تحجر البطن اخر الثامن بناات الي مجربه تفيدني

[Ms.lool]

السلام عليكم

بنات انا مدخليني المستشفى لان معاي طلق وانا بالثامن
بس طلوق خفيفه و عطوني ابر و جذي عشان توقفه

والحين خلصت الجرعات و وقفو الدوا عشان يتابعون الووضع

بناات بطنيي قام يتيبس حييل حيلل لدرجة ماقدر امشي عدل واذا كنت قاعده ابي اوقف
مع عوار من نص ظهري ليين خاصرتي اليمين و احس بلووعه شوي
يظل ميبس بطني مده طويلهً وبعدين يرد عادي ومايمديه شوي الا اييبس بعد


ويسوون لي تخطيط ويطلع طلق خفيف
و اهم بيتابعون الوضع
بس انا ابي اعرف بنااات منو صارلها جذي و شكثر تمت ع هالوضع لين ولدت

لان كل الي اقراه ان هذا يعني الولاده قربت

لاتقولون عادي و من حركة الياهل وان كبر لان هذا شي غيير انا مجربه اليبس اللي من التمغط وهالسوالف

 

[حروف من ذهب*]

مادري عن تيبس البطن بس اللوعة صارت معاي وكان الزلال مرتفع والضغط مرتفع وقالو لازم تولدين الحين وكنت بالثامن وولدت والحمد الله
انتي راجعي الدكتوراه ولاتهملين نفسج وكلميها عن اللوعة

 

[حبيبي مالكني]

مادري والله
بس حبيت ادخل وادعيلج الله يسهل عليج

 

[حشمه]

الله يقومج بالسلامه ان شاء الله

التيبس دكتورتي قالت ان طلق

بس كان معاي بالتاسع ماحشاني بالثامن

ان شالله اللي تعرف تفيدج

 

[Ms.lool]

يزاكم الله خير بنات ماقصرتو ..

ياليت بعد الي مجربه تفييدنا
انا باخر الثامن باقيلي اسبوع وادش التاسع

 

[أم حبيبتي]

التيبس يصيرلي يوم أجهد نفسي وايد خاصتا يوم أمشي وايد
واتوقع هذي هي اللي يسمونها تقلصات براكستونهيكس شي جذي
بس مدام طلع عندج فالتخطيط أنه طلق معناه الرحم قاعد يفتح عندج
سؤال:

كم كملتي من الثامن ؟؟؟

 

[PinkLulu]

اللي أعرفه إذا تحجر البطن يعني فيه تقلصات (طلق)

مادري شنو المفروض تسوين دكتورتج تعرف أحسن

بس اللي أعرفه إن الراحة وعدم الاجهاد يقلل التقلصات

 

[Ms.lool]

انا كله مريحة ومنسدحة لاني بالمستشفى اصلا
والتيبس ايي بدون مجهود ولاشي
يتيبس بطني ويتم مده طويله متيبس مع عوار بالظهر
قال لي الدكتور بيفصحني بس قتله مابي امس فاحصيني والرحم مسكر

يعني بنات هالتيبس يخلي الرحم يفتح؟
معاي افرازات عاديه شفافه مو التهاب ولاشي

ام حبيبتي
انا باقيلي اسبوع وادش التاسع

 

[أم حبيبتي]

حبيبتي مدام اسبوع وادشين التاسع انشالله البيبي اذا انولد بينولد سليم لأني والده ببنتي البجر فآخر اسبوع من الثامن وماشاءالله وزنها حلو وما احتاجت حتا حضانه بسمالله عليها

يمكن اللي فيج اعراض ولاده والله يسهل عليج انشاءالله

 

[سمراء كويتية]

انا بالتاسع وقعلا لاحظت ان بطني يتيبس و عوار بالظهر توني ادري ان طلق

 

[فتون777]

انا مثلك كان عندي تيبس عذبني في الشهر الثامن

والرحم الحمدلله مسكر مافتح اعرف هالاحساس وكانت بعد تجيني لوعه
وكانو يعطوني ابر وحبوب للتقلصات

بس الحمدلله دخلت التاسع راح التيبس

لاتحاتين عادي ان شالله اهم شي ريحي وخليك ريلاكس لاتكونين متوتره

 

[Ms.lool]

الله يسهل ياربً
توه سوولي تخطيطبعد و الوضع نفسه الطلق موجود ومنتظم بس بارد
قتلها مابي فحص دام مانزل علي شي
بس اذا زاذ الطلق عن جذي بيفحصون

بليز بنات ابي اعرف للي صارلها جذي شكثر خذا منها وقت لين ولدت

 

[دايم على البال]

انا كنت نفسج وولدت اول التاسع الحمدالله
الله يقومج بالسلامه ماعليج غير الاستغفار وكثري الدعاء

 

[امـ خــزامـى]

اناا مااعرف بصرااحه مامريت بهالشي

بس بنت خالي كان معها من الثاامن وعاادي ماولدت الا باخر التاسع

 

[مس ميمي]

انا صارت معاي بالثامن وعطوني ابره الرئه للبيبي ضروري يعطونك اياها عشان لو انولد تكون مكتمله بعد الله

وعطوني مثبتات والحمد لله وقفت


دعواتكم الله يسهل ولادتي

 

[Ms.lool]

مسً مييمي
اي عطووني ابرة الرئه
وعطوني ابرر واااايد ع اساس يوقفونه
ولما خلصت كل الجرعات رد العوار
بطني غالب للوقت ميبس اللي ماقدر امشي عدل
لما امشي احس بطني من تحت يقززني
و لما يفحصوني ارحم مسكر
الله يعين

 

[نونا**]

التحجر طلق انا ياني بكل حملاتي يتحجر البطن ويتيبس

 

[حوريه ...]

انا بطني يتحجر وانا تو داشه الخامس

معقوله طلق والا طبيعي

يتحجر ويفش وهذا حاله


احد مر عليه مثل هالحاله

اعتذر من صاحبة الموضوع بس لفت انتباهي كلامكم انه طلق وانا احس فيه وانا بالخامس

 

[نونا**]

حوريه انتي اكيد توسوسين شلون يتحجر واساسا حجم البيبي صغنون بالخامس لووول

اهو التحجر هذا البيبي يتكود بمكان فتحسين نفس الصخره وينمل شوي المكان المتكود فيه

 

[حوريه ...]

نونا

نفس وصفج صح

البيبي يتكود بجهة

عندي بجهة اليسار يتكود واحس مثل الصخره
شوي ويهدا وهذا حاله
يهدا ويتحجر