تجمع مواليد اغسطس 2013 ( أحلى مواليد )

[حبيبي مالكني]

نحن تجمعنا في قسم الحوامل تسكر او راح يتسكر في القريب العاجل
قررنا نفتح تجمع يديد في هالقسم
عشان نتبادل الخبرات
ونربي عيالنا احسن تربية
والبجريات الي معانا
يستفيدون
والله يجعل بيبياتنا من الذرية الصالحة وينبتهم نبات حسن
ويبعد عنهم عين كل حاسد
يارب

 

[N.o.d]

آمين ♥

 

[أميره بلا قصور]

ماشاالله تبارك الله

الله يتمم علينا هالنعمه ونربيهم احسن تربيه ونشوف برهم يارب


يعطيج العافيه ام جزووووي

 

[نوفآ]

الله يخليهم لنا بصحتهم وصحتنا و يحميهم ويحفظهم

تسلمين ام الجازي على هالمبادره الحلوه

 

[.:lady bug :.]

اللهم امين
فديتج ام الجازي سبقتيني

مشكوووره

 

[pяiήcєşš]

اللهم امييين


يعطيج العافيه ام الجازي

 

[Ranoon]

الحمدلله فتح تجمع ٢

يلا منو قربت تخلص من نفاس ؟؟؟


سرة بيبي متى تطيح ؟
اللي عندي تيبس وان شاء الله يطيح


اللي جابت ولد متى اطهره ؟؟
عقب ٣٠ او ٣٥ يوم ؟؟؟
وبنفس مستشفى اللي ولدت فيه صح ؟؟

 

[يتيمة جابر العز]

امين يااااارب

دايما سباقه ام الجازي

عساج ع القوه

 

[يتيمة جابر العز]

رنون بطهره بعد ٢٠ بوم

عند واحد يمدحونه ب الجهرا اسمه مشتاق

كنت ناويه اطهره بدار الشفا امدحوه لي

بس بنت عمي طهرت ولدها مره ثانيه تقول مانفع معاي بس مو ذاكره شنو السبب

 

[أميره بلا قصور]

صباحووو

رنون ولدج كبر ولدي مواليد نفس اليوم


طاحت سرة ولدي امس

ودام تيبست سره ولدج دليل انها بتطيح نقطي عليها بيبي اويل وبالكثير اليوم بليل طايحه

الطهاره انا ماحب الا لمن اكووون انا قادره اشيل عمررري عشان افضا للياهل عشان جذي اخليها لمن يكمل شهر وانا افضل بنفس المستشفا

 

[أميره بلا قصور]

مادري من قال لي التعب بالبيبي الثاني مضاااااااااعف

ع بالي الثاني مثل الاول

والله ماتوقعت جذي

مشي موقادره امشي كله مسكنات وطايحه بالفراش

ولدي ليووووومكم ماجسته ابوسه بس ماابدل البامبرز ولا ارضعه اللهم مرتين ثلاث من يبته رضعته صدري بعد عمررري عايش عالصناعي تعود عليه

ادري بنات ماراح تصدقون
كل هذا من الارهاق الي فيني والتعب اليوم عاشر يوم بس لمن الحين تعبانه

امس خليت النيرس تسويلي مساج حسيت براحه شوي ردت عظامي كانت ريولي وايدي نايمه ماقدر حتا اشيل كلينكس

واااااااي ماني عارفه السبب

 

[N.o.d]

الله يعينكم !

انا بعد محتاره متى اطهر ولدي ! خايفه يتالم حرام

سرته طاحت امس -.-
خذاله 12 يوم تقريبا ..

بنات شنو علاج الغازات !
وجم مره البيبي يرضع من صدر امه باليوم !

 

[حبيبي مالكني]

هلا والله باحلى امهات نور التجمع بطلتكم البهية
لحد يستغرب من كامة بهية مادري من وين اطلعت
هههههههععععغ


وعن تطهيرالياهل سالوا عدل عن الدكتور
واختاروا احسن دكتور
عشان لاتضطرون تعيدون الختان الله لا يقول


بنات للتذكير لا تنسون العقيقة

اميره
كل ما تيبين بيبي يديد التعب يكون اكثر
الله يعينه

 

[حبيبي مالكني]

نود
البيبي يرضع من صدر امه ٨ الى عشر مرات
حليب الام خفيف وينهضم بسرعة
عشان جذيه البيبي يرضع. اكثر

انا استخدم شاي الاطفال الب من منذ الولادة
واهو عبارة عن مجموعة اعشاب طبيعية
وايد مفيدة لبطن البيبي

 

[78MariMar78]

مبروك تجمعكم والحمدلله على سلامتكم جميعا

عقبالنا يفتحولنا تجمع مواليد يوليو

 

[M!SS.LOBY]

اب اب اب

 

[Ranoon]

أميرة

تعب اللي فيج يمكن لأنج ما تأكلين
عدل وقت نفاس ! أهتمي بالأكل
وهم نفسية تلعب دووور إذا انتي كارهه
شى اسمه نفاس ..!




ولدي قام يرضع مني الحمدلله
قبل ما كنت امسكه عدل والحين
ضبطت مسكته
بس ما ينام إلا لما يشرب صناعي ! ليش ؟؟

 

[حبيبي مالكني]

رنون

مع الوقت بزيد حليبج وبيشرب ولدج وبشبعه
بس زين انج اتعلمينه على الحليب الصناعي وحليبج
خاصة اذا انتي تدرسين او تشتغلين

 

[حبيبي مالكني]

بنات

حلمتي حيل تعورني
حتى لو ما ارضع تذبحني من الالم
ولما ارضع بنتي اموت من الالم احس قلبي بيوقف
جربت بالمرز وجربت دكتارين ولا فادوني
وجربت زيت زيتون
الالم ذابحني

 

[نرجس 2]

مبرووووووك علينا التجمع
والف شكر للغاليه
ام الجازي


حبيبتي ام الجازي انا كمان حلمتي تعورني بشكل جنوني
ولما احط الولد على صدري يمسكه ويصير يمص ادخل اصبعي واشيل صدري واصير انفخ على حلمتي كانها مولعه نار
وزوجي يقلي حرام لا تشيلينه من ثمه
اقله خليني انفخ بعدين ارده
ههههههههه

ابني ما عرف يمسك الرضاعه الصناعيه
بحاول امسكه اياها الاسبوع الجاي .. بعده صغير
حتى من ريالته يقرف ويصير بده يراجع وما يعرف