تجمع مدرسة النجاة النموذجية اللي بالمنقف

[حورية بنت حواء]

السلام عليكم ورحمة الله وبركاته


حبييت انه يكون عندنا تجمع لمدرستنا

مدرسة النجاة النموذجية الخاصة اللي في المنقف يم مركز سلطان

المدرسة فيها قسم خاص للبنين وقسم خاص للبنات

​

المدرسة ماشاء الله قوية جدا وفيها الطابع الاسلامي
عندهم سباحه وعلى ما اتوقع كارتيل للبنيين

رسومها 600 د.ك بالسنه تدفع على دفعات كل قصد على 200 ثلاث مرات
وفيها الباص متوفر لمناطقنا على 150 معاهم مشرف معلم

بالنسبة لمدرسة الاولاد
جميع المعلمين رجال والادارة ايضا رجال مديرها كندري ومساعدها فيلجاوي ناس ماشاء الله عليهم واضح عليهم الالتزام والنظام .

يلا بنات خلونا نتفاعل مع بعض ونعرف عن عيالنا شنو اللي قاعد يصير معاهم داخل المدرسة
يلا خلونا نبدأ النقاش :gathering:​

 

[CrystalQ8]

اهلين انا ولدي فيها بس بصف 6 المرحله المتوسطه كنت بسجل بولدي الثاني بصف لللأسف الشديد طافني اولي ابتدائي وزياده عالكلام اللي قلتيه متابعين الطالب في الكتاب تنحط في ورقه ملاحظات وحتي اسلوبه معاهم شلون صاير يكتبون بالورقه

 

[CrystalQ8]

اهلين انا ولدي فيها بس بصف 6 المرحله المتوسطه
كنت بسجل ولدي الثاني بصف اولي ابتدائي بس لللأسف الشديد طافني التسجيل
وزياده عالكلام اللي قلتيه متابعين الطالب في الكتاب تنحط في ورقه ملاحظات وحتي اسلوبه معاهم شلون صاير يكتبون بالورقه
تدرين عندهم موقع اتابعين المنهج معاهم [/u]وتسحبيت المراجعات منه مرات اشيك ولدي يخش عني الأحاديث الحفظ واصيده من المنتدي

 

[um meshoooo]

مرحبا بنات
عفيه فيدوني اكثر عن المدرسه ودي ادخل ولدي فيها شنو منهجها ؟ وعدد الطلبه وايد بالصف ؟ والمدرسين شلونهم ؟صج وايد اجانب (سوريين ومصريين 00)فيها

 

[حورية بنت حواء]

اهلين انا ولدي فيها بس بصف 6 المرحله المتوسطه
كنت بسجل ولدي الثاني بصف اولي ابتدائي بس لللأسف الشديد طافني التسجيل
وزياده عالكلام اللي قلتيه متابعين الطالب في الكتاب تنحط في ورقه ملاحظات وحتي اسلوبه معاهم شلون صاير يكتبون بالورقه
تدرين عندهم موقع اتابعين المنهج معاهم [/u]وتسحبيت المراجعات منه مرات اشيك ولدي يخش عني الأحاديث الحفظ واصيده من المنتدي

هلا اختى

اشلونج


مشكوره على الافاده

وبالنسبة للموقع تكفين عطينياه
خليني اشوفه

 

[CrystalQ8]

اهلين ام ميشو حبيبتي المدرسه عدد الطلاب بالصف 25 طالب والمنهج مثل مناهج الحكومه مايفرقون عنها الا بالموسيقي ماعندهم جد المدرسه مهتمه بالطلاب في اشراف كل خمس دقايق والفرصه الثانيه يجمعونهم للصلاه في اهتمام مثل ولدي مهمل يضيع ملخصات العلوم اوراق العمل ادق ع الأخصائي يعطيه الورقه الضايعه يعني مايطنش مدرسينهم مصرين وسورين في مشرف بالباص .


اختي حوريه هذا الموقع

www.alnajat.net

 

[معلمة انجليزي]

السلام عليكم أنا ولد اختي بالنجاة بالصف السابع و بادي معاهم من اولى ابتدائب ما شاء الله قوي جداً بالعربي و الانجليزي ومتأسس صح وهذا المهم مناهج التربية لكن مدرسيين يشتغلون ويجتهدون.

 

[um meshoooo]

مشكوره اختي كرستال بس انا محتاره اسجل ولدي فيها ولا بمدرسه الفحيحيل الانجليزيه ماغيرها القديمه حلو الجو الديني فيها بس انت تدرسين عيالج بالبيت يعني جنه بمدرسه حكومه انا بناتي بالحكومه اتعب العصر وانا ادرس مابي يصير فيني جذي بعد مع ولدي يعبي ابيه يعتمد على نفسه الدراسه والواجبات وهم يتابعونه ومادري اهما جذي ولا لا؟

 

[CrystalQ8]

بالنسبه للواجبات ولدي بالمتوسط سادس يعطونهم بس خفيف مو تأسيس مثل يكمل ورقه العمل حق العلوم والجهد الذاتي للعربي مثل الحكومه بس منظمين شوي

 

[um meshoooo]

مشكوره اذا تذكرت شي بسال

 

[um meshoooo]

:eh_s(8):مشكوره اذا تذكرت شي بسال

 

[حورية بنت حواء]

عفوا خواتي
بالنسبة للابتدائي شنو لون لبسهم

 

[CrystalQ8]

المتوسطه قميص ابيض والبنطلون كحلي اما الأبتدائي اشوفهم القميص مخطط خطوط بالطول ضعيفه حيل جنه بكحلي والبنطلون كحلي

 

[ميمي777]

رد : تجمع مدرسة النجاة النموذجية اللي بالمنقف

انا ولدي دخلته عندهم العام بصف سادس والخمدلله مرتاحه وايد من المدرسه بسبب ان الطابع الديني والاخلاقي بالمدرسه وايد مهتمين فيه وهذا له اثر على سلوك الطالب وبالنسبه لمدير المدرسه أ. حيدر القلاف والمدير المساعد أ. احمد عبدالحليم سوري الجنسيه وعندهم خوش اخصائي وايد متعاون مع اولياء الامور والطلبه ومريح بالتعامل
عندي مشكله صغيره ولدي مو حاب الانجليزي ولا مدرس الماده مع انه كان فتره الروضه بالمدرسه الهنديه والانجليزي ماله قوي بس من الابتدائي وهو بدا يكره الماده
شوفو شلون شطحت عن الموضوع صج حريم هههههههههه
عالعموم انا وايد مرتاحه من المدرسه التدريس فيها قوي

 

[um meshoooo]

اختي ميمي ريحتيني بسالفه الجوالديني انا عند ولد واحد وحابه مدرسه تركز على الدين اثر من الانجليزي مثل باجي المدارس الخاصه وانشالله بسجل ولدي فيها بس مو هالسنه توه ولدي الحين اولى روضه

 

[ميمي777]

رد : رد: تجمع مدرسة النجاة النموذجية اللي بالمنقف

اختي ميمي ريحتيني بسالفه الجوالديني انا عند ولد واحد وحابه مدرسه تركز على الدين اثر من الانجليزي مثل باجي المدارس الخاصه وانشالله بسجل ولدي فيها بس مو هالسنه توه ولدي الحين اولى روضه

الله يبلغج فيه انشالله وتشوفينه معرس
من كثر ما انا حابه المدرسه اتمنى يفتحون ثانوي صبيان في المنطقه لانه للاسف بس ابتدائي ومتوسط فيها

 

[CrystalQ8]

ايوالله حسافه لو يفتحون الثنوي عندنا

 

[دانة الدنيا@]

مرحبا بنات انا ولدي يروح لخامس اتمنى انقله عندهم تتوقعون فيه تسجيل عندهم ويقبلونه .....اتمنى تفيدوني

 

[CrystalQ8]

شوفي انا ولدي بدخله اولي بس ماقبلوه قالو الأحتياط فل مع انه اخوه عنده بسادس بحاول اول الدوامات حاول يمكن تحصلين مكان

 

[حورية بنت حواء]

الله يوفقج اختى CrystalQ8 وجزاج الله الف خير