تحذير تحذير من مستشفى هادي وإبرة الظهر

[ابـــ بنت ـــوهاا]

مرحبا كويتيات


قبل فتره ولدت في مستشفى هادي وطلبت إبرة الظهر لأني أوال مره أولد عنهم ف ما اعرف الدكاترة هناك توكلت علي الله وطلبت الدكتوره اللي موجوده والسستر مدحتها لي حييييل

طبعا دكتوره التخدير مسويه لها برستيج خاص اول شي دخل ممرض رجال في غرفة الوضع يجهز لها أغراضها (عايشه الدور)
وعقب نص ساعه شرفت طبعا قعدة ربع ساعه تتهاوش مع الممرضات بالهندي مافهمت شي عقب بدت تجهز ابه الظهر وهي معصبه والله قزتني الأبهر وانا منسدحه
وبنص ظهري قلت لها غلط أنا قبل خذيت الابره وانا قاعده ومكانها اخر الظهر قالت أنا دكتوره اعرف شغلي
ولما دخلت الدوا مايمشي واحس جسمي كله ينفض وعوار قوي طلعتها وردت قزتني مكان ثاني ونفس الشي والله 5 مرات تقني ويطلع غلط ظهري كله يعورني وهي متنرفزه وتتحلطم بالهندي اخر مره دخلت 2 ممرضين هنود واحد يساعدها والثاني ماسكني ودخلت الدوا رجلي اليسار كلها قامت تنفض حتي أصابع رجلي وعوار قوي والله ما تحمله مانطرت علي قالت أنا اسفه وطلعت ماشطتها بالمره طول الوقت اناديلها يقولون مشغوله
الحين احس رجلي اليسار شوي خدرانه مع عوار خفيف واليمين ما خدرت واحس بالطلق والتعب وكل شي وعقب الولاده ماكنت اقدر أنام علي ظهري من الإبر جايه تتعلم علي
والحين بنتي عمرها 7 شهور ماقدر امشي واجد وأتعب من اقل مجهود وأول اقعد من النوم ماقدر أوقف وعوار بظهير

واحس في قلبي وجتفي اليسار حتي قلاص الماي اتعب لما اشيله
سويت فحوصات وموعارفين شنو فيني للاسف حتي ماعرف اسم الدكتوره حسبي الله عليها​

 

[فرزاشيهـ]

حسبي الله عليهم لله لا يوفقها

اي مستشفى هادي خوااره كلش ماحبيته !

 

[جـــواهر]

ماحب ابرة الظهر لووو يطقني فيها اللي اكتشفها مستحيل ارضي اخذها
مكان حساس مستحيل اخاطر فيها

ةالله يعينج

 

[ديانا سبنسر]

حسبي الله عليهم

 

[سارة ة]

لا حول ولا قوة الا بالله
ناس ماتخاف الله يسون تجارب بالناس

 

[حرم حبيبي]

الله يعينج يارب ويآجرج عالالم

 

[ناتشوو]

لاحول ولاقوة الا بالله
اجر وعافية
بس اذا ودج تشتكين
تقدرين تطلعينها وكل اللي كانو معاها
روحي شوفي شنو السبب
ماتشوفين شر
الله يشافيج

 

[راقيه وجذابه]

ياعمري الله يشفيج

حسبي الله عليها الي ماتخاف الله لو انا مكانج وتغزغزني واتحلطم هفيتها كف عدلت حنجها اي والله عمى بعينها

الله يشفيج حبيبتي يارب

 

[بنوته ستايل]

واااااي خوفتوني ناويه اولد بالهادي....

 

[دلوعة بباتي]

مشالله اشطر ناس بابرة الظهر مستشفى الصباح ما تحسين فيهاا كلش بس صج حسبي الله عليهااا ،، وعسى الله يشافيج وتقومين بالسلامه يارب

 

[جوري 2007]

واااااي خوفتوني ناويه اولد بالهادي....

حبوبة ولادة الهادي الهادي تهبل وماعليها كلام انا لدت 2 من عيالي اهناك بس الاخت اعرضت تجربتها عن ابرة الظهر مو الولادة ككل فلاتخافين :ggdw:

 

[جوري 2007]

بالنسبة لتجربتي بابرة الظهر عندهم بالعكس كان كلشي اوكي بس المشكله ماتخدر الجزء التحتي 100%

تخدر 70 % يعني 30% كنت احساس بالام الولادة

المفروض اللي تاخذ الابره ماتحس بالم الطلق بس مادري وين المشكله

 

[KOKO_284I]

كان لازم تشتكين عليها

 

[فراشة الوادي]

ولاده الهادي روووعه وعنايه وسسترات روعه بس مشكله ارة الظهر انا مستحيل اجربهاا

 

[virgo88]

الله يعينج حبيبتي

 

[بيبي غيرل]

اول مره وحده تذم فيهم
مسكينه حبيبتي انتي والله ماتهاوشت الا وانتي بتاخذينهاا لكن قدر الله وماشاء فعل

اي هذي الاعراض الي تيلج 100% من الابره و100% لانها غلط عطتج الابره الحمدلله على كل حال وحده من اهل ريلي الحين تعري من الابره والله

انا بولد بالهادي ان شالله بس خفت من موضوع الابره الحين انا مو ناويه اخذها بس اخاف احتاجها

الله يستر ويكتب الي في الخير

 

[glow 'n' show]

حبيبتي سلامتجو الله يشافيج
و حسبي الله عليها

ليش ما اشتكيتي عليها بحزتها عمى بعينها

 

[mannawy]

مشالله اشطر ناس بابرة الظهر مستشفى الصباح ما تحسين فيهاا كلش بس صج حسبي الله عليهااا ،، وعسى الله يشافيج وتقومين بالسلامه يارب

لا والله مانفعتني الصباح. قزوني مرتين وكنت ولاده مبكره وعقب تميت احس بالطلق ومافتح رحمي ودوني عشان قيصريه واهيا تشق بطني اصارخ من العوار جان يعطوني بنج كامل.

 

[worood82]

الله يكون ابعونچ
عاد ولادتهم عجبيبه بس دكتورتي الي ولدتني من بره مو من عندهم واخذت كمام صج قوي. وعجيبييب وابره الظهر ماجربتها الا في ولادتي الثانيه بس مو نفس المستشفى

 

[عيون ملكيه]

ما حبه الهادي كل ما زرت وحده فيه تلوع جبدي من ريحته زحمه و قذر مو نظيف و انا عقدتي النظافه


بالنسبه لج المفروض من اول ما تغلط تقولين غيروها هاذي ما تفهم انا جذي عندي الدكتور او الدكتوره اللي من اول مره تغلط معاج ما راح اغامر و اكرر التجربه معاها و اشلون تخلينها تغزج كذا مره و انتي مجربه الابره يعني مو اول مره تولدين



اهم شي روحي للهادي وقولي ابي تقرير تفصيلي عن ولادتي الاخيره واول ما تاخذين التقرير و تشوفين اسم الدكتوره مسجل فيها قولي ابي استشاري يفحص علي انا من خذيت ابرة الظهر عندكم و انا مو طيبه و راح اقدم شكوى بهالموضوع و عندي تقرير يثبت ان اللي عطتني ابرة الظهر اهي الدكتوره الهنديه


صرقعيهم خل يعالجونج على الاقل