تحبون الكويت؟ حياكم

[semaasem]

السلام عليكم


بنات أدري ان الموضوع هذا كثر الكلام فيه بس من حبي لديرتي قلت لابد اتطرق له لاحلى كويتيات..

منو فينا ماتحب الكويت؟!!

منو فينا ماتبي مصلحة الكويت؟!!

منو فينا مايعورها قلبها على ديرتها اللي ياما وياما عطتنا من خيرها...بنات قبل يومين بالصدفة وانا أشوف التلفزيون شفت

برنامج تو الليل وكانوا المذيعين غادة وعبدالوهاب يتكلمون عن الامور اللي ماتبشر بالخير من ناحية ارتفاع اللود على الكهربا

بنات فكروا فيها ادري بتقولون ديرتنا غنية وديرتنا و...انا قبلكم قلت فشلونا بهالسالفة بس لما فكرت قلت شيضرنا اذا طبقنا؟!

علشان مصلحة الكويت..بنات خلونا نحط ايدنا بايد بعض ونطبق حملة (من حبنا لها بنوفر لها) بنات في امور بسيطة بس

ممكن تساهم وتساعد في المصلحة العامة يعني اذا بتطلعون تزورون طول اليوم او رايحين الشاليه او بتسافرون البيت مافيه

احد ياليت تقصرون على السنترال شوي..هذا على سبيل المثال طبعا الامثلة كثيرة واكيد كل وحدة فينا تعرف شلون تصير

حريصة على مصلحة ديرتها سواء بالماي ولا الكهربا اقتصدوا يابنات ندري خيرنا فايض والحمدلله بس فكروا بمصلحة الكويت

والمصلحة العامة...والله من الكلام اللي شفته قلبي عورني على الكويت..الله يحفظج يا الكويت واكيد بحبكم راح تحافظون

عليها..( من حبنا لها بنوفر لها ) وانا أول وحدة فيكم منو اللي تحب الكويت؟!!

 

[وروود]

اختي قبل الواحد لا يفكر بديرته وحبه لها -----وهذا شي مفروغ منه
الانسان يحاول على قد ما يقدر يراعي ربه وما يسرف باي شي
خنقولج انا ابيتي امشي واسكر ليتات والمكيفات اساسا عندنا عيال فما نحطه بارد نخاف عليهم من البرد والسخونه والنشله وهذا حال كل الحريم اللي حوالينا ونعرفهم
بعني من ناحية البيوت لا تحاتين
المحاتات من الشركات والمؤسساست اللي تضل كهربتها شغاله حتى بليل وهذا شوف عيوني وطبعا مو كلهم -- احنا البيوت صرفنا على قد حالنا
والله يديم علينا فضله وخيره ونعمه
اللهم نعوذ بك من تحول عافيتك وفجاءت نقمتك وجميع سخطك

 

[سمراءوافتخر]

وانا بعد وياكم

وربي يعدي الصيف هذا علي خير يا رب يا كريم

 

[Čut!e Quèéи]

والله من عمر احنا اذا طلعنا من البيت نسكر الليتات ونخلي نظام السنترال اوتماتيك

يعني يكون طافي بس كل 10 دقايق يبخ بخة هوا وحتى وجودنا في البيت فيه رعاية للماي والكهربا

هالشي من زمان نسويه مو عشان نوفر لا بس عشان حرام صرف الكهربا ومافي احد بالغرفه او الصاله

وان شاءالله الكل يراعي احنا ما نقول ضغطوا على عمركم بس على الاقل الحرص زين المكان الي مو قاعدين فيه طفوا اضاءته

والماي الي ينقط والي يخر والهوز الي ناسيه سكروه والله حرام الصرف الزايد نتحاسب عليه على كل قطره ندري عنها سيئه

مشكوره اختي على النصايح وان شاءالله كلنا نطبقها

 

[فطومه]

وانا بعد معاكم

علمت العيال يسكرون الليتات اللى مايبونها والتلفزيون الجانبي واى شى زايد عن حده حتى الخدم اراقبهم وافهمهم بالوضع

والله المستعان

 

[semaasem]

اختي قبل الواحد لا يفكر بديرته وحبه لها -----وهذا شي مفروغ منه
الانسان يحاول على قد ما يقدر يراعي ربه وما يسرف باي شي
خنقولج انا ابيتي امشي واسكر ليتات والمكيفات اساسا عندنا عيال فما نحطه بارد نخاف عليهم من البرد والسخونه والنشله وهذا حال كل الحريم اللي حوالينا ونعرفهم
بعني من ناحية البيوت لا تحاتين
المحاتات من الشركات والمؤسساست اللي تضل كهربتها شغاله حتى بليل وهذا شوف عيوني وطبعا مو كلهم -- احنا البيوت صرفنا على قد حالنا
والله يديم علينا فضله وخيره ونعمه
اللهم نعوذ بك من تحول عافيتك وفجاءت نقمتك وجميع سخطك

صح كلامج انا بغيت اتطرق للدين واقول ان ديننا حثنا على عدم الاسراف حتى في الوضوء ولو كنا على نهر جاري مثل ما

وصانا الرسول عليه الصلاة والسلام بس قلت بما ان القسم هذا مختص بالامور الوطنية تطرقت للموضوع من باب حبنا

لديرتنا..وصاجة بخصوص هالشركات الله يهديهم ان شاء الله بس على الاقل احنا نسوي اللي نقدر عليه ونكون عضو فعال

في المجتمع باللي نقدر عليه وهمه لما تكلموا بالتلفزيون وصوا على أهل البيوت ويعطيج العافية شرفني مرورج ياقلبي

 

[semaasem]

مشكورين كل البنات اللي ردوا يزاكم الله خير انا ادري ان فيكم الخير والبركة بس صدقوني في ناس وايد غافلة خلوني اذكر لكم بعض المواقف

يران حمولتي كل مانروح بيتهم ننتلف من المياهه اللي مغرقة الشوارع الخدم يلعبون بالماي لعب على بو بيغسلون السيارات ولا الحوش وتلاقون

الهوز على حده ومهدود والمعزبين مايدرون او غافلين الله يهديهم في ناس محتاجين قطرة الماي واحنا نلعب بالماي لعب حرام!!


لازم نحافظ على النعمة اللي احنا فيها الله يديمها علينا من نعم