تحت الجلد....اخخخخخخ

[فلالي]

بنات تازمت والله تازمت



اشلون افتك من شعر ريلي اللي تحت الجلد


المشكله الشعره حوله تنبت بالعكس وتبين نقط سوده ولما اشيلها اشوف الشعره شطولها

وبعدين يبقا اثر وهالاثر يضايقني

وترد الشعره تنبت بنفس الطريقه مره ثانيه

ووقررت اسوي ليزر وعقب الجلسه الثامنه احترقت مثل ما قتلكم

كرهت الليزر حق ريلي لان بقت اثار مو راضيه تروح

وقمت احف وللحين شعر تحت الجلد حتى بفترة الليزر كان يطلعلي


يعني اموت واعرف شنو الحل معاها ...تكفون اللي تساعدني لها احلى دعوه من قلبيييييييييييييييييي

بروحي قاعد اعالج اثار الليزر وبعد تييني شعر تحت الجلد بنين بصراحه

 

[صمت الحزن]

ربي يعافيج ويحل مشكلتج

والله نفس الحاله يالغلا


ورفع لعيونج

 

[نعومه حدي]

ياي نفس حالتي وانا اللي يبط جبدي ريلي صايرة كلها نقط
اللي تعرف الحل تفيدنا
ولها دعوه حلوة

 

[روح امها]

اي شوفي الغلط ان لمن نشوف الشعر تحت الجلد نقعد نتعبث لمن تطلع الشعرة وبجذي تصير اثار ونقط سوده ما تروح
اللي بالصالون لمن تشيل لي شيرة قالت لي وجم وحده قالوا لي لا تتعبثين خلي الشعر بروحه يطلع
ترى مشكلة الاثار ما تروح بسرعة

 

[MoonDiamond]

غريبه!!!!!!!!!!!!!

ثمان جلسات ليزر وللحين تعانيين

انا اختي شعرها شعر ريال ويطلع تحت الجلد والشعره تلف تحت الجلد وتنرفزها
ومحتى اذا حفت في شعر ما يطلع ويصير جنه راس اسود
عاد كنت انظف لها بالملقط والشعره طول الاصبع

وووووووع


عاد بعد ثالث جلسة ليزر لها
اختفى هذا كله

عاد انتي ثمان جلسات مو شويه وشلون العياده اللي رحتيلها يحرقون جلدج!!!!!!!!!

الحوادث تحصل بس نادره صدقيني
كملي الليزر بعياده ثانيه

وقبل لاتكملين روحي سوي تحليل هرمون اللي هو تحليل الغدد
يمكن السبب الغدد اللي تخلي نمو الشعر مو طبيعي

والله يعينج

 

[MiṦs ♥ fĩẍ]

انا نفس حالتج و حدي متنرفزة حتى اذا شلت جني مو شايله ريلي كلها حبوب و اثار
عاد كان ببالي اسوي ليزر بس جني ماني مسويه عقب اللي سمعته

 

[ابله رشا]

ماكو حل الا الليزر
غيري العياده

 

[عواار قلب]

نفس الحال
فيدونا

 

[شوشو العنزي]

قبل لا تسوين ليزر جربي هالطريقة
حطي سنفرة على المكان اللي فيه شعر تحت الجلد بعدين بالحجرة الخشنه اللي عند العطارين
فركي المكان بحركة دائرية
موفقه حبيبتي

 

[أنفاسي دخون]

قبل لا تسوين ليزر جربي هالطريقة
حطي سنفرة على المكان اللي فيه شعر تحت الجلد بعدين بالحجرة الخشنه اللي عند العطارين
فركي المكان بحركة دائرية
موفقه حبيبتي

نفس اللي بقوله وكثري من الحمامات المغربيه تفيدش

 

[قطوة@@]

رد : تحت الجلد....اخخخخخخ

8 جلسات و ماصار شي ..؟

غيري العياده

كانت اختي نفسج و الله من ثاني او 3 جلسه شعرهاا حيييل خف و ما يطلع تحت الجلد

 

[omy nour 3any]

نفس المشكله .....

 

[كويتيهx5]

ترى الشعر من الشيره والاله عشان جذي

انا شسوي اشيل شيره بس اذا طلعلي تحت الجلد اشيل بموس وهاكذا مع الحمام المغربي طبعا وسنفره

 

[((الجوري))]

الله يعينج ان شاءالله وتلاقين الحل

 

[ياعيون مغليك]

انا كنت نفسج
وشعري مشكلته اسوووود يععني قمة القرف

اهم شي الترطيييب على طوووول انا يوميا ققبل انام اتدهن بزبدة بدي شوب ستروبري
وقبل الحف بيومين ثلاثه تدهني بزيت اللوزالحلو زيت اللوز المر وزيت الجلسرين وزيت الليمون خليها ساعتين وتسبحي
طبعا يستحسن تسويتها مرتين بالسبوع على طول وششوفي البياض والنعومه والاثار راحت

 

[Turquoiseya]

وع طلعت فيني النقط من عقب الشيرة الهندية مادري الباكستانية
وموراضية تروح كلش ومشوه رجلي

 

[فلالي]

غريبه!!!!!!!!!!!!!

ثمان جلسات ليزر وللحين تعانيين

انا اختي شعرها شعر ريال ويطلع تحت الجلد والشعره تلف تحت الجلد وتنرفزها
ومحتى اذا حفت في شعر ما يطلع ويصير جنه راس اسود
عاد كنت انظف لها بالملقط والشعره طول الاصبع

وووووووع


عاد بعد ثالث جلسة ليزر لها
اختفى هذا كله

عاد انتي ثمان جلسات مو شويه وشلون العياده اللي رحتيلها يحرقون جلدج!!!!!!!!!

الحوادث تحصل بس نادره صدقيني
كملي الليزر بعياده ثانيه

وقبل لاتكملين روحي سوي تحليل هرمون اللي هو تحليل الغدد
يمكن السبب الغدد اللي تخلي نمو الشعر مو طبيعي

والله يعينج

ولي يعافيج اختج باي عياده الظاهر عيادتي ما نفعت معاي بريلي

تكفين ردي علي ولو بالخاص

 

[سلسبيل 2008]

حبيبتي الحل الليزر بس بعض العيادات تستخدم جهاز الليزر القديم خاصه العيادات يجبون الاجهزه القديم لان الجديد غالي

انا سويت ليزر حق رجولي بمستشفي الراشد عند وحده بولنديه بس 4 جلسات وخف الشعر والنقط السوده والشعر تحت الجلد بس انتي

عالجي الحراق الناتج من الليزر بكريمات التبيض مثل فير اند وايت وراح يختفي الاثر عن تجربه شخصيه و مضمونه

 

[LeeMa q8]

مي تو نفس الحاله ؟!

شكلي بسوي السنفره والصخره اللي قالوا عنها البنات جزاهم الله خير

 

[المراة الحديدية]

حاسة فيج والشعر تحت اليلد يحك وينرفز هذا غير النقط السودة ولما تشيلين الشعر ماجنج شايلة بس الحمدلله رحت عيادة الصايغ وسويت ليزر والحمدلله راحت النقط السودة والشعر ما قام يطلع تحت اليلد فمستغربة انتى ثمان جلسات وماراحو وحرقو ريولج فنصيحة غيرى العيادة وروحى مكان زين وسوى تحليل وبس وانشالله تلاقين نتيجة