....***تجمـع فنانات كويتيات النسائية***....حياكم الله حبيباتي(موضوع مميز)

[نهى الأحمد]

​

بسم الله الرحمن الرحيم​

شلوونكم حبيباتي​

عساكم بخير​

قبل فترة لما نزلت موضوع معرض فنانات كويتيات النسائية
بالفعل وجدت واايد بنات مبدعات ويانا في المنتدى في الرسم
وما شاءالله عليهم كلهم ​

يتني فكرة هالتجمع العطر حتى نتكلم فيه عن مواهبنا وكل شي يتعلق بالفن
والأشغال اليدوية​

وحتى نقدر نستفيد من بعض ونفيـــــد غيرنا بأفكارنا الحلوة ​

أي وحده عندها موهبة تحب تكلمنا عنها حياها الله في تجمعنا​

بالنسبة لــي​

الشي اللي أحبه اهو الرسم على المرايا​

بانتظاركم حبيباتي....​

 

[**(فـيـلا دانـتـيـل)**]

رد: ....***تجمـع فنانات كويتيات النسائية***....حياكم الله حبيباتي

انا احب الرسم بالرصاص
وانشالله احاول احط صور

 

[نهى الأحمد]

رد: ....***تجمـع فنانات كويتيات النسائية***....حياكم الله حبيباتي

انا احب الرسم بالرصاص
وانشالله احاول احط صور

هلا ياقلبي


شخبارج

حلو الرسم بالرصاص

واحنا بانتظار رسوماتج

موفقه ياقلبي

 

[Artist Q8]

رد: ....***تجمـع فنانات كويتيات النسائية***....حياكم الله حبيباتي

خوش فكره والله هالتجمع احس حقنا مهضوم بالمنتدى ليش ما يسوون لنا قسم بروح

على العموم

شلونج نهى عساج بخير

انا احب ارسم بالرصاص والفحم غرامي والباستيل ولي محاولات فاشله بالزيتي والاكريليك

اميل للمدرسه التعبيريه بالرسم واحب البورتريهات

ولا نزال نسعى للكمال لووول

احس يبيلي بعد 10 سنين عشان اطور نفسي واوصل للمستوى الي ابيه

جني هذرت وايد :$

 

[حلاها بلاها]

رد: ....***تجمـع فنانات كويتيات النسائية***....حياكم الله حبيباتي

حلوة فكرة التجمع زين سويتي نهى بس عاد ما ريتينا شغلج عالمرايا شوقتيني اشوفهم

فيلا دانتيل انتي بعد لا تبطين علينا بالصور اوكي

Artist Q8
حلوة رسمتج اللي حاطتها بالموقع مالج .. التظليل ناعم و الملامح ضابطتهم عدل ماشاء الله عليج.. انا كنت قبل الون بالباستيل و الخشبي
بس الحين تحولت للرسم و التلوين عن طريق الفوتوشوب بس ليلحين ريض علي يبيلي شغل وايد .. الحلو بالتلوين عن طريق الفوتوشوب
ان اذا غلطت بتلوين رسمة ما تخترب علي .. اقدر بسهوله اصحح الخطا او اعيد تلوينها لين اوصل للنتيجه اللي ترضيني.. وطبعا اكيد اوفر وايد
من ناحية مستلزمات الرسم من الوان و كراسات رسم .. ما تحاتين اذا ضاع لون منج و خلص.. او اذا ذابت الروقه من الالوان المائية لووووول حدي فاشلة باستخدام الالوان المائية.. كنت اخاف استخدمها بتلوين رسوماتي مع اني احب تاثيراتها.. الباستيل ارحم بوايد :$

الموووووهيــــــم.. هذي أخر رسمة رسمتها .. صايرة كسلاااااااانه هالايام .. عندي بجهازي وايد رسومات موكاملين يبيلهم تلوين

في بعد رسمات غيرها موجودين بموقع الفليكر اللي بتوقيعي.. احب اشتغل بالكروشية بعد بس من زمان عنه.. هم موجود شغلي بالموقع

 

[غير كل الناس]

رد: ....***تجمـع فنانات كويتيات النسائية***....حياكم الله حبيباتي

اهلين نهي

اول شي شلون الوالد بشرينا عنه ؟؟؟؟؟؟؟؟؟؟؟؟؟؟؟؟؟

طلعت المواهب ترسمين بعد

انا ارسم بالرصاص ورسمتي اللي اعتز فيها وجه ابونا جابر يمال الجنه البارده وبنزلها وقولي رايك بصراحه

 

[دلوعة روحي]

رد: ....***تجمـع فنانات كويتيات النسائية***....حياكم الله حبيباتي

خوش موضوع

الصراحة احب اشتغل بالكروشيه

و حاليا مشتركة بمعرض و ماشاء الله الاقبال وايد حلو على الشغل اليدوي

 

[مسك حياتي]

رد: ....***تجمـع فنانات كويتيات النسائية***....حياكم الله حبيباتي

انا احب الرسم بالرصاص و النقش بالقلم السائل و احب الاعمال بالجوخ و الالوان المائيه

و احب الكروشيه و قاعد احاول اتعلمه

 

[مسك حياتي]

رد: ....***تجمـع فنانات كويتيات النسائية***....حياكم الله حبيباتي

حلاها بلاها رسمتج وايد حلوه ماشاء الله و حلوه فكرتج الله يوفقج و لا تحرمينا من ابداعاتج

 

[نهى الأحمد]

رد: ....***تجمـع فنانات كويتيات النسائية***....حياكم الله حبيباتي

صباح الخيرات حبيباتي

شخباركم

أسعدتوني بتواجدكم في تجمعنا



وان شاءالله عن قريب بتشوفون رسوماتي على المرايا


طمنوني عنكم؟؟؟؟

 

[ديمـ77ــا]

رد: ....***تجمـع فنانات كويتيات النسائية***....حياكم الله حبيباتي

مرررررررررحبا...

تجمع حلووو...انشالله استمر معاكم...

احب الفن والالوان بكل مجالاته...

لي عوده..

سي يو..

 

[نهى الأحمد]

رد: ....***تجمـع فنانات كويتيات النسائية***....حياكم الله حبيباتي

مرررررررررحبا...

تجمع حلووو...انشالله استمر معاكم...

احب الفن والالوان بكل مجالاته...

لي عوده..

سي يو..

حياج الله ويانا حبيبتي

 

[عهد الامل]

رد: ....***تجمـع فنانات كويتيات النسائية***....حياكم الله حبيباتي

مشكورة علي التجمع حبيبتي لكل مبدعات الرسم جزاك الله كل خير
والله يوفقكم ان شاءالله

 

[om_maria05]

خوووش فكره
بالنسبة لي احب ارسم بالقواش و الزيتي و الفحم لكن ما احب ارسم وجووووه كلش مادري ليش و احب الاشغااال اليدوية بأنواعها باستثناء اي شي فيه خيط و ابره و احب الديكوور و احب ابدع فيه و احب المكيااااج و اعتبره فن و صارلي سنه اسوي كب كيك لاني ابدع باشكالهم و كل كيكة اسويها اعتبرها شغل فني فهم اعتبره فن اكثر من ان اهو مجرد صنع حلويات ) و الشي الوحيد اللي للحين ما تعلمته اهو الرسم و التصميم بالفوتوشوب ماعندي وقت افضى حسافه .. و سلامتككمم

 

[نهى الأحمد]

رد: ....***تجمـع فنانات كويتيات النسائية***....حياكم الله حبيباتي

مشكورة علي التجمع حبيبتي لكل مبدعات الرسم جزاك الله كل خير
والله يوفقكم ان شاءالله

مشكووره يا مشرفتنا الغاليه على التقدير الغالي


وأتمنى من خلال هذا التجمع انا نستفيد من بعض من خلال أفكارنا



مشكووره للمرة الثانيه:tek:

 

[نهى الأحمد]

صباح الخيرات حبيباتي


حبيت تشوفون شغلي بالرسم على المرايا

أعشقها جدا
وانا شاركت فيهم في مسابقة في قسم تنمية المهارات والحمدالله أخذت المركز الثالث

ونطرو مني عن قريب أشياء ثانيه

 

[French Friez]

السلام

حابه اشارك معاكم
بالنسبه لي احب التصوير الفوتوغرافي وتصميم مطبوعات بالصور عن طريق الفوتوشوب ... وتصاميم فوتوشوب اطبعها واسوي منها كروت للهدايا وتغليف الكاكاو واعمال مختلفه بالورق والجوخ واللي اقدر انجزه

بصراحه احب اعتمد على نفسي واطلع بشي مميز ومختلف

وهذي بعض اعمالي



هذا كرت للبزنز من تصميمي



وهذي مطبوعات اسوي منها تغليف للكاكاو

كرت للهديه

 

[سلة فواكة]

خوش تجمع
آنه أحب أشتغل بالكروشيه

حلاها بلاها شغل بالكروشيه واايد حلو الله يوفقج ..

 

[سلة فواكة]

خوش تجمع
آنه أحب أشتغل بالكروشيه و الاشغال اليدويه

حلاها بلاها شغلج بالكروشيه واايد حلو الله يوفقج ..

 

[LoloBlueStyle]

احب الكروشيه
والخرز حاليا
وودي اشارك بمعارض بس ......................شلوووووووون
..