السلام عليكم ورحمة الله وبركاته
اشلونكم احلى كروشاااات الله يسها علينا الحمل والولاده
انا عن نفسي اسبوع وادش شهري بس حاسه روحي بولد من الحين :eh_s(11):
قلت اتسلى وانزل لكم شنو جهزت للبيبي منها افيد واستفيد منكم لي نقص شي
ومنها اندردش وانضيع وقت حيييييييييل نفسيتي متازمه وثقلت
يله راح ابلش بالصور واكتب لكم كل شغله من وين واي استفسار انا حاضره
هذا الطقم حيل عجبني وناعم حسيته واكثر شي عجبتني الفيونكه لان شكل البيبي طالع مثل الهديه وفعلا الاولاد اكبر هديه من رب العالمين ربي يرزق كل محروم :yaaaaaarb:
طبعا هذي شغل وحده اتسويهم بالانستغرام واذا تبين مدس هم اتسويلج نفسه 5 قطع اهو
مخدة الرضاعه ةما استغني عنها ابدا وحيييل فادتني على بجري والله وانصحكم فيها وبقوه
وانا ماخذتها من سنتر بوينت .. واللفه الاوفوايت حق المشاوير السريعه وتسند راس الياهل من مذركير حسيتها عميله وشفت وحده بالسيف مستخدمته لولدها حيل عجبني لان ذرب وعملي
والعلبه هذي يدفي الوايبس وصراحه حيل عانيت انا من بروده الوايبس من يقعد البيبي بليل
فادتني فيهالاخت قمري صراحهبموضوعها بس انا خذيت الحجم الصغير اهي ماخذه الكبير حسيته
اخف للجنطه ..طبعا طلبته من بره ما حصلته لا بمذر كير ولا سنتر بوينت والاخت قمري ماخذته من
محل بليلى جاليري
طبعا الصوره موضحه شنو الاستخدام لام كل شي بمكان واحد انا طلبته من برا وبمذركير في منه على 15 دينار
ببلش من فوق احب هذيله المميات الصغار بالذات حق اول فتره لمه اعطي البيبي ماي او ماي غريب لانها صغيره ونتفه وانا ضاريه له علبه بغطى عشان يضل دايما نظيف ومعقم .
العلبه اللي يمه عباره عن فوطه تنحط عالجتف بعد ما ترضعين البييبي عشان لا يوصخج وهم تقدرين اتغطين صدرج فيها حزه الرضاعه من سنتر بوينت .وطبعا ليفه السباحه وعلبه البودر من سنتر بوينت .
فوط لجميع الاستخدامات للطلعات والصغار حق بعد الرضاعه والللي نفس القماط للسباحه نفس قماط اللزق حييييل عميله من سنتر بوينت .
عدة العنايه بالبيبي الاساسيه ( مقراضه . مشط .. مبرد .. شفاط الخشم ) من سنتر بوينت عجبني لان معاه الجنطه انا ما احب كل شغله صوب
مهاد اللصق الغني عن التعريف تقريبا خذيت الالوان اللي تلوق على لبس البيبي ..انا طالبتهم من بره بس في تاجرات معانا يبيعون منهم .
بكمل لا اتردون :eh_s(17):
