تحبين المجاملات !!!

[رقصة المطر]

مالفرق بين الكذب والمجاملة...؟
متى نكذب ومتى نجامل..؟
هل تستطيع أن تجامل دون أن تكذب..؟
هل تستطيع أن تجامل في شرع الله..؟
هل تحب أن يجاملك الناس ...؟
ومتى ترفض المجاملة...؟


أنا بحاجة لهذه لأجوبة
لذلك لاتبخلوا علي بالتفسير والتعليل
وياحبذا لو ضربت الأمثلة
فصاحبكم إستيعابه بطيء جدا



شكرا للجميع​

 

[نوووور الشمس]

يالله بنات وين الاجابات<<حدها كسوله

 

[أميره الدوسري]

رد : تحبين المجاملات !!!

مالفرق بين الكذب والمجاملة...؟
متى نكذب ومتى نجامل..؟
هل تستطيع أن تجامل دون أن تكذب..؟
هل تستطيع أن تجامل في شرع الله..؟
هل تحب أن يجاملك الناس ...؟
ومتى ترفض المجاملة...؟

1_ الكذب : حرآم
والمجآمله : من حسن التعآمل

2_ الكذب حرآم .. ونجآمل متى مآ تطلب الوقت إن حنآ نجآمل بدون نفآاق


3_ المجآمله تتطلب الكذب بس كذبه بسيطه مو شي ثآآني يعني مثلآ لو تسألني وحده عن رآيي بشنطتهآ وهي مو عآجبتني مره وأنآ مآأمون عليهآ رآح أقولهآ حلوه مآ شآء الله

4_ أكيد لأ كل شي إلآ الدين

5_ في بعض الأحيآن اللي تتطلب الذوق والمجآمله yes

6_إذآ كآن فيهآ ضرر . .

 

[دانه البحرين 81]

برأيي لا يمكن الفصل بينهم

متى ما أنوجدت المجامله أنوجد الكذب

حتى لو كذبه بسيطه تبقى كذبه صغيره أم كبيره

بصراحه أكرهه الوحده اللي تجامل لان كل كلامها كذب بكذب ونفاق

بالنسبة لي كل شيء كاش بالوجه أو اني أبعد نفسي من موقف بيخليني اجامل لأني والله ماعرف

الله يهدي الجميع

 

[بَيّروتْ .!]

رد : تحبين المجاملات !!!

الجذب والمجامله اشوفهم نفس الشي بس المجامله اهون بشوي
الجذب تاليف سالفه ما لها وجود بالغالب جذي والمجامله اهو انه الواحد يحورف شوي بالصراحه

اجذب اذا حسيت روحي في ورطه مع امي او خواتي اجذب بس عشان اعدي من الوقف وتالي اقولهم لي هدت اعصابهم
واجامل اذا شفت وحده شاريه مثلا شاريه نفنوف وحدددده عاجبها اجامل واقول اي شحلاته يهبل


واقدر اجامل بدون لا اجذب يعني مثلا اذا وحده شاريه شي وعاجبها اقول حسافه لو لونه غير جان صار احلا اهني جاملتها وما جذبت عليها يعني ما قلت حلو واهو برايي من داخل يلوع الجبد

وبالنسبه لسؤال الرابع ما احب احد يجاملني بشي مهم
يعني لا يجاملوني بلبسي وشكلي لان هالشي مهم بالنسبه لي
بس مثلا اذا يوني ضيوف احب انهم يجاملوني وياكلون من الاكل الي سويته لهم , انا تعبت ,اخرتها ما يمدون ايدهم انقهر اهني انا اشوف المجامله ضروريه وابيها ,,لا تخلصين الصحنبس اكلي شوي مجامله بس

ارفض المجامله اذا كانت على حسابي
يعني ما احب اجامل الناس وانا اتعب ولا احد يدري عن هوى داري


وبالنسبه لسؤالج الخامس هل تجامل بشرع الله بصراحه ما فهمت ياريت اتوضحين

 

[ماعلى الدنياعتب]

انا اشووف المجاملة مراعاة مشااعر

واتمنى اني اعرف اجاامل

 

[الحيـاء ~]

السلآم عليكم

مالفرق بين الكذب والمجاملة...؟
آآممم بصرآحه اشوف فرق كبير بينهم ! مثلاً في وحده قآلتان وحده جنطتهآ مو عاجبتني و تسألني عنها أقولها لآ حلوه " ممجآمله " .. انا أشوفها كذب , المجآملـه مثلاً تروحين عرس اخت رفيجتج يعني لآ تمونين عليها و لا شي بس مجرد معرفه و أختهآ رفيجتج , آهني تروحين تجآملين

متى نكذب ومتى نجامل..؟
الكذب مرآت نحتآجه لـ تبررير موقف .. بس المجآمله طول الوقت نجآمل !!

هل تستطيع أن تجامل دون أن تكذب..؟
أكيييييد

هل تستطيع أن تجامل في شرع الله..؟
مآفهمت شلون اجامل في شررع الله !! يعني وحده ما تصلي و تقولي ترآ انا ماصلي اقولها عادي ؟ اذا جذي اكيد ماقدرر !!

هل تحب أن يجاملك الناس ...؟
آآمممم مو دآيمـ ..

ومتى ترفض المجاملة...؟
إذا كآن اللي جدآمي حده مآله خلق و مآيعرف يجآمل عدل , أو أكون قآعده أسوي شي غلط !! و يجآملوني بـ أنه عاادي ..
أهني أرفضهااا !!


شكـرااا

 

[رقصة المطر]

رد : تحبين المجاملات !!!

مرسي ع الردود يعطيكم العااافيه
كل وحده لها وجهت نظر احترمها
في انتظار المزيد من الردود

 

[(كويتيه عسل)]

المجاملات لها حدود

ساعات المجامله ضروريه مثل اليوم مالي خلق اداوم

بس قاعده اسلم على اللي معاي بالدوام وابتسم غصب

معنى من داخلي ضايق خلقي

والمجامله اذا تعدت الحدود تسمى نفاق

 

[أشبـاهـ المطـر]

مالفرق بين الكذب والمجاملة...؟

الكذب عندما تقول أحمد عمره 20 وهو قد قارب الأربعين
والمجالمه حينما نقول أحمد رشيق وهو بحجم الفيل

متى نكذب ومتى نجامل..؟
السوأل الصحيح هو متى نحتاج أن نجامل

شكراً

 

[iron women]

طبعا اجامل شي طبيعي ان الحياة لازم ايكون فيها مجاملات بس للغرب

اما المقربين اكون معاهم صريحة كثر ما اقدر من غير ما اجرح مشاعرهم

تحياتي لج

 

[cherry67]

الكذب ما أحبة لأني صريحة.
والمجاملة أجامل اذا وحدة ما اعرفها واذا من الأهل اكون صريحة .