تجمع لنلقى حلول لبعض المشاكل

[monmon1]

اتمنى من موضوعي هذا ان نلقى حل لبعض مشاكل الفتيات ونكون سبب لبعض الحللول فاراح اضع هناكم مشكله واتمنى ان نجد حل وهذه اول مشكله اتمنى ان نلقى لها حل :eh_s(2): مشكله العضوه اه بس

كويتيات ضيعت شرفي والحين حامل

بنات واللي يسلمكم ماني عارفه شسوي غلطت اكبر غلطه بحياتي جان زين ميته قبل هاليوم والله صار لي 3ايام مو نايمه واذا حطيت راسي على المخده اختنق :eh_s(2): الناس عيد وانا حابسه روحي بالدار
مالي نفس اجابل احد وانا بمصيبه ويليت مصيبه تهون لا هذي حياتي كلها
انا كانت لي علاقه مع واحد طلعت معاه وصار اللي صار خلاص احس اني بموت ندمت ان ضاع شرفي وانا اللي ضيعته بيدي
كل يوم اتندم كل يوم اتألم نفسيتي صارت بالحضيض ويليتها اوقفت على جذي رحت حللت عند دكتورة لي معرفه فيها بخااص وطلعت حااامل بالشهر 3 :eh_s(2):
تكفون تكفون ابيكم تساعدوني شسوي اطيحه اخاف انفضح
بالله عليكم يابنات مابي حجي قاسي ابيكم تساعدوني بحل شسوي انا عارفه اني غلطت وسويت حرام خلاص ماراح يفيد الكلام شسوي الحين قولولي انطركم لاتخلوني تكفون لاتخلوني​

 

[قسوة الزمن]

انا بعد عندي مشكلة اهلي رفضوا المعرس الي متقدم لي وماعرف شسوي

 

[الرروح44]

مرحباً حبايبي أنا مشكلتي لين الحين ما خلصت من عشر سنوات وذكرتها قبل أنا ولد عمتي يخطبني من عشر سنوات وامي ترفض ولحين محد يخطبني والولد مصر أنة يخطبني وامي ما زالت ترفض ومحد غير يخطبني وعمري ٣٠ والله ما ادري شو اسوي وامي تقولي قعدي بدون زواج للعلم أني يتيمة وإخواني تزوجوا مابقالي حد وما ادري كيف أقنعها هي بينها وبين امه مو مشاكل بس الناس تقليلها كلام غلط والله أني مضايقة حيل من ها الموضوع تنصحوني شو اسوي أنا من عشر سنوات اسمع كلام أمي وعارفة ان كلامها غلط ورفضها غير مبرر بس شو اسوي رضى الوالدين ولي تسويه فيني حرام وايد ناس حاولوا ومع ذالك تعاند بشكل فضيع الله كريم والحمدلله على كل حال *

 

[سويت فانيلا]

اب اب

 

[شهد ~]

الله يرزق بنات المسلمين بالزوج الصالح

 

[منار البربرية]

استغفرالله اللي اقدر اقوله الله ياأجركم بمصايبكم ويعينكم كل هم البنات الزواج والرجل ما همه غير وناسته وبسس

مع الاسف ،،،،


مشكلتي اني للحين ما خلصت دراستي واحس اني موقادره اكمل بسسس نفذ صبري اواجه صعوبه بالتأقلم

مع البنات والدكاتره احس بكره لهم وحتى الطالبات ما اقدر اشوف وجهم احسهم حسد وحقد

ولازم اتكلم معاهم ما يصير وانا اللي متعبني ان صعب تعامل معاهم يعني مو معقوله طول اليوم

بقعد بروحي وحتى بعض الدكاتره يجبرونا نسوي مجموعات وبعض البنات اسلوبهم ما ادري شلون صاير

مافيهم خير بالعربي وااايد ساعدت ناس ورفعت ناس وناس تخرجت بفضلي وانا قاعده شر البليه ما يضحك

ما ادري متى بتعلم الصراحه وانا اتعمد اسوي نفسي هاديه جدامهم يحسبون اني غبيه ما افتهم ما ادري من قالهم

ان الطالب الي ما يناقشهم ولا هادي ما يفهم مساكين والله ،،،

اتعس لحظات عشتها من بستان عمري بجامعة النحس اسميها والله احضر بس وجود ولا افهم شيء منهم

اصلا اهما شنو علمونا ولاشنو يقولون لنا ترى انا دكتور مو مدرس الي اشرح كل شي بالتفصيل ؟؟؟

طيب انت قاعد تتعامل مع طالبات باجر بيصيرون مدرسات لازم تشرح ولازم تنزل من برجك العاااجي شوي

وتشرح بالتفصيل استغفرالله ولا خلاص خل يفصلون كليتنا عن باقي الكليات ويجيبون لنا متخصصين تربويين

دكاتره بلا هالمنه اللي احنا فيها حيييل تعبانه ومعدلي بالارض ادعولي بنات اتخرج

بس واطييييييير اي جهه طبعا ما راح ادش التدريس لانه مو مستوى صراحه​

 

[شرغوفة]

حبايبي الله يكون بعونكم والي عندها مشكلة يارب تنحل بأسرع وقت بس حبيباتي عليكم بالاستغفار سبحان الله بتحسون ان المشكلة أصغرت اشوي اشوي ويا رب يريح الجميع