تجهيزاتكم للمدارس قبل رمضان والزحمه

[فرح@@الكويت]

:bbbiu:مرحباااا ياكويتااات يااحلوات

ورمضان كريم والله يعوده علينا بالخير والبركه ويحفظ ديرتنا وشعبها من كل مكروه ويحفظ كل الدول الاسلاميه:yaaaaaarb::yaaaaaarb:

بنات تعرفون ماباقى شى على رمضان الخير والكل يبى يستغله بالطاعه والعباده وانا اولكم علشان جذى ودى اخلص كل شى قبل رمضان:eh_s(4):

واهم شى عندى ابى اخلص حق المدارس انا عندى ولدى بيروح اولى ابتدائى ووانا وحده عليميه جديده على اجواء المدارس ابى اعرف من وين تشتروون لبس والكتب والدفاتر وشنو طلباتهم يعنى شنو اجهز انا بالمنطقه العاشره شنو قريب يمى اجهز منه





واللى ترد الله يوفقه واللى ماتعرف ترفع الموضوع بليز وشكرااا:eh_s(7):

 

[ام الدرر]

حبوبة اذا عندكم فاميلي كير
او اسواق شعبية مثل الجوهرة -السلطان-فاشن مل
عندهم كل شي للمدارس ملابس واحذية وجناط
حتى قرطاسية
تحصلين عندهم ​

 

[مشغوله و محتاسه]

الله يخلي لج وليدج


السوق للحين ما دخل جو المدارس .. انا دورت لبنتي ما لقيت


اشتري له جوتي مريح .. وجنطه خفيفه وحجمها مناسب له


مواصفات الجنطة :

اعلنت مديرة منطقة حولي التعليمية ورئيسة فريق مشروع تخفيف الحقيبة المدرسية منى الصلال نتائج دراسة «مدى تأثير الحقيبة المدرسية في العمود الفقري للطلبة» التي اجرتها وزارة التربية بالتعاون مع وزارة الصحة.
مبينة ان الفحوصات الطبية اثبتت تشوه في العمود الفقري لـ 66 في المئة من الطلبة
واوضحت الصلال خلال اللقاء التنويري الذي عقدته صباح أمس للتعريف بمشروع تخفيف الحقيبة المدرسية ان 74.7 في المئة من الطلبة، اكدوا من خلال الدراسة ان وزن الحقيبة المدرسية ثقيل جدا وان اسعار الحقائب المدرسية المطابقة للمواصفات الصحية مرتفع بسبب قلة المعروض منها وبينت ان 56.9 في المئة من فئات المجتمع الكويتي وافقوا على توفير دفاتر صغيرة بدلا من الكراسات الكبيرة، مشيرة الى ضرورة ان تصنع الحقيبة من مواد خفيفة الوزن، ومقاومة للماء وقابلة للتنظيف وذات جودة ومتانة عالية.
واضافت: يجب تزويد الحقيبة المدرسية بحزامين لتوزيع الوزن على الكتفين ويكون عرض كل حزام بمقدار «5سم» ومبطنا بمادة لينة لا تسبب ضغطا على الاكتاف وان يكون قابلا للتطويل والتقصير مع تزويد الحقيبة بحزام ثالث ليتم ربطها حول الحوض او حزام الخصر او اطار بمثابة قاعدة تنظم وتعيد توزيع وزن الحقيبة من الكتفين الى الحوض، الى جانب احتوائها على عدة حواجز واقسام منفصلة.
وحددت الصلال قياسات الحقيبة المدرسية الصحية بحيث يكون ارتفاعها، 40 سم وعرضها 28 سم وعمقها 12 سم للمرحلة الابتدائية وبالنسبة لحقيبة المرحلة المتوسطة والثانوية يجب ان يكون ارتفاعها 45 سم وعرضها 30 سم وعمقها 12سم
وذكرت ان الوزارة زودت غرفة تجارة وصناعة الكويت والشركات المعينة بالمواصفات المطلوبة للحقيبة المدرسية لاستيرادها وتوفيرها في الاسواق.

و اخذيه للمكتبة اشتري له القرطاسية اللي تعجبه .. و شجعيه اهو يختار ..

في اساسيات لازم تشترينها و في شغلات انتظري بداية السنة الدراسية المدرسة تحددها

مثلا بلوزرة الرياضة خليها بعدين .. يمكن المدرسه تحدد لون لكل مرحله



و بأول يوم دراسه اهو راح يداوم نص دوام قبل باقي المراحل .. يتعرف على المدرسة و اجواءها ويعطونكم ورقه فيها طلباتهم


بس العادة ..

العربي 4 دفاتر 40 ورقة ... بس 40 لا تزيدون على الياهل
الانجليزي .. الوان خشبية و دفترين 4 اسطر .. طبعا 40 ورقة بس
العلوم .. بالطو العلوم و ملف
الرياضيات .. دفتر واحد
الفنية .. كراسة وسط و الوان شينية

هذا اللي في بالي الحين




انا امس رحت لطيور الجنة بتشرى شغلات خفيفه للمطبخ .. جان الف على المكتبة عندهم واشتري ملفات للكتب

و اخذت شوية اقلام و صمغ و من هالسوالف

و البقية تاتي لما المكتبات تنتعش شوي عروض المدارس تبدا بالجمعيات

 

[فرح^^الكويت]

جزاكم الله الف خير


ومدرى اختى قالتلى عند الايواب اللى بحولى لبس حلو ومرتب بس يقولون لبس البنات احلى عندهم ياله نبى خبراتكم

 

[مشغوله و محتاسه]

والله يبيله روحه للايوب .. ابي حق بنتي


و لبس الصبيان بكل مكان حلووو لانه بسيط و مريح

 

[خيشة شكر@]

اليوم رحت ل360 مول ودخلت مارك سبنسر وخيت بنطلون وتيشرتات بيضا الي بالكيس احب شغل مارك وسبنسر كد ومد

 

[حور بنت علي]

ورانا رمضان وعيد ومدارس والله انهد حيلنا كله راكضين نشتري

 

[@ام يوسف@]

انا نفس حالتج عليميه ولدي بيدخل اولى ابتدائي هالسنه ان شاء الله وما ني عارفه شنو اشتري لانه اول واحد بعيالي يدخل المدرسه والله يعينا رمضان وعيد ومدارس

 

[اخت فروحه]

حراااااام عليج تو الناس

 

[dnyay_mll]

انا خلصت القرطاسيه وافكتيت الحمدلله هذا الاهم عندي
رحت لولو هايبر ورامز وخذيت القرطاسيه
والجناط من ماكس

والجواتي وانتي بكرامه والملابس
بمر النصر وماكس والايوب وسوق الديره

 

[كويتية222]

ربي يبلغنا رمضان يارب

خواتي ليش كله مستعيلين ترى تجهيز المدارس مايبيله شي !!

بنطرون وتي شيرت والا قميص والا نفنوف وملابس سبورت

والقرطاسية مسطرة واقلام ودفاتر وجنطة والسوووق ولله الحمد بديرتنا متروووووووووووس من هالشغلاااات

الهون ابرك ما يكون استمتعوا بالعطلة ولاحقين خير بإذن الله ​

 

[PuPa^^SWeeT]

همممممممممممممممم

انا بس شريت جنطة حق الروضة


و جنطة نفسها حق الحضانة يعني علشان بعد بنتي ماتغار من الكبيرة


بس مادري شنو يبون الروضة من اغراض ليلحيين

 

[مشغوله و محتاسه]

ربي يبلغنا رمضان يارب ​

خواتي ليش كله مستعيلين ترى تجهيز المدارس مايبيله شي !!​

بنطرون وتي شيرت والا قميص والا نفنوف وملابس سبورت ​

والقرطاسية مسطرة واقلام ودفاتر وجنطة والسوووق ولله الحمد بديرتنا متروووووووووووس من هالشغلاااات ​

الهون ابرك ما يكون استمتعوا بالعطلة ولاحقين خير بإذن الله ​

مو مستعيلين ..

بس نبي نفتك من الزحمه من جهه ... و نبي نلحق على الفلوس قبل لا تنصرف من جهة ثانية


و لا تنسين القياسات و الموديلات الحلوة اتطير بسرررعه

 

[بخـــارى]

نفسي
كتكوتي بتروح اولى ابتدائي
بروح الايوب ملابس المدرسه

 

[خيشة شكر@]

هيلاااااهووووب

 

[مسك وطيب]

الله يخليهم لكم يارب