تجهيز البيبي

[روح اميمتها]

مرحبا بنات شخباركم وعسى الله يتمم علينا ويرزق كل محرووم
بنات شتنصحوني فيه اجهز الحين والا انطر التنزيلات انا ولادتي*

15/7
خواتي يقولون انطر التنزيلات بس خايفه اندم وبنفس الوقت اخاف اتسرع وتصير التنزيلات وسؤال اخير شنو المحلات الحلو لتجهيز البيبي غير مذركير وبروي وماماز اند باباز وزارا واج ام
ومشكورات حبايبي

 

[شوقي وغلاي]

سنتر بوينت تبانات البيبي عندهم احسن من مذكر كير اللي بعد غسلة وحدة تتمدد .. أنار ... بيبي لوف ... مع اللي ذكرتيهم

 

[QYtiya.com]

لا والله الحين ابدي صراحه الحمل ماتضمنين متى الولاده سبحان الله
فلى تخلين نفسج ع اساس التنزيلات عااادي مو خساره بالبيبي اشتري الحين الاساسيات والباقي اذا بتنطرين انطري

 

[دآنة آلرشآيده]

من الحين جهزي مابقى شئ
وبعدين احسن قبل تتعبين وتثقلين

عندج عيد نصار بالديره
وسنتر بونت ومذركير​

 

[Neuschwanstein]

سنتر بوينت عنده شغلات حلوة وأسعاره مناسبة
كنت عندهم قبل جم يوم وسألتهم عن التنزيلات وقال راح يبدون بشهر 5
عموما انتي نطري لي أول الشهر وشوفي اذا ما بلشوا ابتدي اشتري
بروحه حر والجو ما يساعد وراح تصيرين ثقيله
بالتوفيق ان شاءالله

 

[kanoosha]

عيل شتقولين عني انا ولادتي اخر موعد26-6 وليلحين ماجهزت شي ناطره تنزيلات سنتر بوينت

 

[روح اميمتها]

فديتكم وتسلمون على هالردود ولا خلا ولا عدم ....سمعت ان دبنهامز تنزيلات الحين صج

 

[ranooo]

والله نصيحة جهزي بس شوفي ملابس الطلعة لا تكثرين منها وايد بس التبانات بسنتربوينت ما ينزل سعرها وايد
اما عندج مامز اند بابز روحي عندهم وقوليلهم انا حامل وابي كوبونات الخصم اللي عندكم ماكان عندي وقت اسجل بالنت
ورح تعطيج بعض الخصومات تقدرين تشترين شوي ^_^
انا كنت قاعدة اطالع بالنت وما اري شلون دخلت على موقع طلبوا مني اسمي ومتى موعد ولادتي وموبايلي واخر شي طلعلي اني روح استلم وبالفعل رحت عندهم وعطتني جم كوبون فيه خصومات
استغلي الوقت ويبي الاغراض لانج ماتدرين متى ولادتج يمكن قبل الموعد
والله يسهل علينا جميعا ولادتنا

 

[حورية البحر 1]

أنا بديت أجهز من عيد النصار شريت جم قطعة وشريت من مذركير
بس أنا ناطرة تنزيلات سنتر بوينت علشان أشتري أحس أنه وايد أشياء ناقصتني

 

[حبج يا يمه بدمي]

الله يتمم عليكم ي رب
انا عن نفسي تو بشهر ٣ وهذا بجري وان شاءالله بس ادخل ٥ ابلش اجهز بس حابه اطلب للبيبي جم قطعه من برا والباجي سهالات ان شاءالله