$$ تجمع مستخدمات كريم الصبوحة السحري $$

[غلاي عزوزي]

السلام عليكم ورحمة الله وبركاته


شلونكم


كل من يدور اللون الواحد والبياض بالاخص




انا كتبت من مده طويله طريقتي بالعناية بالجسم وسننفراتي


والحمدلله النتيجه حلو نعومه وصفاء وطراوة بالبشره لكن البياض مو واضح مجرد شوية توحيد

ولان الاشياء الطبيعيه يبيلها مده طويله مثل الليمون والروب والعسل الخ





شفت بنت من اهلها سمررررررررررررررررررررررررررره



صارت



فاتححححححححححححححححححححححححححححححه ولونها يهبل




السر



كريم الصبوحه الاصلي من فايز نفسه الي انتقل من الاندلس لي الفروانيه وبيردلها




خفت


خلطة كريمات وهالسوالف الي تعرفونها بس الي تشوف بعينها مو نفس الي تسمع من فلانه وفلانه

شريته ب4 ك د مع الخلطة الصابونيه الي مع سنفره ب5 ك د

جربته




انا مراح احلف لانخه الي مجربته تعرف شنو مفعوله السحري





بياض يهبل ويخرع بنفس الوقت لانه يقلبج بيضه


انا ابي التوحيد والحمدلله النتيجه 60 او 70 بالاميه وبستمر عليه حتي مفكره انه يسويلي علبه كبيره لاني اخذ كمية من الصغيره يالله تكفي






الحين


نبي تجمعات لمستخدمات الكريم
منو مجربته نفسي




هل مستمره عليه وشلون استخدامها والمده وهل تبقي النتيجه نفس ماحصلتها



يالله نبي التفاعل لمصلحة الجميع​

 

[سبيجه الروضان]

اختي عفوا من وين اخذتيها يعني بالفروانيه اي صوب وجم تقعد عندي انا حامل بشهري الثامن وبنفاسي بأذن الله بستخدمها لان بطني ورقبتي فيهم سمار الحمال وملوعيين جبدي

 

[meryama1]

حبيبتي كان بهالقسم موضوع عن كريم الصبوحة

والكل قاطعه
وانا عن تجربة شخصية والله العظيم اني جربته واستانست اسبوع نظارة وبياض بعدها قب حبوب والله انه بوجهي طلع شعر مو طبيعي
وقلب لوني بس اشوا قطعته وحاولت ليما خفت الحبوب
وسويت ليزر حق شعر وجهي
والله على مااقوله شهيد
شريته من الاندلس قبل لاينتقل
وهم شرته عمتي بالفروانية
عمتي وجها ماينشاف من الحبوب والشعر لانها استمرت عليه شهر
والله ولا لحية رجال
انا بس اسبوع وشلت شعر وجهي ليزر من كثره
سوي سيرج عالصبوحة وتشوفين عنه بلاوي
حتى اكتشفوا فيه بريعصي<<على قولتهم يبيض استغفر الله

هذي نصيحتي لج وانتي كيفج بس والله اني ابيلكم الخير

 

[زبــــــــدة]

اي انا جربته كنت ابي اثار الحبوب تروح ...لاني بيييييضه مابي البياض وييع لوول

ومن استخدمته وبعدين هديييته...صار ويهي يلووووووع الجبد ...رد نفس قبل واكثر وطلعلي مسامات وااايد

فماقمت استخدمه قطيييته ...

كل شي ولا ويهي عاد..

 

[غلاي عزوزي]

انزين اهو للوجه مو زين بس نتيجته للجسم تهبل



والا


شرايكم؟



ولو فيه بريعصي جان ماقالي الي يبيع وديه مختبر اذا خايفه



لانه مجرد كريمات نجيبها من السعودية


وانا فعلا ناويه اودي الكريم المختبر لانه حاله من حال كريمات التاجرات يعني خلطة كريمات مارضي يقولي حفاظا علي سريه الخلطة لانها تقلدت



نبي بعجدد تجارب


للوجه مو زينه


للجسم تهبل


شنسوي

 

[eL 3eFa]

دبري بالج حبيبتي ديري بالج من تجربه شخصيه والله لي لحين وجهي منتلف من هالكريم الزفت > تكرمون

بس جد انصح كل بنت انها تبعد من هالكريم والله ماودي اللي صار فيني يصير فيكم

ياقلبي حتى اللي باع لي الصبوحه قالي اذا خايفه روحي فحصي
> واهو يدري ماراح نروح نفحص بنثق من كلامه

وطبااا انا وثقت من كلامه قلت هذا واثق من نفسه

صارلي شهرين تقريباا بشره بييضه وصاافيه

بعدين الله لايوريكم بشرتي شصار فيهاا ..

 

[آلسحرآلحلال]

آنا استخدمة للجسم ...

آخاف احطة على ويهي .~

 

[eL 3eFa]

على فكره انا بيضه بس كنت ابي اخفي الاثار وشوية الحبوب
وفعلا اختفت وصاارت بشرتي نفس القطنه
بس مو زين تشوفونها الحين x

تفضلي اختي حق موضوع الصبوحه ..
http://www.q8yat.net/showthread.php?t=605920

بلييز بليييز بعدوو عن هالبلاوي والسم

 

[حلم غير حياتي]

انا استخدمت خلطة سعوديه الي هي نفس كريمات الصبوحه وبيضت الحمد لله بس لوني بسرعه رد اول ماتركته

وفي حاجه غريبه صارتلي من يومها لليوم بس انا للامانه حايفه اضلم الخلطه

صارت تطلعلي حبوب كبار تحت الجلد بدقني وتاخد وقت طويل على ماتروح ويبقى اثرهها

 

[لمســات الجـوري]

اختي انا مجرد اني شفت لونها وشميت ريحتها دريت انها كلها كرتزون وكريمات

بولي وكيلي واهلهم

خطي ببالج صحتج امانه عندج والله يبعد عنج كل شر ويحفظج

تقبلي مروري

تحياتي

 

[عصيرِ كوِكتيلْ]

بنات وين العطار هذاا ؟؟؟ ابي مكانه بالضبط .. ونصيحة الا الوجه استخدموها حق جسمكم بس وانا ناوية اسوي جذي استخدمها حق الركب والاكواع ...

 

[ابعد واستريح]

انا ما عرفج بس احبج في الله واخاف عليج انا مجربته علبتين ورى بعض احط مكياج بدون كريم اساس من كثر البياض والصفاء والنعومه والله صرت ملكه بس 3 شهور بعدها الله لايوريج حبوب تحت الجلد كانها دمل وبقع تطلع قطيتها والحين اعالج جلديتي لدرجة انا قلت للدكتور سبقني وقال صبوحه استغربت شلون عرف قال انا اغلب مرضاي من اللي كانوا يستخدمون صبوحه دمرت بشرتهم وقالي انها اخطر خلطة تبيييييييييض ع الاطلاق احسن لكم وخروا عن هاسوالف

 

[بشاير السعدون]

الله يعين

 

[يوآش يوآش]

امبيه شكله يخرع هالكريم شلج فيه ..

 

[eL 3eFa]

اي والله صاجه ريحته ريحة بولي

وانا بعد استخدمت علبتين

حتى كريم بوليبعدو عنه استخدمته حق الاندر آرم ولعب فيني زااد التعرق حييل حييل > اللي قبل مايطلع لي كلش بس ادور البياض
الله يحفظنا يارب من هالسموم

 

[white**angel]

وااي يخررع انا لمن كنت اسمع مدح البنات بغيت استخدمه حق ريلي لانه الشمس لعبت فيها لعب
بس الحين لاوالله اظل على الشي الطبيعي ارحملي

 

[تيوليب]

ابتعدو عن هالكريمات سووو خلطات طبيعيه واايد احسن واضمن ..

 

[يالبيه 17]

اب

اب

 

[غروري بتواضعي]

امبيه من صجكم بنات عاد انا كنت ناوية استخدمه الحمدلله ما جربته

 

[ليان كل الحلا]

بنات اي والله شنو لكم في شهر وناسه وبعدها شعر ودمال ووجه متشبع كرتوزون روحي عادبدال 4 دنانير تشترين كريم فيه بتقطين دبل دبل دبلهم عشان دكاتره الجلديه اي والله الشي الطبيعي احلى حسبي الله ونعم الوكيل ع من سواه