تحبينه ..... وتكرهينه... ?!!!?

[lulu0]

السلام عليكم

خلينه انشارك بعض بالاشياء الي تحبينها بزوجج والاشياء الي تكرهينها فيه او حابه اتغيرينها فيه

طبعا سواء كانت هالاشياء عادات او كلام او حركات يعني اي شي يخليج تحبينه

او اي شي ينرفزج

انا راح ابدأ بنفسي طبعا انا احب زوجي وايد والشغلات الي حببتني فيه اهي معاملته الحسنه لي وكلامه يخليني

اني احس وحده بهالعالم ويحسسني انه يخاف علي ويغار علي دايمن وهذا شعووور جميييل وايد


بس الشي الي اكرهه فيه وليييي ينرفزنيييييييي اهوووو عصبيته اذا طنقرررررر

يعني شقووولكم احسن واحد بالدنيا يوم يكون طبيعي بس اذا عصب لا يحوووووووشكم دماااااااااار

فعرفتله قمت اذا عصب اسكت طبعاااا تعودت عليه عقب مشاكل بس الحمدالله علي كل حال



الحين دووووووووركم ياحلواااات شنو الي تحبينه بريلج وسنو الي يودج تغيييرن فيييه ???

​

 

[شادن33]

اللي احبه رزانته وثقله وعقله الكبير
وألفى اكرررررهه عصبيته المفاجاه نفسج

 

[ايام وردية]

نفسكم بالظبط!!

وهو حليو يوصلني للسما واذا عصب ينزلني بالقاع

 

[M!SS.LOBY]

الله يوفقكم

 

[Patcholli]

الصراحه وللامانه اكثر شي احبه بزوجي انه يرفعلي جدام الناس ويفتخر فيني ويحطلي اعتبار ويثق بذوقي واختياراتي مو نوعه الي يكسر مجاديف مرته ويطيح حظها
ومايقصر معاي ووايد يحب اهلي ويحترمهم
شقردي وطيب وايوجب الكل ويبيض ويهي جدام الناس الكل يمدح فيه وباخلاقه ومعاملته احسه من رياييل قبل

اللي ماحبه فيه
وايد دقيق بكلشي يحقق ويسوي سين وجيم ويناقش والسالفه التافهه يسوي منها قضيه يعور راسي ساعات والله
ساعات احسه يجامل الناس على حسابي وحساب بيته يعني اذا وده يقعد معاي ويدق واحد ماله خلقه عادي يجامل ويروحله
مو دايما يفهمني ويحس فيني
يعاند وعصبي وايد واقل شي يزعله ويظايقه

 

[Pinky -cat]

انا ريلي طيب وحنون وصبور وما يغلط علي ولا على اهلي ولكن يقلب بسرعة ويصير احقر منه مافي يتحول صج وانصدم منه ومرات يكبر المواضيع بشكل مبالغ فيه لين يعور لي راسي.

 

[جذابه بنت ذيابه]

احب حنانه و طيبته و اكرره عصبيته وانه دقيق لابعد حد

 

[lulu0]

كلنه مشكلتنه وحده اظاهر مع رياييلنا العصبيه عاد اتخرب كلشي

 

[مذهلة2013]

ريلي طيب وحنون ويحس بغلطته ويتاسف عااااادي

الي اكرهه فيه :
عصبي حيييييييل وكلامه الي يمشي ساعات انطر يمكن كلامي صح ههههههه
وااااايد يحب يتناقش ويسأل

 

[امـ خــزامـى]

احب حناانه وطيبته وصبره وكثير اشيااء

واكره اللا مبالاة والتاجيل والاهمال وووعوده اللي مايفي فيها

يعني تقدرين تقولين مشكلتي معه انه زوووووووووول عجاز كسوول
كل شي بكراااا وبكرا هذا مااشوفه ماادري لييه بس اسمع عنه خخخخخخخخخ

 

[M!SS.LOBY]

العصبية تكرهني بزوجي

 

[modern]

اكره فيه عجقته و تدقيقه
واحب فيه وجوده��

 

[انصاريه قمره]

ممممممممم احب حنيته على عياله مرات احس انه طيب ومرات العكس تماااماااا طبعه يحير لانه مزاجي ومتقلب عصبي وانا بعد عصبيه وااايد يكبر الامووور كل شي ممنوع كله يحسسني اني ياهل وما افتهم واهو الكبير الفاهم واخر شي ينقص ويهه

 

[دنيتي كلها j&d]

موضوع حلوووووووو اللي اكره بزوجي انه دقيق ويتدخل باإدراة مسؤليتي بشقتي ويسأل عن كل شي ايش هذا طايح وعيالج ليش ماتعشينهم وليش وليش واااااي يعور راسي واللي اكره بعد انه بيتوتي مايطلع بس مجابلنا وانا ماني قادره اخذ راحتي احس صايره مااشتقاله من كثر قعدتي عندي واذا رحت غرفتي النوم يلحقني روحي شوفي عيالج اه اه اه طبعه موعاجبني والحلووووو فيه انه يحب السفر ويسفرني معاه وانسان محترم بس قلبه موابيض شويه لكم عليه ويحط بقلبه

ومشكووووووووره عالموضوع الحلو واتمتى مااثقلت عليكم

 

[*E.B.D.A.3*]

موضوع فضفضه تؤبريني عليه

انا الي احبه فيه :
بحر من الرومانسية الي ليدرجة اني مرات اشك بنفسي اخاف عديمة احساس؟؟ ككككك
لان وايد يهتم بهالسوالف اكثر مني انا!
وعنده الحب والمشاعر شي مقدسس .. اهوه يكتب اشعار فعشان جذي اشوية المشاعر فياضة عنده بعد جبدي
ههههههه

اما الشي الوحييييييد الي ماحببببه فيه كلش :
كثرة النقااااااش لمه نتهاوش والقررقه ، يرد يعيد ويزيد بنفس النقطه
لمه ايي بقول الي عندي يقولي لا تقاطيعني خل اكمل
ليدرجة ان مرات عشان استفزه اصكر اذوني واسوي بحلجي بلا بلا بلا بلا
ويكفخني على يبهتي يقولي سمعينييييي
ههههههههههههه

وعقدنا جلسة قبل يومين عشان افهمه شكثر لازم يغير هالطبع
لان مرات ماكو مشكلة اصلا، مثلا بس انا قاعده من النوم ومنفسه، يكلمني وارد عليه على قد السؤال
بعدها بساعه يدخلني الدار امشي خل نتناقش ليش ماكلمتيني عدل اليوم
على اي شي يسوي نقاش

 

[latkt7as]

مع اني متضايقه منه الحين


بس بتكلم بصراحه


الي احبه فيه

طيب مع الكل
خدووووووم لابعد حد طبعا لناس اكثر مني
حنووون عالكل وانا عادي معاي مو حيل

الي ماحبه فيه

مو رومنسسسي معاي كلش الا نادرا اذا كان يجاملني
مايحسسني بالحب
مايحسسني بانوثتي
رررررررربععععععه الي وانا مرته مايدق علي اول مايبطل عينه من النوم

هذا مايحضرني خههههههه

 

[Um Tuki]

اللي احبه فيه :
واثق فيني واااااااااااايد و يحترم قراراتي و كل يوم يطلعنا ماعنده مشكلة .. بيتهم اهم من طلعته و ربعه ( الحمدلله )

اللي اكرهه فيه : بااااااااااااااااااااااااارد ( عكسكم ) و كل شي عنده بعدين بسويه و أبقى آبلني .. خخخخخخ و لما يتنرفز يلوع الجبد يناحس نفس اليهال اللي بعمر 3 سنوات ..
مايحب يطور بروحه .. كلش !
واللي ماحبه ان اهوه تربى في بيئة منفتحة اكثر مني ! عندي اشياء عيب واهوه عادي
مثلا يطلع بشورت .. او يتبطح و يتسدح في بيتنا .. او يمد ريله وامي او ابوي موجودين ..
يلعب فالتلفون ويهد عياله و يناديني فلانة فلانة تعالي ولدج نثر الأكل هههههههههه

 

[Um Tuki]

اي اي ..

اكرررررررررررررررره شي انه يمووووووووووووووت بالرقاد
عادي يرقد يومين متواصلين لو ماتقعدينه حتى الحمام يمسك روحه عشان لا يقوم من لفراش هههههههههه
و فوق هذا ما رقد عدل ههههههههه و يقوم منفس و يكرهج بنفسج

 

[Zinab BH]

احب فيه حنانه و حبه لي و احترامه و صبره و كل شي واللي اكرهه الكسل و برود الاعصاب و فضولي شوي و انتقاداتها اللي ترفع ضغطي

 

[lulu0]

موضوع حلوووووووو اللي اكره بزوجي انه دقيق ويتدخل باإدراة مسؤليتي بشقتي ويسأل عن كل شي ايش هذا طايح وعيالج ليش ماتعشينهم وليش وليش واااااي يعور راسي واللي اكره بعد انه بيتوتي مايطلع بس مجابلنا وانا ماني قادره اخذ راحتي احس صايره مااشتقاله من كثر قعدتي عندي واذا رحت غرفتي النوم يلحقني روحي شوفي عيالج اه اه اه طبعه موعاجبني والحلووووو فيه انه يحب السفر ويسفرني معاه وانسان محترم بس قلبه موابيض شويه لكم عليه ويحط بقلبه

ومشكووووووووره عالموضوع الحلو واتمتى مااثقلت عليكم

العفوو ياقلبي فديتج عاد وايد حريييم يبوووون رياااييلهم يقعدووون ويجابلوونهم في البيت بس هم مشكله يوم يدخل بشغل البيت وليش سويتي وليش ماسويتي مممممم لا يطلع يفج احسن ههههههه الله يعينج ياقلبي ويقويج