تجمع english play group 2014/2015

[جوري الكويت]

السلام عليكم

اهنيكم في بدايه السنه اليديده و انشالله تكون سنه تفوق و نجاح لعيالنا

هذا التجمع علشان نعرف اخبار المدرسه و الواجبات و طرق التدريس و اي شي يديد ممكن يفيدنا في تدريس عيالنا .. لان التجمعات السابقه واايد قديمه و في اشياء وايد تغيرت بالبلاي قروب

انا بناتي في فرع سلوى

بنتي الكبيره في اولى ابتدائي فرع سلوى و اهيا الحمدلله من الحضانه و الروضه في المبنى الاخضر و الحين انتقلت الى مبنى الابتدائي فرع سلوى

و بنتي الصغيره رايحه اولى روضه و كانت عندهم بالحضانه في المبنى الاخضر


يا ريت اذا في احد مسجل بالبلاي قروب .. تذكر لنا عيالها اي صف و اي فرع
و اذا في احد حاب يذكر تجربته علشان نستفيد :33_1185028183::33_1185028183::33_1185028183:

 

[مارون جلاسيه]

:eh_s(7):وعليكم السلام..
انا ولدي بيروح ثانية روضة ان شاء الله وكان بمدرسة بلي قروب فرع سلوى ونقلتة هالسنة بفرعهم اليديد بمنطقة السلام وان شاء الله سنة خير عليهم...
ومشكورة على التجمع حبيبتي علشان الكل يستفيد واي سؤال انا حاضر

 

[noha33]

السلام عليكم
انا ابني بثاني روضة بمدرسة السالمية
قبل كان في فرع الرميثية كان ممتاز
بالنسبة لفرع السالمية للحين مو مبين شنو الوضع معاهم

 

[smsm25]

انا ابني بثانية روضه كان في المبنى الاخضر فرع سلوى و نقلته فرع السلام عشان قريب من دوامي وكان ممتاز فرع سلوى و هو كان مبسوط يارب يكون الفرع الجديد نفس المستوى

 

[جوري الكويت]

احسن فرع عندهم المبنى الأخضر في سلوى لأنه اقدم واحد و دايما يحطون فيه المدرسات المميزات

أولى ابتدائي للحين مو مبين مستواهم ,, لأن بنتي تأسست في الروضه .. بعدين يبين انشالله تكون الابتدائية عندهم زينه مثل الروضه

 

[Cute mama]

عيالي كانوا ببلاي قروب وطلعتهم الحين نقلتهم حق kuwait national english school
حبيت مبنى الجابريه وايد يديد وهادي والطلبه عددهم معقول ماكو زحمه وضغط ووايد كانوا يهتمون بعيالي بالدراسه بالشخصيه بالاكل بكل شي وكنت حيل اامن عليهم
الاداره تهبل والمدرسات
كدراسه زينين بس كلغه مو وايد مثل المدارس الانجليزيه او الامريكيه الثانيه
ماحبيت كلش مبنى سلوى زحمه وضغط ومن كثر عدد الطلبه مو ملحقين
ماكو اهتمام وفوضه
مره رفيجتي تقولي عيالها بالروضه رادين البيت بالباص من غير مشرفه !!!
حتى تعامل الاداره ماحبيته وايد

 

[أم فطومتي]

الإنجليش بلاي جروب الجابرية مريح و منظم و قاعده أفكر اخلي عيالي عندهم السنة اليايه

 

[فـراوله]

السلام عليكم

توني اش

 

[فـراوله]

السلام عليكم

توني ادري عن التجمع


انا ولدي باولي روضه فرع عبدالله المبارك

المبني اليديد والله في شغلات حلوه فيه وفي

شغلات علي عتب عليها بس بعدين بذكر كل شي