تجهيزي والخدامه

[عاشقه القيصر]

السلام عليكم ورحمه الله وبركاته










بنات انا مالجه وحاليا قاعده اجهز للعرس تجهيزات خفيفه يعني كل ماروح السوق واشوف شي يعجبني اخذه.. وانشالله العرس بدايه السنه الجديده

مو هذي المشكله ..
المشكله اني صارلي فتره اجهز بالبجامات وطبعا شريتلي كميه ..وهالكميه حاطتهم بجنطه ومخليتهم بغرفه غير عن الغرفه اللي انام فيها لان عندي خواتي 2 ينامون معاي بالغرفه وماكو مكان احطهم فيه بداري وداري اصلا مفتوحه للكل ماقدر اقفلها لانها مو داري بروحي..
المهم فحط البجايم بغرفه .. من فتره شريتلي بيجاما حيل كنت احبهاااااا اليوم رحت للغرفه وبفتح الجنطه ادورها ومالقيتها @@

شفت باجي الغراض ولا في شغلات نااااقصه .. والشغلات اللي ناقصه من احلا الشغلات اللي انا شاريتهم انا متاكده اني حاطتهم لاني كل ماشتري شي احطه بالجنطه وقبل هالمره شريت جم شغله وشفت البجايم والبجايم اللي اشتريهم غالين يعني مو رخااص .

انا شاكه بالخدامه لاني لما شريتها شافتها وقالتلي حيل حلو وكانت عينها فيه قلتها اخذيه قالتلي لا مابيه لازم تخشين حق العرس ..
وللعلم ان خدامتنا من زماااااااااااااااااااااااان عندنا يعني ماقدر اقولها شي الوالده تزعل ماترضى عليها بكلمه

هالايام تنصحني بالذهب تقولي اشتري ذهب
بنات انا مو هامتني البجامه بس الحين قاعده اتبوق وشلون لو بديت بالتجهيز الصجي
واشلون أأمن اغراضي .. والغرفه الثانيه مثل المخزن اللي نخزن فيه اغراضنا يعني مانقدر نقفله ولا لي مكان ثاني احطهم فيه
بنات شنو تشورون علي


:jbdwjbd:

 

[مملوحه السهول]

رد : تجهيزي والخدامه

اختي فتشي اغراضها من غير ما تدري
او مو عند كبت حطي جنطه كبيره وحطي اغراضج فيها ودخليها بالبكت
او حطيها على صوب وسوي نسخ على المفاتيح لخواتج يعني ما فيها شي
جذي بتكونين مرتاحه ولا تظنين فيها ان بعض الظن اثم دوري شوفي يمكن قاطاتها مني ولا مناك

 

[((المزيونه))]

حاولي احفظي اغراضج اكثر
حتى لو تحظين جناط التجهيز تحت سريرج
او طلعي لبسج الي بالكبت وحطيه بغرفه المخزن
وكبنج الي في دارج حطي فيه تجهيزج وعشان يكون قدام عينج

 

[ريماس21]

فتشيهااا وووقووولي لااامج لاتقولين خدامتنا من سنين ولادنين والله الخدم مافيه ثقه


احنا كانت عندنا خدامه شنو 12 سنه وبالاخر دريناا انه قااعد تبووقناااا يعني لاتثقين فيهااا وخداااااامه بدالها الف خدااااامهه

وحاولين تفضين كبتج اللي بدارج وحطي اغرااضج فيهاااا لااتحطينهاا بمكان كل من هب ودب فيه يدشههه

 

[واقعية حـلـم !]

تعرفين الصناديق الحديد الكبار الي لهم قفل ؟

اخذي لج واحد و حطي كل شي تشترينه فيه و اقفليه


و حطي الاشياء الغاليه بتجوري تلقينهم على 25 للذهب و الساعات و هالسوالف و حطيه بدار امج


و الله يوفقج حبيبتي

 

[عاشقه القيصر]

رد: رد : تجهيزي والخدامه

اختي فتشي اغراضها من غير ما تدري
او مو عند كبت حطي جنطه كبيره وحطي اغراضج فيها ودخليها بالبكت
او حطيها على صوب وسوي نسخ على المفاتيح لخواتج يعني ما فيها شي
جذي بتكونين مرتاحه ولا تظنين فيها ان بعض الظن اثم دوري شوفي يمكن قاطاتها مني ولا مناك

مشكوره اختي على مرورج .
مو يا اختي الدار اللي انام فيها الكبت ارفف وملابسنا اللي تحتاج علاق بالغرفه الثانيه ..
ومانقدر نقفل الغرفه لان بتعلم الوالده والوالده بتزفنا ..
واصلا الكبت اللي بالغرفه الثانيه مافيها مفاتيح
انا افكر اسويلي غرفه خاصه فيني قبل لا اتزوج واحط فيها اغراضي.

 

[عاشقه القيصر]

حاولي احفظي اغراضج اكثر
حتى لو تحظين جناط التجهيز تحت سريرج
او طلعي لبسج الي بالكبت وحطيه بغرفه المخزن
وكبنج الي في دارج حطي فيه تجهيزج وعشان يكون قدام عينج

شرفني مرورج اختي..
السرير اللي انام فيه مافيه فتحه من تحت
والكبت نظام ارفف اللي عندي بالدار .
مشكوره حبيبيتي على ردج

 

[عاشقه القيصر]

فتشيهااا وووقووولي لااامج لاتقولين خدامتنا من سنين ولادنين والله الخدم مافيه ثقه


احنا كانت عندنا خدامه شنو 12 سنه وبالاخر دريناا انه قااعد تبووقناااا يعني لاتثقين فيهااا وخداااااامه بدالها الف خدااااامهه

وحاولين تفضين كبتج اللي بدارج وحطي اغرااضج فيهاااا لااتحطينهاا بمكان كل من هب ودب فيه يدشههه

مو يا اختي قلت لامي امي قالتلي اسكتي دفعه بلاء اهي عندنا من 18 سنه وعليها حركات بس مو البوق البوق لا الششعلات البسيطه .. اهي حيل زينه وطيبه وشغلها نظيف ومالها حس ..
كانت تاخذ شغلات مني وكنت اسكت ولا اتكلم بس مو بتجهيزي

 

[عاشقه القيصر]

تعرفين الصناديق الحديد الكبار الي لهم قفل ؟

اخذي لج واحد و حطي كل شي تشترينه فيه و اقفليه


و حطي الاشياء الغاليه بتجوري تلقينهم على 25 للذهب و الساعات و هالسوالف و حطيه بدار امج


و الله يوفقج حبيبتي

\

مشكوره اختي الغاليه ..
حلوه فكره الصندوق بس انا لليلحين مابديت بالتجهيز الي بمعنى تجهيز ..
انا اخذ الشغلات اللي تعجبني من السوق .. وان شاء الله بشتريه الصندوق وجزاج الله خير يا اختي الغاليه

 

[الأميرة جوري]

قبل لا تظلمينها لازم تلقين عليها دليل بعدها واجهيها او قولي لامج علشان تتفاهم معاها واغراااااااضج خشيهم ليشششش تشوفهم ؟

 

[Om_Ksha]

^
او قفلي الجناط بمفتاح .. او اشتري الجناط اللي بقفل .. وبعدين لا تورين احد شغلج مو زين نفس الخدامه فيه او شي ,,

 

[يوآش يوآش]

رد : تجهيزي والخدامه

الله يعنيج

موحاله هذي تقعدين تشترين

واهيا تاخذ

بس انتي لا تظلمينها تأكدي بالاول

فتشي دارها بدون ما تدري

اخذي وحده من خواتج وروحو دارها

وفتشوها طبعا من غير لا تحس

لمن تكون مشغوله

 

[حجيه هيونه]

حل من اثنين قفلي الغرفه والشنطه

او حطي كاميرا

والكاميرا احسن اكيد الى يمد ايده قاعد يمدها من زمان وانتو ياغافلين لكم الله

 

[ba6boo6ah]

مثل مآآ قالت وحدة من البنآآت اشتري صندوووق حديد له قفل حطي اغراضج فية واقفلية واذا شريتي شي لآ تعرضينة جدآآمهاا
هم اهي بشر وتفز نفسهاا وتشتهي اللبس خلي كل شغلج بدوون لآ تشوووف احفظلج والله يعينج حبووبة

 

[حلا الظفير]

شوفي حبيبتي


تعرفين القفل الصغييييير حيييل الذهبي اشتري ع عدد الجناط اللي تحطين فيها اغراض تجهيزج وقفلي الجنطه وخلي المفتاح معاج وماحد يقدر يجي اغراضج

يختي شي يقههر انتي تتعبين وتجهزين بفلوسج وتجي هذي تاخذهم بارده مبرده واااي قههههر روحي فتشي باغراضها اكيد تلقينهم

 

[زهره التوليب]

شوفي يااختي افضل حل قبل ماتظلميها
انك ترمي كلام قدام اخواتك وهيا انه انتي حاطه كاميرا ومتصله بجوالك عشان انتي تلاحظي انه في اشياء من اغراضك تنقص
وتتفقي مع اخواتك على كده
وبعديمن من صدق حطي كاميرا مافيها شي امكن انتي ظالمتها
وكمان قبل ماتحطي غرض اذكري عليه اسم الله قولي بسم الله واقراي ا يه الكرسي عليها عشان تنحفظ لك
واستودعيها عند الله
وجيبي من الاقفال الصغيره وحطيها بالشنط ومفاتيحها لاتعطيها لاحد او من اول اشتري شنط فيها ارقام سريه وريحي نفسك
والله يحمي اغراضك
ويسعدك بحياتك

 

[Miss McDonald]

البنات ما قصصروآ ولله يهنيج يآرب ~؛

 

[كيميائيه]

البنات كفو ووفو
ماكو الا تفتشين بأغراضها
وتشترين لج جنطه وفيها قفل او صندوق وتقفلينه
والله يوفقج ويهنيج يارب

 

[الغاليه نونو]

اقول حبوبه المثل يقوووووول ...... لا تآمن للثور لو راسه بالجدر


روحي فتشي اغراضها وشوفي ثيابج وينهم فيه وبعدين ليش تخشين اغراضج بالمخزن كلش كلش دعسيهم بدار امج اشدعوه ماكو مكان لي هالدرجه؟؟؟؟؟؟؟؟؟؟؟؟؟؟؟؟؟؟؟؟؟؟

والا حطيهم بجنطه تنقفل وقطي الجنطه فوق الكبت اللي بدارج ون شفتي ماكو مكان عطيهم امج تخشهم بغرفتها ولا تراوينها اغراضج حتي لوصاير لها مليون سنه عندكم

ديري بالج علي حلالج والمثل الثاني يقول ........عينك علي مالك دوا

 

[SelezYa]

حبيبتي ليش وايد مصعبه الموضوع؟


بسيطه وسهله

روحي اشتري قفل
وكل ماحطيتي شي بالجنطه صكريها وقفليها

سهله يعني !! لو تخلينها بدارها انشالله ماراح تقدر تسوي شي


والمفتاح عندج

ولا تقولين هذي شغلات خفيفه
لاحبيبتي مهما كان اغراضج والنيه لعرسج فلا تهونين السالفه

اشتري قفل وفكي نفسج من الشكوك