تجمــــــع خاص لآهل الفنــاتق ( عزيمه - حفله - زواج - عيد ميلاد -..... )

[قلبوو انا]

مسسسسساء الخير حبايبي


كيفكم ان شاء الله الكل بصحـــــه وعافيه :tek:


حابه نتجمع مع بعض

وكل وحده تقول لنا عن فنتق شافته بحفله او مناسبه او عزيمه او اوو كل شي طبعا

يعني انا ان شاء الله الاسبوع الجاي عندنا عشاء مسوينه لاابوي على سلامته لانه كان مسوي عملية جراحة قلب ..

وبصراحــــــــه انا بدونكم اضيـــــــــــــــــــــــــــــــــــع


احنا بنسويها باستراحه وحابه اعرف عن مثلا طريقه جديده بتوزيع المعجنات او الحلا او التمر

وشرايكم نقدم عصير - كابتشينو - ......

انا فكرت شفتوا العلب الصغار الشفافه اللي يصير بوكس شفاف نحط فيه معجنات من كل نوع ونغلفه بشريطه حلوه

بسسسسس بينزعجون الناس اخاف يعني الشرايط يبي لها تلصيق وصمغ ووو ماراح يقدون يفكونه او شي كذا ..


ابي اسووي طاوله على جنب وازينها بالاقمششه وشي مرتفع وشي نازل يعني الطاوله يحط عليهم كراتين صغيره ووو علشان يطلع شكلها حلو ..

يالله ناطـــــــره تجاربكم وفناتكم ..

للعلم

انا سعوديه يعني ابي حركات ماابي محلات لاني مااقدر اروح لهم



فديتكم

 

[قلبوو انا]

حبايبي انا هنا انتظركم << احلفي خخخخ

 

[MaZaji CoOL]

أهلييين ..

هابين بطريقه جديده للتقديم اللي يكون صحن صغير فيه مكان حق فنجان القهوه .. ومكان حق بيالة الجاي .. ومكان حق كلينكس صغير .. وبنص الصحن فراغ تحطين فيه حبات من المعجنات .. وحبات من الحلو ... وكل ضيف يكون له صحن وانتي تمسكين مطارتج واللي تخلص فنجانها تصبين لها أو يخلص الحلو مالها تزيدينها ... أحسه متعبه .. بس هاذا اللي سمعت انهم هابين فيه ...


واذا على سلامة ابوج .. تقدرين تحطين ستاند و تطلبين كاكاو .. وتغلفين كل حبه مع كرت صغير يعبر عن فرحتج بسلامة أبوج .. وتحطينه على الطاوله والضيوف يمرون وياخذون .. او انتي بعد العشا تمرين فيه وتخلينهم ياخذون ...


ولاتنسين العصاير الطبيعيه ..سوي خلطات .. يعني مانجا وفراوله .. ليمون ونعناع .. موز وحليب .. وجذي ..


وبس هاذا اللي ببالي الحين ..

:33_1185028183:



بس حبوبه مااافهمت هالجمله:

انا سعوديه يعني ابي حركات ماابي محلات لاني مااقدر اروح لهم

 

[MaZaji CoOL]

.
.

بعد جربي تلبيسة المطارات .. اللي تكون مطارة الجاي ومطارة القهوه .. والمبخر .. ومفرش الطاوله كلهم ملبسين قطعه خااام نفس الشي ..
.
.

 

[قلبوو انا]

حيااااتي مزاجي كوول

مشكوووووووووووووره ياقلبووو انتي


رووووووعه فكرة الصينيه الصغيره بس الحريم كثيرررر


الكاكاو ان شاء الله بنسووي بس سالفة الكرت وحده من اهلنا سوته يعني شافوها اهلنا


حبيبتي اللي تقولين مافهمتيه

اقصد انا سعوديه من الخبر لان فيه بنات يحسبوني كويتيه يقولون مثلا روحي لمحل الفلاني فيه شغلات حلوه وانا مااقدر اروح فهمتي

يعني ابي الفكره وانا ان شاء الله بحاول اسويها



وااااااااي فديتك انتي الوحيده اللي عبرتيني خخخخخخخخ

 

[MaZaji CoOL]

هلااااا فيج ..


بس فكرة الكاكاو مع الكرت عاااااادي من زمان واحنا نسويها و للحين .. لإن مناسبه عن مناسبة تفرق .. وكلام عن كلاام يفرق ... يعني لو حطيتي كلمة حلووة بحق ابوج .. وسويتي التغليف بشكل غير عنها لتطلع واااااااااو ...

أو بدال الكاكاو .. سوي مكسرات مع علوج << علك يعني ...لول

يعني اخذي مترين تــور ويكون لونه نفس لون الديكور .. وقصصيه مربعات صغار و كل مربع احشيه بالمكسرات والعلوج بعدين صكريه بشريطه حلوة وعلقي عليها الكرت ... :stars: وحطيه بسله كبيره .. وزيني السله بنفس التور ونفس الشرايط ..



.
.

بالنسبه للمقبلات حاولي تسوين كلوب ساندويش صغاااااااار اللي تقزينهم بعود اسنان وفوقه زيتونه .. او تلفين التوست المحشي على شكل زقاير << طالع التشبيه ..!! .. يعني لفائف و تلفينها بأعواد الكراث .. ..

.
.

حطي سكر ملوون ..

.
.

الخ ..

 

[قلبوو انا]

حبييييييبتي اني مشكوووووووووووووووووووووووووووووووووووره فديتك


حلوو ذكرتيني للسكر الملون

بس ماعف طريقته كيف اسويه ؟


بنات وييييييييينكم ؟؟

 

[قلبوو انا]

آآآآآآآآب

 

[حبيبه بدر]

اي والله وانا ابي حركات بعد انا بعد من السعوديه

 

[قلبوو انا]

حياك الله حبيبة بدر

 

[قلبوو انا]

بنااااااااات لقيت طريقه حلووه وغريبه ..

اول شي تاخذون الكاس حق العصير

وتسوون جلي اي لون تحبوون

وتصبونه بالكاس وتخلون الكاس مايل وتدخلينه الثلاجه ويجمممد على ميلانه

واذا حبيتي بعد سوي لون ثاني وسوي ميلان ثاني


وقبل التقديم بس صبي عصير عليه وبيطلع شكله خطييييييير



وش رايكم ؟؟

 

[قلبوو انا]

آفاااااا

 

[Artist81]

حلوه فكرت الجلي و العصير هاذي عجبتني مرره

طيب بما انك مثلي من الخبر

ايش رايك تروحين محل الافكار الذهبيه اللي بحي العدامه بالدمام
ترى يجنن فيه اشياء رخيصه و روعه تعطيكي افكار كثير

تحياتي

 

[قلبوو انا]

ياحبي لك فديت اهلي و الله

اي اعرررررررفه مره يعجبني بس حق حركات يعني توزيعات شغلات ..


منووووره

 

[قلبوو انا]

آلووو..

 

[الدانة-81]

غلا انسان
انا عندي فكرة حلوة و سويتها حق ولادتي ببنتي
تروحين مكتبة اسلامية من اللي يبيعون ادعية و أذكار و تشترين كمية من مختلف الأدعية (و بما ان الوالد مسوي عملية) فأدعية للمريض تنفع بهالمناسبة--و بعدين اذا عندكم محل يبيع علب او أظرف بس شكلها حلو و تكون نفس مقاس الكروت حطي كل كرت او كرتين بدعائين في ظرف و من برة الظرف تلزقين رسمة مكتوب عليها( الحمدلله على السلامه) او (أجر و عافيه)
و اتمنى ان تكون الفكرة عجبتج----و حمدلله على سلامة الوالد

 

[قلبوو انا]

تسلميييييييييييييين حبيبتي

 

[قلبوو انا]

ابشركم الحمد لله عدى العششاء تمام والكل مدحه


آآب

اللحين اكيد عزايم للحججاج خلونا نشوف فناتكم ..

 

[عهود الحب]

موفقين
خوش موضوع بس ياريت تحطون صور لشغلكم وفناتقكم
خل نتعلم منكم

 

[حبيبه بدر]

حياك الله حبيبة بدر

الله يحيج