تجمع مرضى الثعلبه الكامله

[فراشة المندى]

السلام عليكم :
بنات اللي فيها الثعلبه الخبيثه تنضم لتجمعنا ، نبي نتكلم مع بعض ، ونستفيد من تجارب بعض ، كل وحده شنو استخدمت علاجات ؟ واشلون تتعاملون مع هذه المشكله ؟

 

[ضوء المناره]

up up

 

[فراشة المندى]

48 وحده قرت الموضوع ولا وحده علقت :flower:

 

[ملاك الكويتيه]

رد : تجمع مرضى الثعلبه الكامله

السلام عليكم,,

انصحج تروحين صالون ابولو /رولا ليلى غالاري اهما مايعالجون بس ياخذون مقاس راسج ويطلبونلج شعر طبيعي 100/100 وتصبغينه وتستشورينه على كيفيج وتتعاملين معاه كأنه راسج والله ارتحت وااايد والفضل لله احسن من العلاجات اللي ماشفت منهم ولا فايده الحمدلله على كل حال..
رقمهم 25719233
واسم الشعر يونت سعره 500 او600 بس والله زين وراح ترتاحين من شغلهم وكل شي بأجره علما اني فيني ثعلبه من 10 سنوات وكل مكان رحت بس مافي شي...
وارح تدعين لي:yaaaaaarb:
ترى انا كنت بس اطالع المواضيع ما ارد بس والله حسيت فيج وقلت افيدج وافيد غيرج ان شاءلله

 

[ملاك الكويتيه]

رد : تجمع مرضى الثعلبه الكامله

نسيت اقولج ترى محد راح يشك انه مو شعرج لانه مايبين بالمره

 

[ana cute]

الله يشفيييييييج ياااااااااارب ويشفي الكل

بس ودي اعرف اهي شنو سببها ؟

نفسي ولا وراثي ؟

 

[فراشة المندى]

ملاك الكويتيه
مشكوره على شجاعتج ومشاركتج لنا
انا رحت حق ابولو وسويت اليونت ب 1200 دينار وما تحملتها نهائيا
حسيت اني قطيت فلوسي بالزباله
بالماي بسرعه اطيح وحاره ومو مريحه نهائيا .

 

[فراشة المندى]

ana cute
اهي سببها من جهاز المناعه انه يحارب بصيلات الشعر فيسبب الثعلبه
وممكن تكون نفسي .

 

[ياحُبِي لِلكويت]

الله يشفيج حبووبه ويشفي كل من يعااني من هالمرض انا اخوي فيه بدايته عالج عند حلاق كانو الناس يمدحوونه وصار يطيح زيااده وبعدهاا عالج فمستشفى سعد الحمد اللي بالصبااح ومن تصويب لتصويب واشعااع وهم ماكو فايده نبت بس الشعره خفيفه حيل وبعدهاا طااح تقريباا صارله فوق السنه يعالج عندهم والحين له اكثر من شهر تركهم تعب من المراجعين كل اسبوع اشعاع:eh_s(2): الله يشاافيه ويشفيج ويشفي كل مريض اللهم امين مع ان نعرف وحده عالجت عندهم وطلع شعرها ورد احسن من اول الله يتمم عليهاا :eh_s(7):
​

 

[فراشة المندى]

يا حبي للكويت
اللي اتعرفونها عالجت بالاشعاع كم سنه كانت عندها الثعلبه واكيد طلع شعرها
والحين اشكثر صار لها من تركت الاشعاع