تجمع مدرسات المستوى الثاني يالله حياكم ....

[أم سعـود]

قووووووووه بونجور زميلاتي بالمهنه التعيسه عفوا السعيده


هذا التجمع طبعا طبعا من عنوانه حق مدرسات المستوى الثاني

النحيسه ماله داعي تدخل تاخذ افكار

بس اللي بتشارك تدخل وتحطلنا اشياء تفيدنا


أنا ببدي طبعا مابلشنا التحضير للتهيئه لي الحين باجر انشالله بخطط مع مدرسات صفي واقوولكم شنو صار على التحضير


بس انشالله عندي افكار حلوه حق التهيئه

افكر اسوي مطويه واوزعها حق اولياء الأمور عن اسبوع التهيئه

هالشي حاليا بس في بالي عاد مادري عن الباجي ​

 

[أتوش حياتي]

حلوة فكرة المطوية

سويت امساااكيات رمضان مصغرة بوزعها علي أولياء الأمور و شغلات عن مساعدة الطفل لتقبل الروضة

 

[أم سعـود]

اييي حده الفكره حلوووه تراااا

وفكريلهم بالعيد بعد


امبيه تخيلووو الوضع المليق انا كنت ادرس بمنطقه بعيده

لما قربت فرق شاااسع

مولازم تحضير

عاااادي عااادي يوم كامل اليهال بس مجابلينا مانسويلهم شي

هالشي سوالي احباااااااط وخمول

 

[عهود الحب]

هلا والله
اانا مافكرت اعطي اولياء الامور هذا الي ناقص :\
ولا الناظرة الصراحة
بس شكلي بسوي لي مطوية شجعتوني

 

[أم سعـود]

أمبيه 12 مشاهده ولا ورد الا وحده


فيج البركه اتوشه بس الباجي وينهم

 

[nero]

قوااااااااكم الله

انا بعد ثانيه

ان شاء الله عقب رمضان تهل الافكار السنعه

بالتهيئة ماكو وقت

 

[أم سعـود]

حدده ماوقت

اصلا الوقت بسرررعه يمر وملل

 

[84 Miss Chocolate]

انا اولى بس داشه لقافه اطمش ما تبون افكاري هههههههه

 

[أم سعـود]

حياااااج حبيبتي

عاد الله ايعينج على مابلاااج أولى ازعاج وعوار قلب
تحسين قلبج ينشلع وانتي تدربين واتعلمين فيهم

الله يعينج يا قلبي

 

[84 Miss Chocolate]

حياااااج حبيبتي

عاد الله ايعينج على مابلاااج أولى ازعاج وعوار قلب
تحسين قلبج ينشلع وانتي تدربين واتعلمين فيهم

الله يعينج يا قلبي

اوووووف يننووني لالا وانا ايبوعين برووحي نقص و الابله والده ننطرها تباشر العمل
عاااد شنو افكاركم حق القرقيعان ؟؟
انا والله ودي اسووي يووم مفتووح يكوون الاحتفال بالعيد اشرايييكم ؟؟

 

[أم سعـود]

اليوم سوينااااااا يابووو ابله عطيات وبالونات متفووخه هاذي اللي تطير

شغل عدل وبسيط

ناظرتنا ماتحب الخبه

وفي حضانه حاطين عند الباب جيس كبييييييييييييير نفس البالونه الكبيره اللي يحطون عليها اعلان

ومطشرين حلاو

ومشغلين اغاني قرقيعان من عند الباب

 

[84 Miss Chocolate]

شخباااااااري يايبييين ابله عطيااات ههههههه

 

[أم سعـود]

امبيه امبيه مو ابله عطيات ام خماس سووووري

خربطت والله

امبيه الحين ثواني شنو نعطيهم بالتهيئه

 

[84 Miss Chocolate]

ههههههههههههه مادري انا اولى

 

[عهود الحب]

اي اليوم عندنا حفلة قرقيعان

ملانه من الدوام مادري ابي اصير بطالية شلون ههههههههههه

 

[أم سعـود]

ككككككككككككككككككككككك

انا قووول رددو يا ليل ماطولك

تو النااااس تونا مابلشنا حتى

 

[غاية الكيف]

الدوام فالروضه يزهق بس خلااااااااااص تعبت من الافكاار

 

[عمشه المنتفشه]

انا ميته قهر ناظرتي حسبي الله عليها ودتني المستوى الثاني وماعرفلهم احسهم شياطين

واحس ماعرف شي عن خبراتهم والله ضاي خلقي مالي خلق لوية التخرج

 

[عهود الحب]

عمشه مستوى ثاني يريحونج بسرعه يبين جهدج فيهم
اما التخرج سهالات يااختي
وجهدج فيه مايروح هباء منثورا
صحيح اولى راحة
بس أرف مايبين فيهم الجهد كللللللش
وبعدين ثواني صحيح خبراتهم شوي والاعداد كارثة قومية
بس الحين احسن من أول
والمكاتب متروسين من هالمصورات مومثل اول

 

[عهود الحب]

انا لي سنواااااااااااااات مستوى أول
توني هالسنة صرت ثانية
بس قبل اول تعييني كنت مستوى ثاني
كانت فقراتي احلى الفقرات بالتخرج
وكله ابدع
حتى وانا مستوى اول
ما ارتاح من هم التخرج
كان لازم يستعينون فيني بالحفلة
او يحطون لي فقرة



فقررت استسلم دام التخرج شر لابد منه:dddds: