تجهيييييييييييييييز

[حضنت حبك بقلبي]

مرحبا خواتي

أنا ولادتي اخر 12 او اول 1

ولحد الان ماجهزت ولااااااااااا شي وانا بجر وماعندي احد يساعدني فقلت انتو خواتي

انا ماجهزت لان عندي ظروووف والحين الحمد لله توفر عندي مبلغ اقدر اجهز فيه


أبي مساعدتكم


أبي أعرف شنو أجهز يعني جم لفه ومهاد وملابس ومميه وكريمات وكل شي تكفوووون ابي اسوي برنت للي تكتبووونه لي وعلى طوووول اروح السوق

ادعولي الله يسهل علي الولاده والتجهيز


والله بدعي لكل وحده ساعدتني

 

[kimoo]

تفضلي

 

[kimoo]

منقوووووول من مدمنة كاكاو

المشاركة الأصلية كتبت بواسطة مدمنة ككاو
انا بقول لكم على طريقة تجهيزي بولدي اخذتها عن وحده قالت لي صدقيني بتريحج

اهي اول شي انج تبدين بالاشياء الغاليه والثقيله
سرير النفاس حق البيبي اللي يكون صغير ويمج
سرير البيبي الثاني اللي راح ينام عليه لي رديتي بعد النفاس اللي يصير فيه حواجز ويظل مع البيبي لي السنتين
الكفر مال المستشفى وكفر النفاس او اذا ما تبين تسوين استقبال كفرين حلوين حق النفاس عمليين اسعارهم مناسبه لو يتوسخ واحد الا الثاني موجود وما تحطين اي شي لان ممكن باي وقت اييونج ضيوف جنطة المسشفى حق هدومج وهدوم البيبي

هذي البدايه اول جوله من التجهيز


الجوله الثانيه
هدوم البيبي من (فنايل داخليه - تبانات - قبعات - دس ايد - دلاغات اذا التبان مو كامل مع الريل - مهادات قطن - لفات البيبي - فوط اللي يكونون مع القبعه - جيس البيبي اخذي جم واحد - فرشه للبيبي حق التبديل يكون يها مثل النايلون من تحت عشان لو يبول وانتو بكرامه - فوط صغيره كبر كف الايد تحطينها على جتفتج اذا شلتي البيبي بتريعينه اول لي نام انا احطها تحت راسه عشان لا يوسخ الفرشه اللي تحته - صدريات اخذي كشخه واخذي عملي قطن واللي على فوطه احسن شي يمتص - جنطة البيبي الصغيره حق الطبيب - وجنطه بيبي العاديه حق الطلعات والزورات احبها تكون نايلون عشان ما تتوسخ - حوض مال سباحة البيبي - صندوق اغراض البيبي - واهم شي بهالفتره تشترين صابون غسيل ملابس البيبي الخاص عشان تغسلين ملابس البيبي اول باول من تشترينهم)

الجوله الثالثه

اهي حق الام ( قمصان النوم - البجامات - الروب - ملابس داخليه ستيانات قطن طبعا اكبر من مقاسج لان بالنفاس يصير فيه حليب ويكبر واخذي اللي يتبطل للرضاعه جم واحد - السراويل اخذ اللي يغطي البطن كله لي فوق السره ويكون قطن اخذهم من مارك اند سبنسر وهم اخذ سراويل نص لي الفخذ قطن - دلاغات قطن - فوط للشعر والجسم وروب السباحه)
دويات النفاس ( حلبه - زعتر - دارسين - لهوم - مره - حسو - الحبه السوده - ينسون - سكر نبات - حبة حلوه)حطيهم كتخزين بالفريز عشان ما يختربون امي سوت لي جذي
اشياء للعنايه بالبشره والشعر والجسم انصح بالفيتامينات ما تنقطع اول شي عشان الشعر ما يطيح وايد والبشره تجدد وطبعا كل وحده وبشرتها تعرف لها تشتري الماركه اللي تريحها وما تقطع عنهم اما حق الجسم زيت اللوز وزيت الزيتون وسنفره والصابون المغربي مع ليفته - ولوشن مبيض)



الجوله القبل الاخيره
غلاية المميات - المميات اخذي بيجون 2 سانتي 3 حبات و4 سانتي 4 حبات - حلمات مقاس سمول بيجون البيضه الشفافه لا تاخذين الصفره بسرعه تخترب وتتلزق - الفرش لغسل المميات الكبيره للميه والصغيره للحلمات - مصاصه انصح في ماركة bibi المفلطحه - اكو جنطه فيها مشط وبروش ومقص ومقراضه- او اشتريهم كل قطعه بروحهم على حسب المتوفر - بودره - لوشن - شامبو - صابون انا احب استعمل ماركة سيباميد صحية وطبيه للبشره الحساسه او مذركير وايد زينه - حفاضات اصغر حجم - قطن اعواد الاذن - قطن عادي - مناديل مرطبه انصح ملوت مذركير او جونسون اللي عليها باللون الاخضر ريحته حلوه - مناديل الكحول لتعقيم سرة البيبي وعشان تنشف بسرعه واطيح - كريم الحفاظ لونه رمادي موجود بمذركير وسنتر بوينت والصيدليات هذا احسن نوع جربته- فازلين جونسون - بيبي اويل تحطين بجسم الياهل كله قبل السباحه عشان فيه طبقة من القشره اطيح من جسمه وشعره والبيبي اويل تساعده انه يروح بسرعه وعن تجربه - تقسيم الحليب علبه فيها 3 طبقات اول باول عبيهم عشان يسهل لج انج تسوين الحليب - مطاره صغيره على طول فيها ماي حار عشان المميه وجهزي دايما المميات يكون فيهم نص ماي مغلي من قبل ويبرد على حرارة جو الغرفة عشان بس بين تسوين المميه تزيدين عليها الماي الحار وتحطين الحليب البودره وتكون حرارتها زينه ما تنطرينها تبرد - كوتكس الكبار حقج ليدي سوفت زين واحط تحتها اي نوع المضغوط بو اجنحه عشان ما ادمر ملابسي - اي صج نسيت اسفنجه حق سباحة جسم البيبي - كريم حلمة الصدر - شفاطة انصح بالكهربائية وفيه بالشحن وفيه العاديه بالضغط- القطن الخاص حق صدر الام عشان لا ينزل الحليب عالملابس ويتلفج)


الجوله الاخيره

اغراض الاستقبال : تختارين المحل اللي تبينه وتتفقين معاه عالككاو وكميته وتغليفه
حلو الضيوف
الورد
المطارات
طقم الاستكانات والفنايين والقلاصات
تغليف الشكر
البالونات اذا تبين
مواعين الحلو اذا تبين شي موحد مو كل ماعون شكل

 

[kimoo]

اغلب الاغراض موجودة في سنتر بوينت ومذركير وعيد النصار

وتعالي تجمع مواليد يناير اي سؤال احنا بالخدمة

والله يسهل عليج

 

[حضنت حبك بقلبي]

بعد قلبي تسلموووون

 

[دآنة آلرشآيده]

حبيبتي لاتكثرين لان البيبي يكبر بسرعه
اشتري 6 اطقم اللي يجي كامل
واشتري مهادين
والمميات اخذي الصغار حيل
ملوت اللي توهم والدين اخذي 4
وووو في موضوع حق التجهيز البنات حاطينه
دشي شوفيه بس نصيحه لاتكثيرين بيطيحون بجبدج

 

[big heart]

رد : تجهيييييييييييييييز

ماشالله كيمو ودانة ماخلو شي
يعطيكم العافية

 

[إستبرق]

ماقصروا البنات
والله يسهل عليج يارب

 

[ام - وهابي]

امبي انا حدي كثرت شكلي اشكره راح اتوهق فيهم

 

[KOKO_284I]

رد : تجهيييييييييييييييز

البناتكفوا واوفو
بس لا اتكثرين لان البيبي ابسرعه يكبر

 

[الغالي للغالي]

ماله داعي كل هذا السوق موطاير اشتري الاساسي بس كم بدله للبيبي واذا نقص شي الله يسلم الوالده او زوجج او خواتج يجيبونه لاتخبين بعمرج

 

[^noonaa^]

ماشاءالله البنات ماقصروو

 

[LiL MaMa]

رد : تجهيييييييييييييييز

up
up
up

 

[سكر فتافيت]

رد : تجهيييييييييييييييز

اشترى الاساسيات الاول
والى رد قبلى كفى
بس نصيحه لاتكثرى من الملابس الصغيره
مقاس من 0-3 شهور لبس ابنى اسبوع واحد
ولو ابنك نزل وزنه زايد شويه ما يلبسه
اشترى 2 من 0-3 عشان يكون مظبوط عليه امام الضيوف
الى يزورنك بالاول والباقى من 3-6 شهور
نصيحه ثانيه
احلى شىء جربته فى غيارات البيبى الداخليه
السالوبيت الى على بعضه يلمه وما يتعرى من الوسط
اما الفنله والسيليب ما ارتحت فيهم

 

[لـولـيـتـا]

ماشالله البنات ما قصروا

 

[الصعيريه]

رد : تجهيييييييييييييييز

أهم شي لاتكثرين
الجاهل بسرعه يكبر
وإشتري الشغلات الاسااسيه

والله يسهل عليج وتولدين بالسلاااامـه

 

[حشمه]

رد : تجهيييييييييييييييز

اختي عندج خدامه بتغسل اول باول

اذا عندج لاتكثرن اما اذا ماعندي كثري بالكميه

اول فتره اشتري الفنايل اللي طباقي جنب

يتسكرون من جنب ومن تحت

فايدتهم ان الياهل صغر بدال ماتدخلين

راسه بالفنيله تلبسينه

الفنيله مثل الجاكيت اخذي مقاس0-3 بالكثير 4 حبات

واما البجايم اخذي جيسين طبعا مقاس0-3

والجيس فيه 3 حبات زين جذي

3 سدريات زين وتقدرين بدال السدريات

تاخذين فوط صغار مربعه هم تنفع

والمهاد انتي تمهدين اولا حسب رغبتج

اخذي 2وملابس طلعه لاتشترين اتييج هدايا

وجنطه لاغراض البيبي والمميات 3 كافي

وحده ماي و2 حليب او وحده تخلينها للشاي وغيره

اخذي مطاره للماي الحار للبيبي وعلبه مالت الحليب

اللي تصر مقسمه وفوطه للسبوح وشامبو اطفال واحد

وحوض حق سبوح البيبي وتقدرين تاجلين مشتراه

والمصاصه لو بغيتي تعطينه وكبوس 2 كافي

ماراح تطلعين البيبي انتي كله بالبيت بالاربعين

بعد الاربعين ردي اشتري هذا غير الهدايا بتي

 

[كويتيه مذهله 87]

الله يسهل عليج يارب

 

[اخر ايام الحب]

رد : تجهيييييييييييييييز

الله يا حلوها هاللحظه وانتي نازله تتسوقين للبيبي >>>> ههههه اللي يشوفني

يقوووووول مجربه ..انا بالخامس الحين واذا صارت بالسابع ببدأ انشاءالله


ثااااااااااانكس استفدت وايد ياقلبي