تجمع مواليد اكتوبر 2012 .... حياكم اكتوبريات

[جِراحُ الغَرام]

شلونكم يا اكتوبريات 2012
تجمعنا بقسم الحوامل كان روعه وصرنا مثل الخوات وقلوبنا مع بعض
وعشان نكمل المشوار فتحت التجمع هني
منها نتناصح بامور اطفالنا وامورنا احنا كامهات مواليد ونسولف بعد
مع اني لا انا اول ولا اخر وحده ولدت بالقروب بس قلت افتتحه وان شاء الله نكمل هني لما يصكرون التجمع هناك
:ggdw: :ggdw: :ggdw:

 

[جِراحُ الغَرام]

معاكم جراح الغرام
ولدت ١٥-١٠-٢٠١٢
يبت ولد سميته علي
ولدت بعمايه قيصريه
وحاليا ولدي فيه بوصفار

 

[ام رينـاد]

مبرووووووووووك للوالدات والله يحفظلكم البيبيات

وعقبال الصامدات

تذكرت أطفاال كتوبر 2011 مرت الايام ياحلوهم

 

[جِراحُ الغَرام]

ام ريناد
الله يبارك فيج ويخلي لج بانتج ان شاء الله

 

[نور دنياه]

مبررروووك الافتتااح ، ياحلو تجمعنا الحين صاير صخه، وان شالله هالتجمع يكون احلى من تجمعنا الي قبل :ggdw:

انطرووني بعد الولاده :yaaaaaarb:

 

[جِراحُ الغَرام]

نور
ههههه حياج بس شدي حيلج
ولو ان الشي مو بايدج كل على رب العالمين
بس لاحظت عيال اكتوبر مو مستعيلين على رزقهم

 

[اسبــانيــة]

خخخخخخ

انزين انا شنو اعتبر

مابي سبتمبريات متعودة عليكم رفيقات الدرب

والنفسية مع الكرشة والوزن الثابت ظييييم

 

[جِراحُ الغَرام]

اسبانيه
حبيبتي ترى ناويه اكلم المسؤولات اغسر الاسم الى سبتمبريات واكتوبريات
والله تذكرتكم قلت لازم اغيره

 

[جِراحُ الغَرام]

والمفروض بعد الولاده مباشره ٥ كيلو بالكثير نازلتهم
انا نزلت ٤ كيلو لان قيصريه بطني بعده منتفخ

 

[منونتي]

مسالخير امهات

احم احم

انا منونتي
ولدت 7 / 10 / 2012
يبت بنوته سميتها منيره
و الحمدلله طبيعي

 

[جِراحُ الغَرام]

عاشوا بنات تجمعنا
اي عطيناكم بريك اول ايام الولاده
الحين نبي نسولف مره ثانيه

 

[حـنـيـن 20]

مساء الخير
مبرووووك علي افتتاح تجمع مواليد أكتوبر ٢٠١٢
والله يجعلهم من مواليد السعاده يارب
ويلحقنا بكم

 

[أملي بعد الله]

السلام عليكم ورحمة الله وبركاته
هلاااا فيكم بنات والله اشتقت لكم وااااايد
أنا وااااايد مشغولة والله الأمومة تأخذ وقت مالقي حاى وقت حق نفسي
أنا ولدت الحمدلله تاريخ 10/9 قيصرية الحمدلله ع كل حال
بنتي وايد تعبت من الطلق حبيبتي وتبرزت ببطني ع اخر لحظة وقل نبضها وايد وخافوا تتسمم فديتها
عشان جذي حددوا لي قيصري
نزلت ستة كيلو والنفاس بصراحة ضييييقة خلق
اعد الايام متى ارجع بيتي

 

[Galb.sh]

انا بعد مابي سبتمبريات ..

ولدت ب 25/9/2012 يوم الثلاثاء
يبت بنوته و سميتها روان
وفيها بوصفار خفيف
وطبيعي ولله الحمد

 

[بنت الاحلام]

مسا الورد

بنت الاحلام

ولدت ٢٠/١٠

وجبت بنوته

 

[جكورة]

حمدلله على سلامتكم ومبرووك ماجبتوا معاكم جكورة حبيت أنضم لكم ولدت تاريخ ١٠/٧ بدار الشفا وجبت بنووته ربي يحفظها لي ويحفظ بيبياتكم استخدم لها حليب اس ٢٦ الحمدلله ماشي معاها واليووم بديت معاها برضعة يانسون بخليها مره يوميا يقولون زين للجاهل يريحه ويهديه واستخدم لها نقط بامبي غاز عجيب للغازات احط لها ٧ نقط بالمميه اللي قبل النوم مره يوميا ـ طبعا النفاس ضيقة خلق وملل وتحسين نوومج اعتفس فوق تحت أعد الايام عشان البيبي تكبر شووي وتعدل نومتها ـ

 

[Meeesh]

أنا ولدت 30 سبتمبر
جبت بنوته سميتها لولو وللحين فيها بوصفار
الحمد الله ولدتها طبيعي وارضعها طبيعي وصناعي

وزني ماقسته للحين ناويه اذا خلصت نفاس أشوف كم صار

النفاس خيسه وزهق وضيقة خلق مؤ ناويه اكمل 40 ان شاءالله بعد إجازة العيد برجع بيتي

 

[منونتي]

ولكم ولكم كل الي انضموا

اي صاجييييين النفاس ضيقه خلق

ولهت ع شقتي و ع ريلي

 

[أملي بعد الله]

الحمدلله ع سلامتكم بنات
أنا بنتي سميتها همس وارضعها طبيعي ومرات صناعي
اعتفست نومتي من قلب
بس بنتي وايد تتحلم هههه ساعات اتبوسم وساعات تخاف وجنها بتبجي ههههه
اهم شي بنات لا تنسون تقرون وتحصنون عيالكم
الله يحميهم ويحفظهم بحفظه
انا الحين نفاس صارلي اسبوعين مليت والله من الأدوية والأعشاب >_<

 

[منونتي]

اهلين املي

نفس بنوتي تتفز و تحلم و ساعات تضحك و ساعات تبجي

اعتقد عادي

النوم
آهههههههههه من قلب
نومي مقطع و أطول غفوه نص ساعة

ارضع طبيعي و صناعي
حليبها الصناعي سيميلاك الازرق
و أكل النفاس من يقبل علي احس اتييني البجيه
و عسى ما اقول مابي هذا او مابي ذاك
قالت امي ايييييييييييه حق الخراب

عاد انا اخق و اغصب نفسي ع الاكل هههههههه صج حريم