تجهيزات النفاس للضيافه

[صابرة الحمدلله]

السلام عليكم حبايبي


حبايبي انا بجر ومحتاسه واول وحدة نفاس ببيتنا يعني ماكو خبره كلش

وماشالله في بنات عليهم فناتق حلوة وكل يوم نلقى شي يديد

السؤااااااااااااااااااااااال


انا ماراح اسوي استقبال بالمستشفى كلش بس بالبيت

ومحتارة مادري شسوي

مبدئيا مفكرة اني

1- ازين السكر واللقاح والكلينكس وصينية الحلو والمكسرات

2- اسوي استاند التوزيعات

3- الكفر وهاذي الطامه مادري شسوي ومابي غالي ولا دفش:s141:

4-اطقم السكاين والفناجيل والمطارات

5- وسرير البيبي مادري اخذ سرير ولا سله

وبس هاذا اللي مفكرة فيه شرايكم واذا في اضافات علموني عشان كلنا نستفيد حبايبي


وشلون على لبس الاستقبال جم واحد اختي تقول اشتري 3 حلوين وغالين واخذي 4 عادين

بس احس واجد مادري

ويقولون اشتري سرير مو سله احسن عشان يكون لج اهني عندهم غير اللي ببيتي يكون


وعلى فكرة بنات انا مو موظفه فهاذي الطامه الكبرى وكل على زوجي الله يعينه الماديه

ولابد الله يسهل الامور يارب​

 

[احلى مريومه]

للرفع

 

[صابرة الحمدلله]

مشكووووووووووووووورة

 

[خبيرة اعشاب]

رد : تجهيزات النفاس للضيافه

حبيبتي ما عليج من المظاهر

اهم شي يكون شغلج ذرب و ناعم و الاهم انه على قد فلوسج

اول شي حددي الميزانية الي عندج

و بناءا على ميزانيتج تقدرين اتشوفين شنو الشغلات الي بتسوينها او الي تقدرين تستغنين عنها

لان في بنات ما يحددون ميزانية و تصرف على الكفر و اللبس و لما تجي حزة التوزيعات و التقديم و الضيافة تتوهق ...

فالافضل احسبي جم عندج و بعدين انساعدج بالمحلات الي اتناسب ميزانيتج

 

[ام طلال]

رد : تجهيزات النفاس للضيافه

اهم شي سلامتج وصدقيني يااما فيه اشياء رخيصه وحلوة واكيد ذوقج اهو اللي يحكم ومو كل شي غالي حلو وبالنسبه لقمصان النفاس فأنا اشوفهم وايد بصراحه

 

[صابرة الحمدلله]

مشكورين حبايبي وان شالله بشوف ميزانيتي وان شالله تضبط

وبالنسبه للبس النفاس وايد ادري وماراح اكثر

 

[مسس شوكولا]

حبوبة اذا تبين اسويلج
كفر وشغلات الاستقبال
الثانية عل قد ميزانيتج
وشغل راقي ومو مكرر
مثل ماتحبين

 

[مسس شوكولا]

حبوبة اذا تبين اسويلج
كفر وشغلات الاستقبال
الثانية عل قد ميزانيتج
وشغل راقي ومو مكرر
مثل ماتحبين

 

[DALAL25]

روحي مجمع نايف الديوس بحولي فيه كل شي من ككاو وحلو قوة وفيه بعد تحت بالسرداب لاكشيت فيه كل حنى صحون ومواعين حلو والاهم ان مجل دار الزين للكفرات بنفس المجمع وطيعا اهة غني عن التعريف وايد ذرب وراقي ورخيص

والمجمع يم دار الشفا وهذا رابط المحا دار الزين http://www.coolq8y.com/dar.php

وان شاء الله اكون فدتج والله يسهل عليج وتولدين بالسلامه

 

[Zen&7ala]

رد : تجهيزات النفاس للضيافه

حبيبتي

انتي مثلي بالضبط بجريه و ما تشتغلين و اول نفاس في بيتكم

والله انا جهزت كل شي و والله ما تكلفت

كفر خذيت من دار الزين اب 160 دينار حلو و ذرب و ناعم

و ملابس بيبي و اغراضه من سنتر بوينت و مذركير

و سرير البيبي من سنتر بوينت

و قمصان النفاس اخذي 6 و لا تخذين الغالين الي اب 70 و 80 لان حده ماله داعي

تلقين على 20 اشياء حلوووه و راقيه حيل بأنور و قاسم و الطاهر

و صدقيني سهالات و ماكو كلافه انشاءالله

 

[صابرة الحمدلله]

للرفع

 

[جذابه بنت ذيابه]

رد : تجهيزات النفاس للضيافه



حببيتي انا بولدي قطيت عليه قط
الصراحه تحسفت لانه كبر بسرعه اسمله عليه


فنصيحه خلي كل شي له حد

الكفر اشتري على قدج حلو ورخيص ..
الله يسلم سنتر بوينت ,,وستي سنتر


والجاهل سوي له على قدج


يعني لا تخربطين ,,
كل شي اشتري منه شويه لان بيكبر بسرعه
اسمله عليه ..



والله يتمم لج على خير يارب

 

[زهره الجلنار]

اب
اب

 

[ترووفه]

صابره

ربي يتمم عليج ويرفع مشيمتج وتولدين في وقت ولادتج المحدده ياارب

ماحبيت اطلع من غير رد

حاولي ماتتكلفين الناس ماتعطي خير

 

[كتكوته ورديه]

علي راحتج بس انا اقول واحد لبس الاستقبال كافي

 

[..’’ياقلبـك الخوّاف’’..]

حبيبتي ماهان تبارك سوي الشغل ذرب وبسعر معقول وعلى قولة خواتي الناس ماتعطي عين..اغراض البيبي اشتري من سنتر بوينت ومذركير والسرير جيبي سرير الخوص من مذركير ذرب حيييييييييييل .. ودارايع الاستقبال تلاقينهم حلوين واسعارهم على 15 و12 بمجمع النقر ه الجنوبي اول محلين عاليمين عند الدخله الظاهر اسم المحل كادو ليدي..وبس

 

[صابرة الحمدلله]

مشكوريييييييييييييين وان شالله كلنا نستفيد يارب

 

[*Crafty-girl*]

انا قالولي لاتكثرين قمصان استقبال ماله داعي يعني حدج 3 كافي وكل يوم غيري بينهم

وهم الياهل يكبر بسرعه لاتكثرين ملابس غاليه دربالج ,, الشغلات الغاليه اخذيله الشالات اللي تلفينها عليه لانه الناس بس بتشوف من بره اخذيله 4 شالات اعتقد كافي .. والكفر اخذيلج بو نفرين عشان تستفيدين منه بشقتج اذا خلصتي من ال40 ولاتاخذين فوق ال100 دينار والله حرام تلاقين كفرات حلوه وذربه على 50 او 60 اهم شي الذوق والنعومه مومهم يكون غالي ...


والله يهون علينا

 

[احبة ولكن]

رد : تجهيزات النفاس للضيافه

للرفع والاستفادة

 

[السولعيه]

الله يهون عليج حبيبتي ويقومج بالسلامه


زين دام ما تبين استقبال مستشفى ليش كفر غالي وسرير كشخه للبيبي ؟ مو شرط ادخلين الضيوف غرفة نفاسج

اشتري كفر جاهز وراقي من دبن هامز او زارا هوم ... والسرير سنتر بوينت الحين مسوي سيل لا يطوووفج اخذي شغل البيبي منه

طبعا لا تكثرين ملابس للبيبي كلها بعد الاربعين تصغر عليه ...


اهم شي حلو التقديم والسكر والمواعين وجيس ذرب للبيبي عشان لا بغيتي اطلعينه لضيوفج والقمصان على افا من يشيل واسعارها رووعه



انا شريت نفنوف بيج ذررب لي آخر الساق من معرض حسيته بيطلع راقي للنفاس ,, المعارض جايه لعيد الاضحى فري فيهم



وواي استفسار انا حاضره على الخاص