تجهيزي لنفاسي .. الخبيرات وينكم

[أملي بعد الله]

السلام عليكم ورحمة الله وبركاته

حبايبي شلونكم:eh_s(17):وشلون البيبيات الحلوين:eh_s(17):

أنا حامل في الشهر الخامس وبديت أسوي لي قائمة بالتجهيزات اللي أحتاجها

بس أبيكم تساعدوني بتجهيز النفاس ولا عليكم أمر

شنو نشتري وشنو الضروري

أما بسوي أستقبالي في البيت وبيكون ناعم إن شا الله يعني لحد الحين حاطه ببالي أشتري /

1-كفر نفاس ناعم وذرب
2-توزيعات النفاس
3-دويات نفاسي ساعدوني فيهم أنا شريت حلبة ورشاد وسويدة ويانسون ودارسين
ساعدوني شنو أشتري بعد شاللي ناقص
لأنه ماعندي أحد ينفسني غير أختي الكبيرة وهي بعد ماعندها خبرة مو متزوجة
وأمي متوفية الله يرحمها :eh_s(11):
4- ملابس النفاس .. شنو المهم بالضبط ؟ من دراريع وبجايم وجذي
5- العناية الشخصية والطبية للجروح
6- الرضاعة الطبيعية واحتياجات الأم من هالناحية تنظيف وتعقيم

تكفون واااايد محتاسة فيدوني يزاكم الله خير:eh_s(17):يمكن لستتي ناقصة بعد مادري اللي عندها إضافة أشكرها وااااااااااااااايد لو ضافتها

و في ميزان حسناتكم إن شا الله

:eh_s(22):

 

[راقيه وجذابه]

يابعد قلبي والله ماعرف لاني بجريه ولا كان ساعدتج من عيوني

موضوعج مهم ومفيد وقيم

عسى الله يقومج بالسلامه وتفرحين بشوفة ضناج سليم معافى

اللهم امين يارب العالمين

اب

اب

اب

 

[بيرلا ستور]

حياتي ربي يرحم امج ونحنا هنيه كلنا خوات
اذا تبين اي شي من عندي حياج

وبالنسبة للدراعات لا تكثرين وايد والقمصان وانتبهي لنقطة مهمة عشان الرضاعه الطبيعيه كل البجايم والقمصان يبيهم لهم ازرار او فتحة من جدام سحاب وجذيه لتسهيل العمليه عليج

واغراض النظافه مايبيله المستشفى بس تطلعين بالسلامة راح يخبرونج ويعطونج المعقمات والكريمات اللازمة

اغراض البيبي بعد لا تكثرين منها لان بسرعه يكبر

اي سؤال انا حاضره وربي يفرح قلبج بقدومه يارب

 

[آجمل نسآء آلدنيآ]

حياااااتي الله يسهل عليج وتقومين بالسلامه ..~

 

[شيهانة]

اهم شي الحسوا تكفين لاتخلينه اذا ماعندج احد ايسويه روحي حق حواي السالميه القديم اللي طوفته لازقه بالمبرقعه مال الذهب هذا الحواي شغله ثقه او اخذي من اللي معنا بالمنتدي في جم وحده يمدحون حسوها ولاتنسين الدلاغات والرزنه حق الحليب والزنجبيل والجفت من الحواي بعد حق الخياط ويضيج من تحت تتنقعين فيه والمره واذا ذكرت شي هم بكتبلج يالغاليه ولاتحاتين احنا كلنا معاج

 

[راقيه وجذابه]

اي افا عليج احنا معاج بس اي وقت اطلبي الفزعه وشوفي كويتيات شبيسوون >> عبالها هوشه

اب

اب

^_^

 

[أملي بعد الله]

حبايبي والله ماقصرتوا أشكركم وحدة وحدة وكلن باسمها والله ماتصدقون شقد هالموضوع مهم وشاغلني

كل اللي قلتوه بسيفه عندي إن شا الله .. نظر عيني ونعم العزوة والله ..

فوديييييييتكم حدي مستانسة والله

أمي الغالية صج ماتت الله يرحمها بس الله سخرلي خوات مثلكم وشرواكم موجودين عند الشدايد

ودي بتجارب أكثر تكفون لاحد يبخل هالموضوع بيكون مرجع لكل بجرية ولكل وحدة ماعندها أحد ينفسها

 

[No0oT]

انا نفس حالتج ما اعرف ببدي اشتري الشهر الياي لان هشهر تعبت كل اشتريت حق البنوته

ياريت يفيدوتا البنات اللي ولدين قبل

وشششكراً

 

[الغـــــزال]

أفااا عليك..أعتبرينا أمهاتك خواتك وأن بغيتي جداتك بعد..( :

أكتبي لـكل شغله لسته بروح علشان ما تتلخبطين..

يعني لسته لأغراض البيبي

تبانات..افرولات..مهدات..خيوط..قبعات قطن..صدريات..فوطه لسبوح..فوط صغيره
عدة السبوح تلقينها بعلبه كامله من شامبو وجل شاور ولوشن وبيبي اويل
مناديل مرطبه للبيبي..رضاعات..فرش تنظيف الرضاعات..


لسته لنفاسك..
أنا أفضل لو تأخذينها من وحده ثقه..تكون مضبطه كل شغل النفاس وعليه ملصقات تعرفين متى تأكلينهم أو تشربينهم
أخذي لك مره

ملابس النفاس
أخذي لك قميصين أو ثلاثه للأستقبال
وكم قميص قطن عادي..
دلاغات
سراويل طويله قطن
ملافع قطن علشان مايدخل الهوا راسك

قطن لصدر علشان الحليب ما يبلل ملابسك
شفاطه للحليب علشان صدرك ما يمتلي ويوجعك

وبالنسبه للخياطه..الدكتور راح يصرف لك مسكن وبخاخ وكريم لازم تداومين عليهم

هذا اللي تذكرته حاليا..سامحيني ع القصور

والله يهون عليك ..وتولدين بالسلامه

 

[اماسي الشوق]

يا حيااااااتي انتي افا علييييك انا اساااعدك انا الحين داخله التاسع وتقريبا خلصت بس قوليلي اذا انتي من المنطقه الرابعه ولا لا بسااااعدك كثييير واعطيج اسامي محلات ورقم مره تسوي ادوية نفاس رووعه دايم انا وخواتي ناخذ منها وبحذي تكونين مخلصه الاغراض الرئسيه .. بس قوليلي باي منطقه او رلسليني ع الخاص [/size]

 

[غرام القمة]

الله يهون عليج وعلي جميع الحوامل ياااارب

 

[ليانة]

الله يهون علينا جميعا و يرحم اميمتج و الله يقر عينج بضناج يارب ' اهم شي الحسو عشان تنظفين و اغراض البيبي مثل ماقالوا الخوات لا تكثرين لان اسم الله عليه بسرعه يكبر ، موفقه

 

[كل دنيتي امي@]

الله يهون عليج يارب

ويرحم امك ويسكنها الفردوس الاعلى

لي عودهـ
النوم سلطان عظيم

اذا صحيت ارسلت لك ادوية النفاس الضرورية

 

[sarah91]

قمصان لا اتفكرين من غير العندليب الاصفر بالديره في مجمع عيد النصار روحي اخذي يعني انا شريت النعال "كرمج الله " ب 7 و البجامات و الدراريع اتبلش 14 او 18 و 24 و تقدر اتعدل القياس لج بعد ..

الكفر اخذي من صفاه الغانم حلة الشغل ...

شنو ناقصج بعد ؟

 

[-تكفيني الذكرى-]

الله يرحم امك يارب ..


ادخلي هالرابط ( نظام فيافي لنفاس )
مرررررررررررة خطير واغلب السعوديات يمشون ع نظام فيافي ترجع الحرمة تهبل

أدعيلي بليييييييييييييييييييييز



http://www.lakii.com/vb/a-70/a-245535/

 

[ابدا يالغالي مانساك]

حبيبتي ربي يقومج بالسلامه
والبنااااات مايقصرون ​

 

[كل دنيتي امي@]

ارسلت لج يالغاليه بالخاص

دعواتك لي بالزوج الصالح

عاجلً غير اجل

 

[Bloom]

1-كفر نفاس ناعم وذرب

انا شريته من التلال اسم المحل دريم حلو بس اسعاره غاليه من 200 لي 2000

2-توزيعات النفاس

في وايد اشياء ناعمه وحلوه

3-دويات نفاسي ساعدوني فيهم أنا شريت حلبة ورشاد وسويدة ويانسون ودارسين


4- ملابس النفاس .. شنو المهم بالضبط ؟ من دراريع وبجايم وجذي

اذا حق النفاس اخذي الي فيهم مكان حق الرضاعه تلقينهم عند انور واذا تبين حق الاستقبال شوفي عند التاجرات هني اخذي شي مميز وراقي

5- العناية الشخصية والطبية للجروح

اذا انتي طبيعي ماقدر افيدج اذا قيصريه اهم شي سرير البيبي يكون مرتفع مو نازل وتلقينهم بسنتر بوينت ايي الي يترفع ينفعج لين 5 شهور تقريبا وسعره يمكن 30 25 واذا طبيعي يقولون تنقعي بماي وملح يعقم الجرح

6- الرضاعة الطبيعية واحتياجات الأم من هالناحية تنظيف وتعقيم

اذا انتي ناويه ترضعين طبيعي بس اول 20 يوم لاتعطين البيبي المرضاعه حتى لو شافطه لانه راح يكون عنده خربطه بيكون ليحين ماتعود على الصدر والمرضاعه اسهل فبيعاف صدرج ويبي المرضاعه بعدها ابتدي شفطي له اذا تبين تنامين واحد يمسكه ودايما شفطي بعد ماترضعينه شفطي صدر وخلي له صدر يمكن يقوم وهكذا شفطي مرتين ثلاث لين ماتترسين له شبعته

واي استفسار عن الرضاعه الطبيعيه خبريني

 

[••غـلآًهْـم••]

ماقصرو البنات والله يرحم امواتج وامواتنا واموات المسلمين

والله حتي انا بجريه وودي اخذ اعشابي من التاجره اللي معانا ام خالد لان حيل يمدحونها


وترا استعجلتي علي الاعشاب يوم شريتيها

 

[أملي بعد الله]

الله يجزاكم خير حبايبي ماقصرتوا تسلمون لي وحدة وحدة .. والله ظروفي الله العالم فيـها وتقريباً كلشي على راسي
والمشكلة مافي وقت داش علينا رمضان إن شا الله وبعده العيد إذا الله كتب لنا عمر وخلاص بعدها يبدأ العدأ التنازلي لي
مايمديني أسوي شي برمضان والعيد كلللش كفاية لوية الصيام وبعدها لوية العيد

نصايحكم رح آخذها بعين الإعتبار وحابة أشكر كل من ساعدني سواءاً هني أو بالخاص
والله خففتوا عني حمل كبيـــر ع الأقل عرفت أرتب أفكاري وشسوي
جزاكم الله كل خير

نسيت أقولكم إني مو كويتية وأشكر الأخت الغالية اللي عرضت علي إنها تساعدني بالخاص بكل المحلات وسألتني إذا كنت بالمنطقة الرابعة والله نسيت نكج حبيبة قلبي ماقصرتي

أنا أقدر أدبر عمري بالمحلات هني بدولتي بس قبلها أبي أعرف شنو آخذ وشنو أسوي وكيف بيكون نظامي

ماقصرتووووا حبايبي ساعدتوني وااااايد