيد بخلطاتها مانقلت الموضوع لان ماجربتها ومستحيل اظلم احد ع حساب نفسي لو دعت عليك الحرمه وصابتك دعوتها محد نافعك
وانتي ايش يدريك اد العضوه صادقه او كاذبه
بغض النظر عنها مااقصدها بس اي وحده بتنتقم من وحده بتقول كذا
عموما هذا الحق وقلته منكر غبرته بلساني وانكرته بقلبي والراي اولا واخيرا راجع لك
نصيحه احذفي موضوعك طالما انتي ناقلته وماتدرين هو صح ولاكذب
واذ ع سعر الكريم كثييير هي اخذت برضاها كانت صريحه معها من البدايه انا كنت بشتري كريم وسعره800وبطلت لانه غالي هي عارفه انه بالف وكيفها اخذته محد جبرها واللله يعوض عليها
واتمنى ماتزعلين من ردي انا بينت لك كل شي وانتي حره لان حاطه نفسي بمكانك لو بسوي كذا ايش راح اجني من ذا كله
سبحانك اللهم وبحمدك اشهد ان لاااله الا انت استغفرك واتووب اليك

 

[أحلى غمازة]

نقلت الموضوع ابي الخير للبنات وكفى

 

[ألماس من داماس]

الله يستر علينا ...’

 

[simsi]

استغفر الله لي ولكم ...
ويجب ان لا يشهر المسلم باخيه المسلم حتى وان علم عنه ما يسؤ ولكنك اردت التحذير وهذا جايز ويحسب لك في حسناتك ولكن للأسف الكلام منقول من مصدر آخر وقد لا يكون صحيحا او يكون حقد او تشهير لسبب في النفوس والله اعلم لذا يجب الا نكتب الا ما يرضي الله وما يحسب لنا وليست علينا
ونحن نعلم حسن نيتك ولكن وجب التنبيه لمثل هذا الأمر الذي يتكرر كثيرا ويؤدي الى ضرر بشخص ربما ظلمناه من حيث لا ندري بنقل حديث عنه دون التأكد والتحقق منه وفقك الله وغفر لنا جميعا وشكرا
​

 

[تبيني آرضى عليك]

استغفر الله لي ولكم ...

ويجب ان لا يشهر المسلم باخيه المسلم حتى وان علم عنه ما يسؤ ولكنك اردت التحذير وهذا جايز ويحسب لك في حسناتك ولكن للأسف الكلام منقول من مصدر آخر وقد لا يكون صحيحا او يكون حقد او تشهير لسبب في النفوس والله اعلم لذا يجب الا نكتب الا ما يرضي الله وما يحسب لنا وليست علينا
ونحن نعلم حسن نيتك ولكن وجب التنبيه لمثل هذا الأمر الذي يتكرر كثيرا ويؤدي الى ضرر بشخص ربما ظلمناه من حيث لا ندري بنقل حديث عنه دون التأكد والتحقق منه وفقك الله وغفر لنا جميعا وشكرا​

:rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek:

 

[Mjnont '3lay]

استهدو بالله بنات شفيكم طبيتو ببعض عيب والله خلاص طالما صاحبة الموضوع نقلت الموضوع وهي مو متاكده مو من صحته ذنبها على جنبها هي تتحمل ذنب التاجره بعد ماله داعي تطبون ببعض