امممم انا بخبرج شو شريت لاني صراحه بعد مثلج مو ذاك الزود مع المكياج بس قريت وايد عن المكياج وفي النهاية شريت اللي عجبني
شريت باليت كبير وايد من مكياجي فيه كل شي شدو بلشر قلوس كونسيلر حواجب ب199 صراحه عجبني سعره و بعد شدوات مكياجي أنا مجربتنهن وشريت بعد كحل من عندهم ووتر بروف لان قريت انه حلو وسواده حلو العادي طبعا بس أنا فضلت الووتر بروف عشان مايسيح
وشريت بودره وكريم اساس وبيس من جفنشي صراحه انا ماجربته بس رفيجتي نصحتني فيه تكون حلو وتحسينه خفيف عالويه وبعد كان فيه عرض على كحل وماسكرا جفنشي مع بعض فشريته
وشريت من ديور طقم روجات فيهن لمعه خفيفه جربتهن وكانن خفاف يعني مب قوي اللون حلو للي شفايفها ورديه يبان فيها وشريت باليت فيه بودره وشدو وبلشر مع مسكرا وكحل من ديور عجبوني بس صراحه ماعرف أذا حلو
وشريت طقم قلوسات من كلينك
وبعد خذت من بينيفيت لمعه كريميه للسيقان وريحتها حلوه ولمعه للوجه واضاءه للخدود ونصحتني البايعه بحمره سايله تنفع للخدود والشفايف وماتروح بسرعه مادري حسيتها عاديه بس عجبتني
وكم روج من نيفيا أحب روجاتهم واي لاينر بعد كان مسوين عليه خصم
وشو بعد اممممممممممم
وقلوسات من بن ناي عجبتني اللمعه اللي فيهم حسيتها ثابته وكحل مائي
ومثبت شدو مادري اي ماركه نسيت ومن نفس الماركه خذت كحل سائل تركواز وروج ومحدد
وبعدني ماخلصت باقي الماسكرا يمكن آخذ التايجر من هيلينا روبنشتاين على مدح البنات طبعا والماسكرا الحمرا من ريميل بعد البنات مدحوها
آه تذكرت بعد عندي بودره وبيس بنفسجي من فور ايفر حلوين حبيتهم
و إن شاء الله باخذ ارواج أنواع وبودره كونسيلر من بوبي براون للهالات شفت صورتها وعجبتني
وخذت روج من ايف سان لوران أكثر لون استخدمه عشان اخليه بالجنطه يعني لزوم المظاهر لان شكله ذرب وراقي
وناويه اشتري شيمر من بودي شوب البنات يمدحونه يعطي لمعه حلوه للخدود
وناقصني بعد أصباغ للأظافر
وبث
