تجهيز بيت العرسان شلوون ساعدوني

[rmmohd]

خواتي جزاءكم الله خير ابي مساعدكم شنو الاشياء اللي لازم نوفرها لبيت العرسان

 

[rmmohd]

شدعوه 79 ومافي ردود ما عندنا وقت ابي اعرف شنو الاشياء اللي البيت نجهزه

 

[رشا الهواء]

عسى الله يتمم عالخير للعرسان اهم شئ الاثاث والمفروشات والستائر والاجهزة الكهربائية والبلازما تكون بالصالة والمطبخ تجهييزه بالمواعين والقلاصات والاهتمام بالديكور

 

[rmmohd]

حبيبتي الله يجزاج خير وشنو بعد

 

[روحي تحبك...]

شوفي حبيبتي انا صح مو متزوجة بس شفت خواتي شنو سوو

اووول شي واهم شي اثاث الصالة والاجهزة الكهربائية والمطبخ

لاتكلفين وتضغطين على نفسج من اول شهر يبيلج ميزانية
يعني في شغلات استغني عنها اول شي مثل اكسسوارات البيت سواء للحمام او المطبخ او الصالة
والاجهزة الكهربائية مو كلها تشترينها دفعة وحده راح يطلع عليج مبلغ وقدرة اشتري اول شي المكنسة الكهربائية والاوتي والخلاط الكهربائي تحتاجينه بالمطبخ وطبعا قبلهم الطباخ

التلفزيون وباجي الاجهزة اجليهم للشهر الياي عادي تحملي شوي


اما المطبخ اشتري مواعين على قدج انتي وزوجج مؤقتا والشغلات البسيطة استغني عنها حاليا

الصالة اشتري كنبات وزولية بس


طبعا غرفة النوم مهمة...


اممممم بس هذا اللي ببالي اتمنى اكون افدتج

 

[rmmohd]

احنا بلشنا الحين بالمطبخ بس وباجي غرفة النوم والصالة والاجهزه الكهربائيه فحدنا مدودهين وباقي بس شهر

 

[rmmohd]

مشكوره على مرورج روحي تحبك والله محتاجه نصايحكم

 

[جامعيه طموحه]

اول شي الله يتمم عليكم بالخير

وطبعآ ما جدامكم غير شهر يعني الله يعينكم عالضغط

ومادام بلشتوا بالمطبخ اهم شي غرفة النوم ويكون سعرها مناسب وبنفس الوقت ترضى العروس والمعرس

وشوفي حسب ميزانيتكم ييبي الاشياء الاساسيه مثلآ يبتوا غرفة النوم يبيي اثاث الصاله

وعقب ما تخلصون حددي الاهم بالاجهزه الكهربائيه للاقل اهميه

مثلآ شاشة بلازما
طباخ
ثلاجه
اوتي
مكنسه كهربائيه
خلاط

آلخ..

على حسب الاهم بالنسبه لكم

وان شاءالله يجعله سهالاات عليكم وتجهزون كل شي تمام

 

[New_bride]

اخذي الاساسيات
المطبخ تحتاجين من الاجهزه الكهربائيه الفرن و مكروويف وغلاية الماي ثلاجه و فريزر
والمواعين اشتري من كل شي ٤ لان انتو نفرين مابتحتاجون وايد مواعين
اخذي طقم للشاي
الجدور اخذي ٤ و مقلايه وحده
ملاعق خشب للطبخ
ملاعق معدن لكم
لوح تقطيع
تبروير او حافضات الطعام زجاجيه اللي لها غطا بلاستك

وكل شهر اشتري جهاز جديد
مثل خلاط > فرامه > عجانه حسب احتياجاتج
-----------

الصاله
طقم كنب
طاوله
سجاد
تلفزيون
مكنسه كهربائية
----------

غرفة النوم
سرير
كبت
ديباج ومخدات

هذي الاساسيات اللي تحتاجينها
واذا عندج ميزانيه اخذي مكملات من لوحات و ابجورات

 

[rmmohd]

واي فديتج new bride
خصلنا المطبخ الحين قاعدين حايسين ندور غرفة النوم نبي شي ناعم ويكون نوعيه جيده

 

[rmmohd]

واي حبيبتي فديتج New_bride
الله يرزقج باللي تبينه
المهم خلصنا المطبخ الحين نفتر بغرفة النوم وين في احسن مكان ويكون اسعارها مناسبة

 

[بنك بااستا]

رفع رفع