تحذير من البقلات والمطاعم العربيه بلندن -انصبوا علي

[!amorra!]

السلام عليكم ورحمة الله وبركاته

لاني تعرضت للنصب مرات ومرات ومبالغ مو طبيعيه من البقالات العربيه والمطاعم قلت انبهكم منهم

اول شي اييونج باسلوب ولا اروع يرحبون فيج ويكرمووونج عدل <<عشان يبوقونج عدل

البقالات

تخيلوا كنت اشتري شوية كاكاو وبيبيسي وشبس يطلع علي بـ 20 باوند

البيبسي بروحه 4 باوند!

كنت اقول لندن حرااااق

لين مره طحت على بقاله هندي مسلم وانصدمت وهالني مارأيت o_o

تخيلوا جم طلع البيبسي عنده!

600 بنس!!!!

متخيلين!!

والله خذيت اكثر من اغراض البقاله العربيه طلع علي 8 باوند!!!!!!!!!!!!!!!

متخيلين !!
حسبي الله عليهم صجّّ!!

البقاله اللي انقرصت منها اكثر شي اهي والمطعم مالهم الحراميه

اهيا بقالة مطعم نوره اللي مقابله فندق شيراتون بارك تاور!!

طبعا هالحجي ينطبق على كل البقالات العربيه بلندن!!

مطعم اشبيليا اللي يم مطعم نوره

التعيسيين شيسوون فوق انه اسعارهم حرااق!!

يحسبونلج قيمة اغلى طبق طلبتيه مرتيين!!

طبعا اقل فاتوره تدفعينها 20 دينار وانتي تضحكييين

نرد لمطعم نوره النصابين

تخيلوا الجاي عندهم بـ 5 باوند

والكابنشينو بلادوريه بـ2 باوند متخيليين @@!!

انحاشوا عن شي اسمه مطاعم عربيه وبقالات عربيه

والله فوق انهم دابلين الاسعار عشر مرات هم يبوقونكم مره ثانيه ويحسبون اشياء زايده بالفاتوره!!:bbbiu:

في فيديو لابن عثيمين محلل اكل اللحم هناك اذا هم مستشكين طلبوا سندويشات جبن او خضار او تونا

او من المطاعم الايطاليه لازانيا وباستا وبيتزا خضار او سي فوود:eh_s(15):

 

[باوند]

مشكورة حبيبتي انج فدتينا

 

[لندنية]

حبيبتي هالشي معروف اكثر المحلات العربية ياخذون دبل السعر ورغم نفسها تشترينها مثلا من الاسواق الثانية بنص القيمة

بامكانكم يوم توصلون لندن تنزلون ازدا او تيسكو او سينسبري وتشترون ماجلة كاملة من عندهم حلويات شيبس درنكات
والاشياء الضرورية من المحلات العربية .

بصراحة بنات الاسواق الانكليزية اكثر امانة من العرب في لندن تخيلوا مرة كنت اشتري اغراض من هاالاسواق الي بلندن
ونسيت يمكن علج او شي جذية قيمته كان 40 بنس مااشوف الا بنت تلحقني و تناديني عند الباب ولا اشوفها ام الكاشير تقولي هذا انتي دافعة حقه ...

 

[باوند]

اي والله صاجه حبيبتي لندنية كلامج صحيح أوفر اب وايد

 

[الكادي 1981]

جزاااج الله خير عيل بنشتري من هالسوبر ماركت العادي وطاااف هالعرب النصابين

 

[mafio98]

معرووووف وخصوصا بلندن اصلا حتى الصيدليات العربية دبلات السعر سعر البندول بباوند اهو يبيعونه ب٤ ونص

 

[!amorra!]

اي والله انا رفعوا ضغطي من كثر ما نصبوا علي فضيعييييين لاذمة ولاضمير مع انهم مسلمين بس ماكو امانه :\

ومشكوره لندنيه حبيبتي عالاضافه

 

[Ka8Ko8a]

حبيبتي هالشي معروف اكثر المحلات العربية ياخذون دبل السعر ورغم نفسها تشترينها مثلا من الاسواق الثانية بنص القيمة

بامكانكم يوم توصلون لندن تنزلون ازدا او تيسكو او سينسبري وتشترون ماجلة كاملة من عندهم حلويات شيبس درنكات
والاشياء الضرورية من المحلات العربية .

بصراحة بنات الاسواق الانكليزية اكثر امانة من العرب في لندن تخيلوا مرة كنت اشتري اغراض من هاالاسواق الي بلندن
ونسيت يمكن علج او شي جذية قيمته كان 40 بنس مااشوف الا بنت تلحقني و تناديني عند الباب ولا اشوفها ام الكاشير تقولي هذا انتي دافعة حقه ...

وين القى السبرماركت بأي شارع وشنو اسمائهم

 

[تمرة]

حسبي الله ونعم الوكيل فيهم

 

[محبه الهآشمي]

صح اخذو من الاجانب احسن ^^

 

[blue ocean]

فشلونا العرب بأوربا عمومآ الله يهديهم​

مادري ليش جذي انشهروا بالنصب .. للأسف ​

استغفرالله​

 

[fnoora]

شسم بقاله الهندي

وزين مكانها

 

[fnoora]

ووين *

 

[!amorra!]

بالكنغستون

في بقالات وايد بالاكسفورد يديرونها اجانب

اهم شي اكس على العرب

 

[فواصل]

كلامج صحيح وصار لنا سنين مقاطعين البقالات العربية كله عند سانزبيري اللي بداية شارع اكسفورد

لا يدبلون ولا شيء واامن

وهاي غير اكلهم نظيف و كل شيء جديد عكس البقالات العربية مع الاسف كل شيء قديم

 

[الشامريه]

أنا احب اشتري من التيسكو نظيف وسعر موحد وبالغالب يسوون عروض

 

[!amorra!]

الله يعطيكم العافيه على ذكر اسماء البقالات )