تجمع مسافرات دبي شهر 7 و 8

[ام مهاوش]

السلام عليكم
مرحبا بناااااااااااااااااااااااااااات اشلونكم يا احلى كويتيات
ماشاءالله شفت وايد اسأله واستفسارات عن دبي وانا عن نفسي بروح انشاءالله
فقلت اسوي هالتجمع علشان نستفيد ونفيد
كل وحده ادش تقول متى بتسافر و ومع منو و وين بتسكن ومدة السفره و وين ودها تروح وشنو الاماكن اللي تعرفها واللي ودها تسأل عنها
يالله انا ببتدي :
انا مسافره تاريخ 4\8 يوم الثلاثه على طيران الجزيره انا وريلي وبنسكن بفندق تاج بالاس ومدة السفره 5 ايام
اول شي افكر اروحله دبي مول بصراحه تشوقت اني اشوفه خصوصا بعد ماسمعت انه اكبر مجمع بالعالم واطول برج بالعالم ثاني شغله ودي اروحلها النخله اتلانتس انشاءالله نتغدا هناك وودي اتسبح بس فشله حجابي واحس شكلي على المايوه الاسلامي جني فقمه
وبعد شغله بما انه رمضان قرب ودي اخذي دراعه من هنااك
وما انسى الممشى او الووك والباص العجيب البرمائي اللي يفتر بدبي بعدين يدش الخور وقرية البوم وناخذ جولة بالسفينه مع العشا ومول الامارات واهم شي دبي سكي والكافيه اللي داخله واحلى شي انه كل شي من الثلج حتى الكراسي اللي نقعد عليهم والطاولات والقلاصات والصحون

ويالله همتكم يا كوييييييييييييييييييييييييتياااااااااااااااااااااااااااات

 

[∫ ∫ ∫ ∫ جــوان ∫ ∫ ∫ ∫]

هلا ام مهاوش

انا بروح آخر الشهر انشاالله وبرجع قبل لا تروحين انتى بيوم اذا الله سهل
وبروح مع عيال اخوى بحكم انى تونى مدموازييييل << آنسه عشتو لوووول

وبسكن بشقق جولدن ساندز حلوه مجربينها كذا مره وموقعها حلو

وبروح انشا الله للمجمعات المعروفه هناك لانى ناويه اتسوق وبنقعد تسع ايام

امممممم وبعد شنو ياربى

اى بروح على الجزيره وعلى فكره انا مدمنه على دبى وهذى روحتى السابعه انشا الله

<< تمنى تزوج اماراتى علشان تعيش بدبى على طوووول
لوووووووووووووووول

 

[ام مهاوش]

تروحين وتردين بالسلامه يامادموزيل
حسافه ما الحق عليج هناك
اول مره اسمع بهشقق الفندقيه
وانا بعد من عشاق دبي وهذي ثالث مره اروح وكل مره نسكن بفندق ستي سنتر بس هذا ايام العزوبيه
اما الحين اول مره بسكن فندق تاج بالاس ماعندج فكره عنه ؟

 

[∫ ∫ ∫ ∫ جــوان ∫ ∫ ∫ ∫]

خووووووش فندق انا اول شى بغيته وبحثت عنه بالنت من كثر ماسمعت عنه حييييل يمدحونه خصوصا انه مافيه مراقص ولا بارات

بس شوى غالى خصوصا ان احنا نبى شقه من غرفتين وراح نقعد ثمان ليالى وحسبتها طلع يكلف حييييل

بالتقارير المصوره فيه موضوع مصور عن دبى كاتبته المشرفه بنك

يهبل اطلعى عليه علشان تذكرين بعض الاماكن الى تقدرين تروحين لها

 

[حناين 2008]

هلا خواتى
انا بروح انشالله 1-8 وبقعد 6 ايام وبسكن في فلورا بارك واول مره اسكن فيه لانه باخذ اليهال معاى والله يعينى عليهم
طبعا وايد اماكن انشالله بنروح واكثرها المجمعات
بس اختى ام مهاوش ترا الى تقصدينه في كراسي ثلج وطاولات ثلج مو في المدنيه الثلجيه الى في الامارات مول
تلاقين المقهى الثلجى الى كله شغله ثلج في مجمع اسمه التايم سكوير في شارع الشيخ زايد
بس ديرى بالجالمكان تعب تحصلين في تكاسي ليش ما عليه دووووس
واكثر شي حاطه في بالى اماكن تونس اليهال
وانشالله راح اروح اتلانتس صج لا يطوفكم

 

[ام مهاوش]

مناهل اذا انتو عايله احسنلكم الشقق الفندقيه اريح واوسع واوفر بنفس الوقت
احنا خذيناه ليلته 41 دينار
شفت تقرير بنك ماشاءالله حلو يعطيها العافيه عليه كفت ووفت وراح يصير مرجع لي

 

[∫ ∫ ∫ ∫ جــوان ∫ ∫ ∫ ∫]

هلا حناين تروحين وتردين بالسلامه

وشقق فلورا بارك متكلمبن عنها البنات بقسم التقارير المصوره شكلها حلو وعائليه عقب ما حجزت من النت تحسفت ليش ما حجزتها

بس انشا الله بالروحه الجايه ناويه عليها

والله يعينج على عيالج ويخليهم لج بس ما احب السفر مع الصغار بالمررررره

 

[ام مهاوش]

حناين فلورا بارك وايد يمدحونه حلو ونظيف والاحلى انه يم ستي سنتر يعني تروحين مشي الله يعينا على الرطوبه وخصوصا اذا معاج يهال راح يستانسون بالالعاب اللي بالمجمع وراح ترتاحين
ودام معاج يهال لا تنسين مدينة مدهش حقهم
ومشكوره على تصحيح معلوماتي بس جني شايفته بالتلفزيون كانو حاطين انه الكراسي والقلاصات من ثلج وهذا في الامارات مول اذا ماني غلطانه

 

[∫ ∫ ∫ ∫ جــوان ∫ ∫ ∫ ∫]

ام مهاوش احنا شبه عايله هههههههههههههههههههههه

انا وبنت اخوى وعيال اخوى اثنين بس اسم الله عليهم كبار علشان جذيه انا ما خذتهم محرم لى

وانا دابم لما اروح دبى آخذ شقق علشان نرتاح فيها اكثر من الغرف ونسوى وجبات خفيفه فيها وجاى وقهوه

 

[ام مهاوش]

الله يخليكم حق بعض واهم شي الشاي والقهوه عاد انا ريلي مدمن قهوه عربيه وين اسويله واحنا بفندق ومادري اذا الروم سيرفس عندهم قهوه عربيه علشان اطلبها وارتاح ولا لا الله يستر لووووووووووول
اذا ماشرب قهوه قام راسه يعوره واذا راسه عوره يعني ماكو طلعه لالالالالالالالالالالالالالالالالالالا

 

[ام مهاوش]

حناين لاتنسين الباص العجيب البرمائي حق عيالج وناسه يفتر بعدين ادش الخور

 

[وردي وفوشي]

ام مهاوش الكافي ا
تلقينه في مول الامارات داخل الثلجيه كراسي من ثلج وكله ثلج انا رايحه له ومتاكده


بنات شنو الماركات الجديد الي امبطله في دبي مول و منو شرا منها
وشنوشنط ماركات جديده؟

 

[ام مهاوش]

وردي وفوشي مشكوره حبيبتي انا اقول متأكده من معلومتي
وبالنسبه حق الماركات اليديده اللي مبطله مادري لاني مارحت دبي مول بس انشاءالله اول مجمع بروحله مشفووووحه على السووووق
لووووووووول

 

[∫ ∫ ∫ ∫ جــوان ∫ ∫ ∫ ∫]

ام مهاوش لا يبه سوى له قهوه كلش ولا ابو الشباب لا يحوشه صداع هههههههههههههه

اخذى هيل وقهوه معاج ومطاره وسوى له بالغرفه اكيد بتلاقين غلايه ولا اخذى معاج من هنيه لا توهقين

وعندج محلات باريس جاليرى وحناين على طووووول عند الباب حاطين دله قهوه وتمر مريهم واخذى لج جم فنجال يقعدون راسج لووول

 

[pretty sarona]

انا انشالله وياكم , روحي بعد الميركاتو و ابن بطوطه

 

[ام مهاوش]

شكلي كل يوم الصبح بوديه حناين وباريس غالري واخليه عند الباب يشرب بهالقهوه لمن يشبع ههههههههههههههههههه
القهوه العربيه مايصير اسويها بغلايه لازم على الجوله واذا عندج طريقه حق الغلايه نقذيني فيها لووووووول

 

[ام مهاوش]

حياج الله بريتي سارونه متى سفرتج
ذكرتيني في بن بطوطه ومماركاتو رحتله ماعجبني وايد

 

[دنيا غريبه ..!]

انا بروح دبي بس ماادري كل مالها السفرهـ تتأجل الله يستر لا يكون تتكنسل مرهـ وحدهـ

بنروح يا يوم الاحد اذا الله قدر وسهل او 7\8 انا وماماتي وباباتي وخيو كبير وبنت خيتو بنوته

وحاطه ببالي تقريبا كل الاماكن اللي قلتيها .. بخااااااطري اروح سفاري بس حر ورطوبه .. وهذي اول سفرهـ لي لدبي ..

بس ادعوا انها تتسهل .. مو في بالي تسوق كثر ما في بالي تغيير جو واشوف وجيه جديدهـ زهقت من الوجيه القديمه :dddds: وكمان الميزانيه رايحه فيها :dddds: فالواحد يمد رجوله على قد لحافه << محاولة اقناع فاشله :krkrkr:

 

[∫ ∫ ∫ ∫ جــوان ∫ ∫ ∫ ∫]

ام مهاوش انا لما اسافر ما اسوى القهوه لامى الا بالغلايه بس اخلى الغطا مبطل علشان ما تفصل من نفسها لما تغلى القهوه

يعنى اخليها تغلى ليما اتاكد ان القهوه طبخت عدل بس ديرى بالج لا يطلع البخار ويوصل لجهاز الانذار على بالهم حريق لوووووووووووووووول

 

[ام مهاوش]

لا انشاءالله ماتتكنسل سفرتكم وتروحون وتستانسون يارب
واذا على التسوق لو بتفكرين فيها كل المحلات اللي موجوده هناك موجوده عندنا ونفس المحلات بس اخذي الاشياء اللي تعجبج وماتلقينها وموموجوده وانا بصراحه افضل تغيير الجو اكثر من السوق بس اهما الحلو فيهم انه مجمعاتهم سياحيه يعني موكلها سوق هذا شي حلو خصوصا الجو مايساعد على التمشي( بالهواء الطلق)
اشرايكم فيني وانا اقول الهواء الطلق خخخخخخخخخخ